نصيحه

[poem=font="arial,5,#0000ff,bold,normal" bkcolor="#ffffff" bkimage="" border="solid,5,#ff0000" type=1 line=0 align=center use=ex num="0,"]
قالـوا تفكّـر قلـت ياكثـر الافكـار
=اسرحبها وأضويبها فـي حياتـي
قالوا وش اللي مشغلك قلـت الاقـدار
=مافيه يوم الا وانـا حسب وفاتي
وانا ادري ان الموت مامنـه منفـار
=وإن البـنـادم مرجـعـه للممـاتـي
لاكن ابا أوصي قبل قصّاف الأعمـار
=وأبـاك ياراشـد توثّـق وصـاتـي
حافظ على دينـك ولوصـار ماصـار
=وترى عمود الديـن هـي الصلاتـي
مـن كبّهـا كافـر ومثـواه فالنـار
=مـن لايصلـي ماحصلّـه نجـاتـي
حذرا يجيك النوم في وقت الاسحـار
=عن مـذّن الاسحـار حـذرا تباتـي
هلّل وكبّـر واطلـب النافـع الضـار
=ترى هذاك الوقـت وقـت احسناتـي
وعـن الجماعـه لاتعـذّر امعـذار
=ماينـفـع المـعـذار فالموجبـاتـي
والصوم واجب فوقنـا جمـع ونفـار
=الله كتـب فالعـام شهـر ابركـاتـي
شهر ابركات وذكـر ياطيّـب الشـار
=ياحـظّ منـهـو فــاز بـالأوّلاتـي
فيه انزل القرآن فـي داخـل الغـار
=على رسـول الله حسـن الصفاتـي
وبه ليلةً مـن قامهـا سـر وجهـار
=يفـوز بأحـس نـوع فالجايـزاتـي
والحج فرض لْكـل مسلـم فالأقطـار
=مـن يستطيـع الحـج لابـد ياتـي
يزور بيت الله علـى حسـن ووقـار
=وياقف نهار التسع وسـط أعرفاتـي
في يوم مابه فـرق فكبـار وصغـار
=من كمل اشروطـه لقاله براتـي
وطلّع زكاة المال من حسن الاسعـار
=الله كتـب فوقـك طلـوع الزكـاتـي
واختار جارك قبـل لاتشـري الـدار
=ان كـان فـي دارك تريـد الثباتـي
الدين ياراشـد بغـى يـورث الجـار
=يصبـح معـك خشيـر فالمورثاتـي
انشد عن احواله لاتنشر لـه اسـرار
=اسـرار جـارك خلهـا مبهمـاتـي
واصحى تصك الباب في وجه خطّـار
=كـرّم ضيوفـك لـو تبيـع العباتـي
انص الضيوف بواجه منور ومسفار
=واحجاج يضحك واحسـب المقبلاتـي
وبنت الردي لو زينها ينـور انـوار
=فـي ناحيتهـا لايجـيـك التفـاتـي
مامـن وراهـا ألاّ مشقـه ومخسـار
=منته محصّـل مـن وراهـا غناتـي
يطلـع ولدهـا خبـل ماياخـذ الثـار
=يجلس مع امه فـي نهـار الغزاتـي
لاتاخـذ ألاّ بنـت وافيـن الاشبـار
=مـاكـل ورده تنقـطـف فالنبـاتـي
الي لهم في صفحـة الطيـب تذكـار
=لاخيـر فـي تمـره مافيهـا نواتـي
احسب احسابك قبـل تاقـع وتختـار
=لاتنخـدع فنجـومـه الساهـراتـي
صقـراً بلاجنحـان فالجـو مـاطـار
=والعلـم ياراشـد ليـا فـات فـاتـي
وربعك لاتتركها لو إن الدهـر جـار
=تضحك علاك اعداك وهـل الشماتـي
ربعك ضلالك فالمواقـف والأعسـار
=فوقك ضلال وفـي يمينـك عصاتـي
تفخر بهم في كـل محفـل ومحضـار
=مـن كـبّ ربعـه طـبّ فالموبقاتـي
وأنصحك لاتجلس مع الناس الاشرار
=لاتجلـس ألاّ مـع رجـالٍ ثقـاتـي
انته مجـوّد مـن رياجيـل وأحـرار
=وهذي وصاتي وأستمع في وصاتـي [/poem]

السلام عليكم ورحمة الله وبركاته

وأنصحك لاتجلس مع الناس الاشرار
لاتجـلـس ألاّ مـــع رجـــالٍ ثـقـاتـي
انتـه مـجـوّد مــن رياجـيـل وأحــرار
وهذي وصاتي وأستمع في وصاتي


نصائح ثمينة من رجل يملك القدرة على النصح والإرشاد ..

شاعر كبير ..صح لسانك .

وفقك الله ..

قـالـوا تفـكّـر قـلـت يـاكـثـر الافـكــار
اسرحبهـا وأضويبهـا فــي حيـاتـي
قالوا وش اللي مشغلـك قلـت الاقـدار
مافيـه يـوم الا وانـا حسـب وفـاتـي
وانـا ادري ان المـوت مامنـه منـفـار
وإن الـبـنـادم مـرجـعــه للـمـمـاتـي


صح لسانك يا جميل

شعرك ينساب بكل يسر وبدون تكلف


الله يطول في عمرك ويصلح لنا ولك النية والذرية

	وانـا ادري ان المـوت مامنـه منـفـار وإن الـبـنـادم مـرجـعــه للـمـمـاتـي

وإن البنادم مرجعه للمماتي .....صدقت ياجميل

قصيدة تحمل وصايا وحكم لاغناة لنا عنها

صح لسانك ياشاعرنا ولله يصلح لك راشد إن شاء الله .

جزاك الله خير على هذي النصائح وصح لسانك

صح لسانك ياجميل
نصائح من ذهب تستحق الإشادة
بارك الله فيك وننتظر المزيد

ربعـك ضلالـك فالمواقـف والأعسـار
فوقك ضـلال وفـي يمينـك عصاتـي
تفخـر بهـم فـي كـل محفـل ومحضـار
مـن كـبّ ربـعـه طــبّ فالموبقـاتـي


وحنـآ نفخـر بكـ أخوي جميـل الهـذلي شاعر متمكن ...

صح لســآنكـ مليـــوون ..