قصيدة في حفل صلح قبيلة (العبده)و(الحساسنة) - ::{ مجالس قبيلة هذيل }:: موقع يهتم بتراث القبيلة ومفاخرها

02-10-2009, 02:27 AM

السلام عليكم ورحمة الله وبركاته

أحبتي في مجالس هذيل الغالين،،هذي قصيدة قيلت في حفل ،، صلح قبيلة (العبده) و(الحساسنة)،، في مكة المكرمة،،، أتمنى تنال إعجابكم:

[frame="1 50"][poem=font="arial,5,#00008b,normal,normal" bkcolor="" bkimage="" border="none,1," type=1 line=1 align=center use=ex num="0,"]
تمنّي ياهجوسي والقصايد في حضورك شمس=لها روس النوآمي مقبله والنفس توّآقـه
بيوتٍ مالعب شاعرك فيها بين جهر وهمس=خطبها من مشاكيل الحروف وجات منـساقه
تزاحم في خفوقـه قبل تحداها ضلوعه حبس=مهذبها على..الفعل الجميل وحشمة الفاقـه
يباها لابدت ماتّـدرق دون الثمان فخمـس=تونّس في صدور أهل الشعر وعقول ذوآقـه
يصرفها ضميرٍ لاعطى يعطي بطيبة نفس=نهل من منهل أهل العرف جلّ العلم ودقـاقه
تناحر حملته همة جمل خفه ضناه الدعس=يشوف الدرب قدامه طويل ولاثنى ساقـه
لوإنه ماربح فيما تعدى غير ضيّم وفحس=من صروف الزمان وكبرياء الحظ. وشقاقـه
إلينّه مافتر عزمه وجعل اليوم خير من أمس=تأمّل خير وأحسن ظن والرايات خفاقـه
يبا العد القراح ولاطرآله بيعةٍ بالبخس=شرآ من حر ماله مااشتهت نفسه ومارآقـه
أنآ مابيني وبين المثايل والقوافي لبّـس=طرقت ابواب دور المعرفه والنفس عشّاقه
لوإني اشوف بعض الناس تلحس فالجهاله لحس=وأساير جهلها..بالصمت مالي فالجهل طاقـه
يعاتبني القلم مايدري إن الناس تمشي عكس=يبايفتح علينا باب نبلش دون مغلاقـه
وأنا سديت باب جروحي إللي ماتوالي اللمس=ومليت أنتظر مابين بوح السر وإدرآقـه
تعبت أببتسم إلى متى وأنآ ابتسم بالدس=أنا..ماني بغارس عود شوك ومنتظر باقــه
أبسجد شكر لادن الربيع وفاح عـطر الأنـس=وسكـن ضيم الزمان إللي معاي وحسن أخلاقــه
وبعدها ياسلام الله سلام من الحيا ملتبس=رعده الطيب لاأهل الطيب والمعروف براقه
سلام من العبيدي عد ماهب النسيم ونس=وضحك وجه الربيع ومالت الاغصان مشتاقه
سلامي للرجال اللي لها الامجاد ماتنطمس=بني حسان للفعل المجمل دوم سباقه
رجالن فالمواقف تحمس قلوب الاعادي حمس=مزبنت الدخيل أهل الجميل وذروة اعناقه
بها التاريخ يسعد والقلم يشهد عليه الطرس=وأنا شاهد شهادة حق مايزعجني احقاقه
أنا شاعر حروفي ماتربت فالمواقف خرس=ويزعجني الكلام إللي يسوق حروفه أنفاقه
تعلمنا الشدايد والليالي كل ليلة درس=وانا قاري فصـول كتابها ومّحّص اوراقه
ولا ياطيب تبقى طيب أصبح في مرااحك وأمس=ومن دونك رجالن كل باطل تنوي أزهاقه
حضرنا والدروب تفوح واقدام المطايا عبس=على وضح النقا واحلامنا ماهي بمنعاقه
حضرنا والسلام جذور وصدور الرجال الغرس=ذراها الطيب واسقاها الوفا من صافي اعماقه
تشوف اغصانها يلعب بها المعروف رُطـب ويبس=وتروح ريح زهر افعالها لافاحت اعباقــه
حضرنا والجميل أبقــى ونور اهل التحايا شمس=حضرنا والفضا ماضاق بنجومه وبآ فــآقــه
حضرنا والحضور أبهــا من الاجوا وحال الطقس=حضرنا يابيوت الطيب واصل الطيب وروآقــه
سلام الله عليكم طيب يجلى كل هم وعمس=مصرفه العبيدي جود مظهاره وممراقه[/poem][/frame]

02-10-2009, 02:42 AM

الله الله الله

لله درك يا شاعر المليار

قصيدة سمعتها من قبل أبهرت بها و ها أنا أقف لجمالها

حوت من كل جميل

لا أقول الا

دمت للشعر عماد

و النعم بقبيلة العبدة و قبيلة الحساسنة
يستحقون المدح و لا شك

شكرا لك

أخوك

02-10-2009, 02:43 AM

والنعم ياعمااااااااااد صح لسانك .......انا اشهد انك راعي الطيب جزله من جزل (نعم الشاعر ونعم الاصل ونعم الرجل.....

