 |
 |
 |
01-22-2009, 02:12 AM
|
رقم المشاركة : 1 | |||||||||
|
غبيهـ
● ● السلام عليكم ورحمة الله وبركاته ملل قاتل وحده موحشه امل مغتال فرح مبتوور قلب متوشح حزن عين تبكي حلم ندم يتبع ندم شتات بوسط الأهل وغربه بداخل وطن وذاكره تنزف الم بكل يووم وبكل لحظه تعيد وتكرر نفس الالم وضع اعتادت عليه وضع بالتاكيد جديد وضع يختلف عن وضعها السابق اوبالاصح حياتها ككل كانت مختلفه حياة جداً ممله لالون فيهاولاطعم.. وقت حكي الذاكره ابتدأ ووقت صراخ دمع الندم حان .... من هنا كانت البدايه الجوال يرن تنظر الى الشاشه بتعجب وتتسائل رقم غريب من يدق هالووقت هنا احتارت ترد ماترد ماتعودت ترد على ارقام غريبه تكرر الاتصال وزادت حيرتهاوتساؤلاتها من يكون المتصل؟؟ ارد ماارد؟؟ وبعد حيره وتردد قررت الرد وكانت المفاجئه صووت ذكووري غريب هو/مساء الخير هي/هلا مساء النوور هو/نووووف؟؟!! هي/لاا غلطاان قالتها بعصبيه وقفلت الخط فهمت غررضه وماحبت تعطيه مجال ياخذ ويعطي معها تكرر الاتصال وندمت هنا على انها ردت قفلت الجووال ونامت. في الصباح تجهزت وتوجهت لدوامها فتحت الجووال وتفاجات بعشرات الرسايل من نفس المتصل. وقتها شعرت بالخوف والندم فكرت تحكي لااخوانها لانها متاكده باانه مابيترك بحالها لاكن خافت يشكون فيها او يفهمونها غلط فقررت تطنشه ليما يمل بالجامعه وبالقاعه بالتحديد رن جووالها قدام الملا وسبب ازعاج ولفت انتباه الجميع انحرجت وقفلته بسرعه صاحبتها بجبنها تسألها غريبه من اللي متصل عليك هالوقت ومن متى احد يدق عليك اصلا جاوبتها ياشيخه هذا بلشه رديت عليه امس وماهجد. اهاااااااا قالتها بااستهزاء يعني بتقنعيني انك ماتعرفينه. من وين اعرفه ياحلوووه استحي على دمك طيب خلاص لاتعصبين ردي عليه وشوفي وش يبي. وش ابي فيه خليه يدق ليما يطفش. يابنت بطلي عقد كلميه مافيها شي عااادي. هنا سكتت وماردت وكأن الموضوع دخل مزاجها بعد ساعه رن الجووال ثاني ناظرت في صاحبتها وكأنها تنتظر الأذن منها و جاء الامر منها بوجووب الرد حالاً تغيرت قناعتها هنا بسهووله اوبالاصح تلاشت الاسباب اللي كانت مانعتها الاسباب بالتاكيد هي الاهل الاخوان والخووف منهم هنا بمفردها محد يدري عنها قررت الرد بعد تشجيع صاحبتها ومن هنا ابتدأت المعرفه واستمرت الاتصالات واللقاءات تملكها هنا واصبح جزء من حياتها ماتقدر تستغني عنه ماتقدر ترفضله طلب ماتقدر تزعله ... وكعادة اي شاب هنا بدأ يصرف وعوده الوهميه بالزواج لمريضته الغبيه... في كل مره تنخطب ويطلب منها ترفض هي له مايبيها لغيررره ومايقدر يعيش مع غيرها ومايتخيلها تعيش مع غيرره رفضت الكثير على امل انه يخطبها بعد مايحصل على وظيفه عاشت عالووهم صدقته بكل كلمه قالها العالم كلهم يكذبوون ويغلطون ويخدعون الا هو بنظرها صادق مخلص امين سلمته نفسها خرجت معه وحصل بينهم المحظوور واستمر هنا بخداعها ومازال يصرف وعود وهميه بالزواج ومازالت تدعو الله ان يعجل بتوفيقه وتوظيفه. / يقوول نوواف الدبيخي مايامنك بكره على بيت واطفال اللي يشوفك خاينه بيت اهلك امس. تقديري وتحياتي لمن قرأ كلماتي ● ●
|
|||||||||
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
الساعة الآن 01:39 PM
 |
 |
 |