محمد المسعودي وعبدالله العير " أنته ولد حامد ولا ولد مستور "

السلام عليكم ورحمة الله وبركاته

هذه المحاورة جمعت الراحل عبدالله العير رحمه الله ومحمد المسعودي أطال الله بقاءه



؛؛
والمحاورة تبين معناها وتوجهها أبياتها الجميلة
؛؛
؛؛
عبدالله العير:




سـلام رديــة تضـفـي عـلـى الجمـهـور
تضفي على الجمهور واحد ورى الثاني
انـتـه ولــد حـامــد ولا ولـــد مـسـتـور
بالله عـلـمـنــي طــرقـــي وعـجــلانــي



محمد المسعودي:



يامرحبا ياللي مقبل علاك الدور
فالديره الحيه والذيـب سرحانـي
انا ولد حامد ياللي نطقت الزور
الزور بلسانك والصدق فـلساني



العير:



ياراعي البندق قدم الزنـاد يثـور
كلٍّ معه بنـدق صاحـب وقومانـي
تضحك له الآيام وقرينها مكسور
وانته على نيـه والصـدر مليانـي



المسعودي:



مانزرع الزرعه لو نحسب العصفور
خل الطيور اتعيش لو ماش جنحانـي
حنـا هـل الطالـه والبيـرق المنـشـور
يعـيـش حاسـدنـا ويـمـوت فـقـرانـي



العير:



الله يعوض بخير فـالميت المقبور
اللي زرع تفاح فـي راس نعمانـي
الوادي المسني والوادي الممطور
ترحل لـه البـدوان وتعلـق العانـي



المسعودي:



اهرج مع الحاضر ويسدك الميسور
وإن كــان تجهلـنـي دور وتلـقـانـي
ماتسمح الشرطه نمشي بدون النور
أمــــــا تـعـديــتــك ولا تــعــدّانـــي

للأمانه

منقول من ( منتديات عذب القصيد الأدبيه ) للشاعر محمد المسعودي

الله يعوض بخير فـالميت المقبور
اللي زرع تفاح فـي راس نعمانـي


كلاااام كلاااام


**


اهرج مع الحاضر ويسدك الميسور
وإن كــان تجهلـنـي دور وتلـقـانـي


كلااام كلااام

**

ياسلااااااام تسلم يامشرفنا


بيض الله وجهك :

محاورة جميلة جدا

الله يرحم العير ويطول عمر ابو عبد الله

محاور كايفة من جد
رحم الله العير وأطال الله في عمر شاعرنا المبدع محمد المسعودي
مشكور أخوي مطرفي الدلم

يا سلااااام

محاوره جميله جداً وانتقاء رائع اخوي
بيض الله وجهك

العير شاعر كبير فقدته الساحة

	ياراعي البندق قدم الزنـاد يثـور كلٍّ معه بنـدق صاحـب وقومانـي

ومحمد قدها في كل موقف (عافاه الله )

	رحمه الله حنـا هـل الطالـه والبيـرق المنـشـور يعـيـش حاسـدنـا ويـمـوت فـقـرانـي

	المشاركة الأصلية كتبت بواسطة فواز الهذلي

	الله يعوض بخير فـالميت المقبور اللي زرع تفاح فـي راس نعمانـي كلاااام كلاااام ** اهرج مع الحاضر ويسدك الميسور وإن كــان تجهلـنـي دور وتلـقـانـي كلااام كلااام ** ياسلااااااام تسلم يامشرفنا بيض الله وجهك : محاورة جميلة جدا الله يرحم العير ويطول عمر ابو عبد الله

فواز الهذلي

أشكرك على مرورك الكريم وأتمنى لك التوفيق .

تحياتي .

	المشاركة الأصلية كتبت بواسطة أبو حمدان

	محاور كايفة من جد رحم الله العير وأطال الله في عمر شاعرنا المبدع محمد المسعودي مشكور أخوي مطرفي الدلم

العفوا يابو حمدان وأشكرك على مرورك الذي نور الصفحه .

تحياتي .