* ما تهـــاب *( مصافحتي الأولى لصرح هذيل الشامخ) - ::{ مجالس قبيلة هذيل }:: موقع يهتم بتراث القبيلة ومفاخرها

03-17-2009, 12:03 AM

السلام عليكم ورحمة الله وبركاته
أول مصافحة شعرية لمنتدى قبيلتي بين أيديكم أتمنى أن تنال إعجابكم..
مع خالص ودي ..

[poem=font="times new roman,5,#722c70,bold,normal" bkcolor="" bkimage="" border="none,1," type=1 line=0 align=center use=ex num="0,"]

نك نيمي ..مرهب قلوب الحريم=لقبوني عقبها اللي ما تهاب

دام حرفي داعب أطراف النسيم=والقوافي عانقت شم السحاب

دام صيتي لا انتشر مثل الهزيم=ودام ربعي عزوتي اقوى زهاب

ما عليه من صدى صوت الحطيم=ولا عليه من عواكم يا الذياب

ذيبة ٍ ما هزني كود العظيم=اللي خلقنا من تراب وللتراب

هاجس القيفان عندي مستديم=يذهل الشعار بالطرق العجاب

لا بغيت ألعب على النهج القديم=ولا بغيت الحق في أم الكتاب

دور المعنى ترا المرهون ِسيمْ=والمعاني من ورا هاك الهضاب[/poem]

03-17-2009, 01:28 AM

ماتهـــاب .. وعليكم السلام ورحمة الله وبركاته

مصافحة تستحق الاعجاب .. صح لسانك وسلم بنانك

للتنبيه ..

ذيبـة ٍ مــا هـزنـي كــود العظـيـم
اللـي خلقنـا مـن تـراب وللتـراب

هناك خلل في عجز البيت .. ياليت تراجعينه ففيه زيادة

ربما غير مقصودة نتيجة خطأ مطبعي .. لأن اجادتك فيما

قبله توحي بأن الخطأ غير مقصود ..

لاشك بداية قوية توحي بقدوم شاعرة لها من اسمها نصيب

ننتظر القادم .. ودمت كما تحبين ..

03-17-2009, 06:07 PM

السلام عليكم ورحمة الله وبركاته

نك نيمي ..مرهب قلـوب الحريـم

ياوجه الله

صح لسانك أختي،،ماتهاب

ابيات جميلة،،،،، وملاحظة شاعرنا حمدي في محلها..

ننتظر جديدك

تحية طيبة

03-17-2009, 06:39 PM

صح السانك مصافحه موفقه وفيها نوع من اتحدي وتوحي ان وراها شاعره متمكنه وملاحة الاخ حمدي صحيحه والاكن لاتنقص من شاعريتك شئ وانشاالله نشوفك احد فرسان شاعر المليون في نسخته الرابعه 0واصحيح نك اسم على مسمامرحبابك بين اخوانك وخواتك في هذا الصرخ الشامخ

تقبلي مرو ري وتحياتي وتقديري

03-17-2009, 06:58 PM

كلمات تدل علي شمووووخ صاحبها وصح لسانك
بداية أكثر من موفقه
هذا وانتي بس توك تصافحين
أجل لو أخذتيه بالاحضان وش بتسوين (المنتدي ) طبعاً
أختي الكريمة أتمني أن يكون صدرك رحب في تقبل توجيهات الإخوان فنحن هنا لنفيد ونستفيد
تقبلي مروري
وتحياتي

03-17-2009, 10:09 PM

بث تجريبي وشفيك انت وين رايح الموضوع شعر وشعراء ههههههه وحده با وحده

تقبل تحياتي

03-17-2009, 11:19 PM


	المشاركة الأصلية كتبت بواسطة جميل المطرفي الهذلي


	بث تجريبي وشفيك انت وين رايح الموضوع شعر وشعراء ههههههه وحده با وحده تقبل تحياتي

ههههههههههههههههههههه
أبو راشد
أنا علي قولة المصري
بعرف في كل حاجه وبفهم في كل حاجه
ههههههههههههههههههه
أسمحي لنا ماتهاب
ولك تحياتي