ويش رايك ترمي عليه من ها3000الاف مشاركه انا عميت ودوبها 500ههههههههههههه<<<<<<<ترى درب الديره واحد لو اعطيت مابه مشكله

تقبل مرووووووري ولك تحياتي.........

02-10-2009, 03:31 AM

وعليكم السلام ورحمة الله وبركاته

صح لسانك وعلا شانك أخوي الشاعر الكبير عماد ..

وبيض الله وجهك ..

وكل قبايلنا الله يعزها بالتقارب والمودة ....

القصيدة أكثر من ممتازة بكل مافيها ..
هناك خطأ بسيط ..
أنـا شاعـر حـروفـي ماتـربـت فالـواقـف خــرس

بارك الله فيك وفي شعرك اللي يجمع مايفرق ...

02-10-2009, 11:05 AM

والله مادري وش اقول ياعماد

ماعاد عندي مخزون لغوي يتوافق وابداعك في سماء الشعر

لكن تدري ابدعي باذن الله في ظهر الغيب

لك احترامي

02-10-2009, 11:23 AM

بيض الله وجهك .. يا عماد .. وافية من وافي

وليس الغريب أن تكون مبدع .. انما الغريب أن لا يكون الابداع هو انت

صح لسانك ملايين .. والنعم بالعبدة والحساسنة .. من أعمدة البيت الهذلي

وعسى تدوم المحبة بين الجميع

.. ودمت أنت كما تحب ..

02-10-2009, 01:20 PM

صح السانك وعزالله انها قصيده جزله

اخوي عماد وش سبب مشكلة العبده والحساسنه

وهل هي قديمه ام جديده

02-10-2009, 01:23 PM

الله الله عليك يا شاعر المليار

قصيده رااااائعه من شاعر اروع .

والله والنعم في العبده حبايب قلبي والحساسنه

صح لسان عزالله انها وافيه من وافي

02-10-2009, 03:49 PM

يـبــا الـعــد الـقــراح ولاطـرآلــه بـيـعـةٍ بـالـبـخـس
شـرآ مــن حــر مـالـه مااشهـتـت نفـسـه ومـارآقـه

هنا خطا املائي بالون الأحمر ولا لا

أنـا شاعـر حـروفـي ماتـربـت فالمـواقـف خــرس
ويزعجـنـي الـكـلام إلـلـي يـسـوق حـروفـه أنفـاقـه
تعـلـمـنـا الـشـدايــد والـلـيـالـي كـــــل لـيــلــة درس
وانــا قــاري فـصـول كتابـهـا ومـحــص اوراقـــه
والا يالطيب تبقى طيب أصبح في مرااحك وأمس
ومـن دونــك رجـالـن كــل بـاطـل تـنـوي أزهـاقـه
حضرنـا والـدروب تفـوح واقـدام المطـايـا عـبـس
عـلـى وضــح الـنـقـا واحـلامـنـا مـاهــي بمنـعـاقـه
حضرنا والسلام جذور وصـدور الرجـال الغـرس
ذراها الطيـب واسقاهـا الوفـا مـن صافـي اعماقـه
تشوف اغصانها يلعب بها المعروف رُطب ويبس
وتــروح ريــح زهــر افعـالـهـا لافـاحــت اعـبـاقـه
حضرنا والجميل أبقـى ونـور اهـل التحايـا شمـس
حضـرنـا والفـضـا مـاضـاق بنجـومـه وبــآ فـآقــه
حضرنا والحضور أبها من الاجوا وحـال الطقـس
حضرنـا يابيـوت الطيـب واصـل الطيـب وروآقـه
سـلام الله عليكـم طـيـب يجـلـى كــل هــم وعـمـس
مـصـرفـه العـبـيـدي جـــود مـظـهــاره ومـمـراقــه

