صــأأــوت الملامــح ..

صوت الملامح ..هو ما نقرأه في وجوه الصامتين
دون الحاجه الى ان يتكلموا...!

ياصاحبي صوت الملامح جـــهوري !!
من نظــرتك ودّك تقــــول انت مـــغرور!


وانا اعذر الي سولفوا عن غروري
زود الثــقه .مـــن ظـــنّه اغـرور معذور


بس اش يضرّك يوم اهيم ابسطوري
لا صـــرت مــاني نــجم مــا شـع لي نور


حتى ولو ما شعْ نجــمي بنـــوري
.....وش خصّــكم لو خـــان الأحــلام ديجور


همّي بدنيــاالشعر... اعيش ابشعوري
...... وهــمْ غيــري .لا يــقــولون مغـمور


ما احتاج شهره .لجل يطغى حظوري
...... في داخـلي شــعر ..وقـصايد وجمهور!!


مافي حياتي شي ماهــو ضروري
............ همّي ..وهو همـّي يغذّينـي اشـعور


شعري بساتيني ...ونفــحة عطوري
...... فـــيه التــفت ..للناس وآمــر بالدور


أجذب ضيا صبحي وأفـيّق طيوري
واسكن. بوسط النجــل ., والدعـج ., والحـور


وانثر بوجْـنات العذاراى بذوري
....... واروي البذور ابدمعهن.. تنــبت ازهور


قصيدتي .جسْرٍ ..ضمن لـي عبوري
....... من صــــــور دنيـــانا لدنيا بلا صور

تركي الصخري

الي تقريبا تقصد اللي ولا لا

وانا اعذر الي سولفوا عن غروري
زود الثــقه .مـــن ظـــنّه اغـرور معذور


بس اش يضرّك يوم اهيم ابسطوري
لا صـــرت مــاني نــجم مــا شـع لي نور


حتى ولو ما شعْ نجــمي بنـــوري
.....وش خصّــكم لو خـــان الأحــلام ديجور


همّي بدنيــاالشعر... اعيش ابشعوري
...... وهــمْ غيــري .لا يــقــولون مغـمور


ما احتاج شهره .لجل يطغى حظوري
...... في داخـلي شــعر ..وقـصايد وجمهور!!

قصيده جزله,,,,,,,,,,,,,,, صح لسانك ياتركي

الله لله

قصيده جزله من شاعر جزل

بيض الله وجهك وصح لسانك يا جلمود الشعر

صح لسانك والله ياتركي

السلام عليكم ورحمة الله وبركاته


صح لسانك ،،شاعرنا تركي ولاهنت،،نقصيدة مميزة جدا،،عذبة،،جميلة.

دمت بهذا التألق

تحية طيبة

صح لسانك اخوي تركي

قصيده جميله ولاشك

وتقبل مروري

صح لسانك ياتركي
قصيده جميله وشعور شاعر
ننتظر جديدك لاهنت

السلام عليكم ورحمة الله وبركاته

صح لسانك ولاهنت اخوي تركي
شاعرية تستحق المتابعة ..


وهذا البيت قصيدة :
مافي حياتي شي ماهــو ضروري
............ همّي ..وهو همـّي يغذّينـي اشـعور



ننتظر جديدك

الله الله يا تركي

ما احتاج شهره .لجل يطغى حظوري
...... في داخـلي شــعر ..وقـصايد وجمهور!!


شاعرية في قمة الروعة

غرور في محلة

همّي بدنيــاالشعر... اعيش ابشعوري
...... وهــمْ غيــري .لا يــقــولون مغـمور


هذا الهم و المهم


استوقفتني كثيرا


شكرا لك

صح لسانك يالشاعر

قصيدة جميلة

اشكر كل الاخوه على ردودهم الراقيه برقي اخلاقهم
ويسعدني ان النص قد لا مس ذائقه

اشكر كل من خط سطر هنا

والقادم بوجودكم أجمل بغذن الله تعالى

صح السانك ياتركي مبدع يالغالي لاهنت


بيض الله وجهك.. ولا تحرمنا من جديدك..

صح لسانك قصيده...

جزله من راس جزل