03-18-2009, 04:02 AM


	المشاركة الأصلية كتبت بواسطة حـمـدي الهـذلـي


	ماتهـــاب .. وعليكم السلام ورحمة الله وبركاته مصافحة تستحق الاعجاب .. صح لسانك وسلم بنانك للتنبيه .. ذيبـة ٍ مــا هـزنـي كــود العظـيـم اللـي خلقنـا مـن تـراب وللتـراب هناك خلل في عجز البيت .. ياليت تراجعينه ففيه زيادة ربما غير مقصودة نتيجة خطأ مطبعي .. لأن اجادتك فيما قبله توحي بأن الخطأ غير مقصود .. لاشك بداية قوية توحي بقدوم شاعرة لها من اسمها نصيب ننتظر القادم .. ودمت كما تحبين ..

مرحبا بك اخوي ومسهلا..
من العجلة ربما حدث الخلل
الله يعطيك الصحة ما قصرت .. تشكراتي
دمت بقصيد

03-18-2009, 04:05 AM


	المشاركة الأصلية كتبت بواسطة عماد الهذلي


	السلام عليكم ورحمة الله وبركاته نك نيمي ..مرهب قلـوب الحريـم ياوجه الله ههههههههههه قوية صح لسانك أختي،،ماتهاب صح بدنك اخوي ابيات جميلة،،،،، وملاحظة شاعرنا حمدي في محلها.. ننتظر جديدك تحية طيبة

مشكور اخوي على راسي كل نقدكم
ابشروووووووا تشكراتي

03-18-2009, 04:09 AM


	المشاركة الأصلية كتبت بواسطة جميل المطرفي الهذلي


	صح السانك مصافحه موفقه وفيها نوع من اتحدي وتوحي ان وراها شاعره متمكنه وملاحة الاخ حمدي صحيحه والاكن لاتنقص من شاعريتك شئ وانشاالله نشوفك احد فرسان شاعر المليون في نسخته الرابعه 0واصحيح نك اسم على مسمامرحبابك بين اخوانك وخواتك في هذا الصرخ الشامخ تقبلي مرو ري وتحياتي وتقديري

مرحبا بك ومسهلا اخوي شرفتني بمرورك
صح بدنك .. يسلم راسك..
البقا بك يالنشمي ..
شاعر المليون لا لا لو كان به لجنة اوكي اقول آمين هههه
تشكراتي

03-18-2009, 04:15 AM


	المشاركة الأصلية كتبت بواسطة بث تجريبي


	كلمات تدل علي شمووووخ صاحبها وصح لسانك صح بدنك اخوي بداية أكثر من موفقه هذا وانتي بس توك تصافحين أجل لو أخذتيه بالاحضان وش بتسوين (المنتدي ) طبعاً قلت في نفسي بس جات الشوتة من وراك هههه تسلم لا هنت .. أختي الكريمة أتمني أن يكون صدرك رحب في تقبل توجيهات الإخوان فنحن هنا لنفيد ونستفيد تقبلي مروري وتحياتي

عادي يا اخوي انا احب استفيد واغرف من كنوز اللغة
في هالمنتدى انقدوا مو اول مرة انتقد وما تعلمت الا من
النقد
تشكراتي على الروح الرائعه

03-18-2009, 04:19 AM


	المشاركة الأصلية كتبت بواسطة بث تجريبي


	ههههههههههههههههههههه أبو راشد أنا علي قولة المصري بعرف في كل حاجه وبفهم في كل حاجه ههههههههههههههههههه أسمحي لنا ماتهاب ولك تحياتي

خذوا راحتكم ربع واخوان

03-18-2009, 04:52 AM


	نك نيمي ..مرهب قلـوب الحريـم

اي والله صادقه حتى شوفي ... موضوعك ما خشت فيه ولا حرمه

ههههههههههههه

صح لسانك والله وعساك على القوه

03-18-2009, 04:52 AM

مشكوره اخت ماتهاب على هذه الاخلاق العاليه وحسن الحوار والكلام الجميل وبث تجريبي وانا اخوان لك ونا اخوكم الكبير واليابقيتي اي شئ علميني

لك مني كل احترام وتقدير

03-18-2009, 04:55 AM

ماتهاب بدايه قووووويه وجميله انا بلست شاعرا ولاكن متذوق للشعر فشعرك عذب واصلي دمتي متالقه...........