هــذليـات...(1)

السلام عليكم ورحمة الله وبركاته





[poem=font=",6,darkred,bold,normal" bkcolor="transparent" bkimage="http://www.hothle.com/vb/mwaextraedit2/backgrounds/6.gif" border="none,4," type=1 line=0 align=center use=ex num="0,black""]
كل مالدت عيوني ، فدحلة (ذمـار)= قلت والدرب لا سهلاً ولاهو عسـر

المطر شح، وخيّآل العشيّ استـدار= وراعي الضان، في منزال جده خسر

لا نوامي، ولا غرسة، ولا بيت جار= قهلبة خد، شمطا وسط وجها ودر

يا (مُحُمّد)، بنينا في المشاريف دار= منزلاً، حاف في شفشاف ضلعاً حَدِر

لا تهيا مغيب الشمس، شبيت نار= وأسفهليت عن ما طال وإلا قَصِر

فوق جمر القرض، وإن سال دمع الوجار= لا تدرّق ولا تملا المعاميل سِر
هبت الريح، لا تشرى ولا تستعار= إن صغر واجب الضيفان وإلا كَبِر
والله إني ماحوث النار خوف الجهار=دون باب المكارم عاش وجها سَفِر
كل ما أمسيت، ما حسّبت سعيّ النهار= بت راضي وعن (لحم البشر) مستتر

ولا أذن الفجر، لبيت الندا بالوقار= طالب العفو، والتكله على المقتدِر


ثم خميت حمرا، في لحيها الشقار= ربّها الليل سواها براسٍٍ عفِر

إن صدفني قهد، وإلا رميت الوبار= وإن تعذر عليّه، قمت عنه أعتذِر

وجال في خاطري بيتين بالاختصار= يحتويني صداها، وأبتهل وأعتَبِر

قلتها في مساراً حال دونه مسار= يوم عافت قروم القوم فعلاً جَبِر
واوجودي على اللي كل ماطـب دار= شاف فعيون خلق الله (تبا ويش اسر)
قدم الزاد لعيون الرجال الحرار= واثر طباخ زاده جاب زاده خصر![/poem]