هديه .من الإصدار الجديد .قبل نزوله الأسواق (كتابيه_صوتيه)

مجالسي الأنبياء

[poem=font="Arial,5,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]
بسم الله الرحمـن فـي بـادي القيـل=اللـي بنـا بيتـه ودمّـر هـل الفيـل
وأرسل عليهم سـرب طيـراً ابابيـل=بحْجار من سجيل ترمي علـى اعـداه
الي حفظ يونس بحفظـه مـن المـوت=من عقب ماهو في البحر في بطن حوت
لاشايـفٍ زولٍ ولاسـامـعٍ صــوت=سبحـان مـن فـدّر نجاتـه وناجـاه
واللي حمى يوسف بعد حـزن يعقـوب=رموه جوف البيـر والعمـر مكتـوب
وعـوّدوا لآبـوه بالـدم فـي الثـوب=قالوا غدرْه الذيب والذيـب مـا جـاه!
والي نصر موسـى بعـد بيّـن الحـق=خلا عصاه اتشق عرض البحـر شـق
حتـى عبـر ثـمٍ بعـدْهـا تطـبّـق=علـى عـدو الله ومـن كــان والاه
واللـي بـرا لأيـوب ممـا سطـابـه=عبـدٍ صبـر للسقـم يـوم ابتـلابـه
فأتـلا مرضْـه الـدود قالـوا مشابـه=وحـزّة دعـا مـولاه شافـاه وابـراه
وجنّـب ابراهيـم حـاظـر سببـهـا=نـارٍ هـل السيّـات دنّـوا حطبـهـا
حكـم عليهـا مـا ينـوشـه لهبـهـا=بـرد وسـلام اتعاظمـت قــدرة الله
وآمن رسوله هو وابو بكر فـي الغـار=يوم العـدا حاطتْهـم ايميـن وايسـار
ضاعت بصايرهم وعميـن الابصـار=ما واحدٍ منهم نظـر حـدر مـا طـاه
اللـي يريـده خالـق الخلـق بيكـون=مقـدر الاقـدار بالـكـاف والـنـون
فردٍ صمد .ما يعجزه شي فـي الكـون=ولا يشـوف الضُّـر مـن لاذ بحمـاه
مولاك يالإنسـان سوّاك مـن طيـن=وامجمـلٍ صورتـك بالخشـم والعيـن
والهمْك فكـر ايميـز الزيـن والشيـن=هذي النّعم من بعدها كيف تعصـاه؟!!
منـزل المـا مـن بعيـد السحـابـي=يسقـي الديـار المسنيـه والهضابـي
حتـى تخضّـر يابسـات الـروابـي=ماشي بيحْيـا لـو حبـس عنّنـا مـاه
سبحانه اللي خالـق أشكـال وألـوان=اللي علـى رجليـن واللـي بجنحـان
في كل شي عبـره عظيمـه للإنسـان=من حازها مـا آظـن يتعـب فدنيـاه
يالله وفّقـنـا لطاعـتْـك تـوفـيـق=واشرح صدورٍ مـن كدرهـا مغاليـق
انت الرجا يا فارج الكـرب والضيـق=والا البنـادم تـورث الـذل شـكـواه
واختامها صلـوا علـى سيّـد النـاس=شفيـع الأمـه يـوم الأريـاق يبّـاس
اعداد ما قـد خـط حبـرٍ بقرطـاس=واعداد ناسٍ عقـب مـا خـط تقـراه [/poem]

تركي الصخري

[rams]http://www.tntup.com/audio/view.php?play=883aecffa69a64e0c5b0378046ef5243[/rams]

مجالسي الرسائل العشر

بـسم الله الرحمن في بادي الـقاف
اللي له العبد التقي عقب ما طــاف
سعى بعدْها سبعة اشواط ٍ اخفاف
..........يرجـــي الثّــــــواب ابهـــن في يـــــــوم معـــلوم
.

من بعدها يا صاحبي لــي رسايل
عشر ٍ نباها زين والـْــــــــها دلايل
.ومن سمان القول .ماهي هــــزايل
..............كتبــتــــــــها يا صــاحبي شــــعر منـــــــظوم
.

