شنبك اللي تفاخر به ترى اللي جابته حرمـــه

تصيح تقـول يا(حرمه)،تحسـب إنـك تعايرنـي
شنبك اللي تفاخربه ترى اللـي جابتـه حرمـه

تـصـدق كذبـتـك دايــم مـبـادئ حـيـل تقهـرنـي
(نقص عقلك مـع دينك)تـرى مليـت هالكلمـه

ياجاهـل فتـح عيونـك ياويلـك لـو تصاغـرنـي
غضب تهديد وإستلمّه وسمّه اللي تبي سمّـه

أنا مليـت مـن ظلمـك يـا(آدم) وش تصورنـي
أذا إني ناقصه بعينك وداعي منتهي الحكمـه

ترانـي ساكتـه بكيفـي ،، نصيـحـه لاتفجـرنـي
غضب شيطان ما اميز مابين الخـال والعمـه

عيوبي طيبتي وقلبـي حنـان وشـوق يجبرنـي
علي عكسك تجي قاسي وكلن راضي بسلمه

حسافـه وقتـي الفايـت تـذكّـر يــوم تِسهِـرنـي
على قولة انا عاشـق وحبـك صابنـي سهمّـه

تذكّر يوم لي تركـض ،، تقـول يازيـن آمرنـي
علـي سنـة رسـول الله أشيـل الحمـل وآزمّـه

فرحت وقلت هذا اللي أبي فـي ظلّـه يسترنـي
اذا ضاقـت بـي الدنيـا مـسـح دمعـاتـي بكـمـه

ابـي انسـى بـه الدنيـا وابـي بالحـب يشعرنـي
ابيـه يكـون لـي فرحـه اذا زاد الـزمـن هـمـه

لكـن للاسـف غلـطـه وهــم كــذاب سـاورنـي
جزاتي والثمن عمري..وقتلت بخافقي حلمـه

قصيدة دفاع حميم


على الشق الاخر لرجل

فعلا الرجل بدونها ولا شي


صح لسانك قايلها

يسلمووووووا على القصيده

وقبل ذاك يجب ان نتذكر ان المراة ام ......... اخت .......زوجه

اسعدتني ردودكم افاق النسيم واخوي مطرفي الجوف

تسلمون وكلكم ذوووووق

السلام عليكم ورحمة الله وبركاته

الأخت الفاضلة مزيونة نجد ..
هل القصيدة منقولة ..
قصيدة مميزة لاشك ...ولي عودة للمشاركة حينما نجدها في قسم الشعر النبطي ..


ألف تحية .

الأخت الفاضلة مزيونة نجد ..
هل القصيدة منقولة .
.صح لسانك قايلها

تشكرين يامزيونه نجد على النقل قد قريتها بس حيل تعجبني هالقصيده
يعطيك العافيه

	تصيح تقـول يا(حرمه)،تحسـب إنـك تعايرنـي شنبك اللي تفاخربه ترى اللـي جابتـه حرمـه

هههههههههههه

الله يعطيك العافيه يا (حرمه)

باين عليك مقهوووره من الرجال خخخخخخ

شكرا على مروركم جميعا

نورتوا الصفحه وفعلا القصيده(( منقوله ))

لاكن اعجبتني وحبيت انقلها لكم

تسلموووووووون

قصيده رائعها وصح لسانك وسلمت يدينك يالذيبه تكفين ذبحونا ذا الرياجيل كثري كثري منها يامزيونة نجد وإن كانت منقوله رائعه ....
وتقبلي تحياتي اختك الهنووووووووووووف

مشكوره على النقل يامزيونة نجد
وللمعلوميه ماكل ابناء ادم بالسوء اللي خلف هالفكره وهالكلام
عموما سلمت يمينك لاهنتي