لله در ياشيخ والله يبارك فكل شحص يحب الخير

02-10-2009, 06:21 PM

وعليكم السلام ورحمة الله وبركاته

أولا صح لسانك يا عماد

ثانيا ماشاء الله لا قوة إلا بالله على هذا الإبداع الشعري واللغة الرائعة

موضوع الصلح -بشكل عام- تناوله الكثير من الشعراء ولكنك فرضت أسلوبك وأكدت بصمتك

لا هنت يا شاعرنا الرائع لا هنت

02-10-2009, 07:02 PM

أنـا شاعـر حروفـي ماتـربـت فالمـواقـف خــرس
ويزعجنـي الكـلام إللـي يـسـوق حـروفـه أنفـاقـه
تعلـمـنـا الـشـدايـد والـلـيـالـي كــــل لـيـلــة درس
وانــا قــاري فـصـول كتابـهـا ومـحـص اوراقــه
والا يالطيب تبقى طيب أصبح في مرااحك وأمس
ومـن دونـك رجـالـن كــل بـاطـل تـنـوي أزهـاقـه
حضرنـا والـدروب تفـوح واقـدام المطايـا عـبـس
عـلـى وضــح النـقـا واحلامـنـا مـاهــي بمنـعـاقـه
حضرنا والسلام جذور وصدور الرجال الغـرس
ذراها الطيب واسقاهـا الوفـا مـن صافـي اعماقـه
تشوف اغصانها يلعب بها المعروف رُطب ويبس
وتــروح ريــح زهــر افعالـهـا لافـاحـت اعـبـاقـه
حضرنا والجميل أبقى ونـور اهـل التحايـا شمـس
حضـرنـا والفـضـا مـاضـاق بنجـومـه وبــآ فـآقـه
حضرنا والحضور أبها من الاجوا وحال الطقـس
حضرنا يابيـوت الطيـب واصـل الطيـب وروآقـه
سـلام الله عليكـم طيـب يجلـى كــل هــم وعـمـس
مصـرفـه العـبـيـدي جـــود مـظـهـاره ومـمـراقـه

السلام عليكم ورحمة الله وبركاته

ما شاء الله يا امير الشعر لا فض فوك وصح لسانك على الدرر التي تحملها القصيده ومعاني قويه وجزله والله قصيدة متميزه ....

وتقبل تحياتي
سفيرة هذيل

02-10-2009, 07:11 PM

الله الله ياعماد
قمة الإبداع الشعري والتدفق اللغوي ينبعث من هذه الرائعة
لشاعرنا الرائع والمميز عماد العبيدي ، عز الله جزله من راس جزل
صح لسانك مدد بلا عدد

02-10-2009, 07:16 PM

[poem=font="arial,5,#000000,bold,normal" bkcolor="" bkimage="" border="none,1," type=0 line=1 align=center use=ex num="0,"]

تمنّي ياهجوسي والقصايد في حضورك شمس=لها روس النوآمي مقبله والنفس توّآقـه

(مطلع تتوق له النفس)

تزاحم في خفوقـه قبل تحداها ضلوعه حبس=مهذبها على..الفعل الجميل وحشمة الفاقـه

(احترم هذه الروح الجميله)

يباها لابدت ماتندرق دون الثمان فخمـس=تونّس في صدور أهل الشعر وعقول ذوآقـه

(اسعدتني كثير)

أنآ مابيني وبين المثايل والقوافي لبّـس=طرقت ابوب دور المعرفه والنفس عشّاقه

(يبالله ما بينك وبينها لبس)

يعاتبني القلم مايدري إن الناس تمشي عكس=يبايفتح علينا باب نبلش دون مغلاقـه

الاخ عماد هنيئا لك بالابداع
وهنيئا للإبداع بك
دمت متألق
اخوك مازن[/poem]

02-10-2009, 07:16 PM

السلام عليكم ورحمة الله وبركاته

عماد العبيدي بيض الله وجهك

على هالشامخه بمعناها الطيب

والطيب ماهو كل رجال يقواه

الشعر امانه ورساله لابد ان تكون لاعلاء كلمة الحق

والاصلاح والتوجيه وهـ انت تبدع بايصال الرساله

وفيت وكفيت وكثر الله من امثالك ولافض فوك

دمت بخير ولك من التقدير جله ومن التحايا اطيبها

02-10-2009, 11:40 PM


	المشاركة الأصلية كتبت بواسطة عز الرفيق


	الله الله الله لله درك يا شاعر المليار قصيدة سمعتها من قبل أبهرت بها و ها أنا أقف لجمالها حوت من كل جميل لا أقول الا دمت للشعر عماد و النعم بقبيلة العبدة و قبيلة الحساسنة يستحقون المدح و لا شك شكرا لك أخوك

ماعليك زود يابوهذال

شرفتني بهالمرور وهالكلمات ،،إللي افخر بها.

العفوو

تحية طيبة