قُل الكريم .اللي ضيـوفه كثيرين
وحلّته منصى رجــــــــالاً بعيدين
ويوفي اللوازم لو تديّـــن لها دين
.........( قــلّه ترى ما أنتـــــه من الــــرزق مــــــحروم)
.
.
أمّا البخيل.إللـــي دلالــــــه جديده!!
ما صبّت اللي في ضحى يـوم عيده
لا كاسب الطـــــاله ., ولاهــو فقيده
.............(قلّــه ترى الإنسان لــــه يـــــوم محـــــتوم )
.

وقل للذي.لا شــاف خــــلّه ســـترْها
وغض عنْها الطرف وأخـــفى خبرها
ولا تتبّــــــّــعها ولا قـــــــص أثرها
.............(قلّـه جزاك ابها الســــــتيره عــــلى الدّوم )
.

أما اللذي يفـرح بعثرات غـــيره
وايودّي الأخــبار.في كل ديـره
كنّه مذيع ٍ في قـــنـاة الجزيره
.............(قــلّه يجيـلك عنْــــد بحـث الخـــفى يـــوم )
.

وقل للذي يـــــرحـــم ليـا ما تولاّ
وخـــــــــابــر إن الله فـــوقه تعلا ّ
وإن شاف ضيقة مسلم ٍ ما تخلا
ّ........(قلّـــه ترى اللــي يرحــم النـــاس مرحــوم )
.

وقل للذي ليمن تـــولا ّ تجــــــــــــبّر
وعلى ضعوف الخلق خــــــــطّط ودبّر
وإن كان ذكّــر باالنــــــــصايح تكبّر
.............( قلّــــه تـرى الله ناصــــراً كل مظــلوم )
.

وقل للذي يفـــرح بـــــــلمْ الرفاقه
ماهو عـــلى ماقيل قطّـــاع ساقه
يحرص على عهد الوفى والصداقه
........(قلّــــه تــــرى شــرواك ما يلحـــــقه لــوم )
.

أما اللذي يمـشي بنقل النّــــــمايم
وايتابع الــغرّات قاعـــــــد وقـايم
ويفرح على غـــــــاراتها بالهزايم
...........( قلّـــه ترى شـــرواك بـــوم ٍ ولد بــــوم )
.


وقل للذي يصبر عـــلى كل ما جاه
.ويحتســــــــب ثوابها عــند مولاه
وإلى أشتكى .ما يشتكي غير لله
..........(قلّـــه ترى الله بأمره الكــون مــــحكوم )
.

وقل للذي يجزع من الضيم والبــاس
ويـشتكي حاله على جـملة الـــناس
ويسهر افــهمّ ٍ.وفكره .وهـــوجاس
.................( قلّــه ترى عين الشقي مالها نوم)
بقلم : تركي الصخري
[rams]http://www.tntup.com/audio/view.php?play=4f4fac9ec9523ab288eaa5af507587cb[/rams]

قصيدة ياسيف على بحر الهلالي

ياسيف انا نفسي من الوقت طايبه
.....مالـــــي فلــــجّـــاته ولا فــــــي طــــــــلايبه

ابعد بروحي وآتجنّب عن الغثا
......والوقــــت عــــــيّت لاتـــجنـــــّب نشــــــايبه

ما آقولها والله من قــل حيلتي
.....والا مهـــــابة شــــــيْ قفّـــــــــيت هـــايــبه

محدن تبى تمشي علينا جهالته
......والاّ تبـــــى تمـــــشي عــــــــلينا لعــــايبه

لاكن اقوله ..عيفةٍ في هل الردى
......الـــي تــــــقفّى النـــاس والنــــاس غـايــبه

احنا لنا صيتٍ وسمعه نصونها
.... ما احــــنا كــــــما دونٍ مبــــــاديه خــــايبه

هذاك ما عنده ولا شيّ يخسره
.....الذمّ بهْ ..حتــــى مـــــن اقــــــرب قــــرايبه

لومٍ عــلينا ..لو نحــــطّه عدوّنا
.....لاشــــك حقـــــرانه ..يــــــزوّد لــــــــهايبه

مانخبره يعدي.ومحقور لو عدا
....يرجـــــع علـــى راســـه يلـــــوّي عصايبه

ياســـيف..خلْ البوم تلعي فعشّها
....الحر ..دايـــم معـــــتلي فــــــي رقـــــايبه

احنا لنا تاريخ يثــــبت مـــــقالنا
....وهرجًٍ بلا برهــــــان مــــــانــي بجــــايبه

لأصحابنا ..في الصدر قدرٍ ومنزله
.....ما ننقــصر عنـــــــهم ليـــــا جــــات نايبه

من جالنا بالطيب ..بالطيب ناصله
....لاهــــــو يــــغايبْنا ..ولا احـْـــنا نــــغايبه

وايضا نكرّم خاطر الضيف لا لفى
....يامرحــــبا بــه عقـــب ناخــــــت ركـايبه

والجار مايلقى ..الوذى في ربوعنا
....ناقـــــف معه ضــــــد .الــزمان ومصـايبه

وان جالنا المضهود واضحى دخيلنا
....تغـــفى عيون امّه ..ويـــســــــترْ شـايبه

.....ان قدّرت طلابته...مذهب العرب
والا فصــــــــنع الــــروم حـــــمرٍ خــشايبه

يقضي لوازمنا لياعال خصمنا
..... في حــــزّة الهيّه تشــــوقك ضــرايبه

نفخر بفعْل اجدودنا..من يلومنا
...... وكلٍ من الأجـــــــواد ..يفــخر بنـايبه
تركي الصخري
[rams]http://www.tntup.com/audio/view.php?play=e99931b152b40386d598773664556de2[/rams]

مجالسياااات وقصيده رائعه...

بل..

أنا أدعوها معلقات ..

أنت شاعر مكسب لنا في هذا المنتدى..

شاعر من كبار الشعراء

وشهادتي فيك مجروحة...




تقبل مروري..

السلام عليكم ورحمة الله وبركاته,,

اخي الشاعر تركي الصخري حضور رائع وتواجد مثير,,وهديه مقبوله يابو ساطي

مجالسيات سنعود لها كثير سنقف عندها كثيراً سنعيدها مراراً ونتمعنها ,,


يشرفني اكون من,, المتابعين لك باستمرار,,

فلا تقطعنا بكل ماهو جديد,,


صح السانك لين ترضى ,, وسلمت وبيض الله وجهك



تقبل فائق احترامي,,


اخوك: رايد الهذلي

صح لسانك ياتركي

كلام جزل من راعيه

ننتظر جديدك لاهنت

هديه مقبوله يابو قريش

وصح لسانك لين ترضى يالجزل ,حقيقة يشرفنا تواجد امثالك

لك كل الاحترام

السلام عليكم ورحمة الله وبركاته

صح لسانك ،، شاعرنا تركي الصخري،،، وبدايتاً نكرر الترحيب بك بين أخوتك ،وابناء عموتك ،، فحياك الله في منتداك (مجالس هذيل).

وجبة شعرية دسمـة ،، ولاشك أنها وجبة أصيلة ،،،أمتعتنا بها.

شكرا لك،،،،ولاشك نتطلع لكل جديد،،لتركي الصخري..


تحية طيبة

مصافحة رائعة لشاعر مطبوع ، تشي بملكة شعرية ،

وحس أدبي ، وغزارة ..

مشاركات راقت لنا كثيرا ، لك خالص التحية والتقدير ،،،

يعطيك العافية......... تركي الصخري على الاهداء المميز




وقصيدة اكثر من رائعة


ننتظر جديدك ياشاعر قريش



تقبل مروري....... اخوك مطرفي الجوف

ما شالله تبارك الله
صوت ندي وابيات رائعة مثل كاتبها

هدية فاخرة نفتخر بها

و حياك و حي من جابك

صح لسانك ياتركي ......وهديه غاليه ومقبوله

ومرحباً مليار في مجالس قبيلة هذيل وحياك الله

شاعر قريش الاول الاخ العزيز تركي القرشي

بيض الله وجهك على هذه الدرر

مبدع ياتركي كالعاده واتمنى لك مزيد من التآلق

تقبل مروري وكلماتي المتواضعه

الله الله
وش ذا الإبداع وش ذا الزين
صح لسانك وعلا شانك
وهدية قيمة بلا شك
فعلاً أنت مكسب كبير لنا إن شاء الله
تشرفنا بوجودك ياتركي

صح لساانك

وهديه قيمه

وبالتوفيق والسداد

حيا الله تركي و حيا ما جابه

شاعر نتشرف بحضوره بيننا

و هو أخ لا شك

فالمنتدى له حق فيه مثل ما لأي أحد

و قريش و هذيل كذلك منذ النشأة الأولى

قصايد جميلة يا تركي

و نطمع في المزيد

اهلا وسهلا


بابن العم عند ابنا عمومته


اهلا بقريش التاريخ والرساله

عمل مشرف

وقصائد جزل


لاهنت اخي تركي