محاورة أمس الشاعرين[ابراهيم السفياني والأعمى]0

[frame="1 80"]هذه المحاورة كانت ليلة البارحة بين الشاعرين [ابراهيم السفياني 000والشاعر عبدالله الأعمى]
مساء يوم السبت الموافق 24/3/1430هـ بمنتدى الزود


وهذه المحاورة كاملة للشاعرين العملاقين ابو نايف والشاعر ابراهيم السفياني

ابو نايف
عد ماتشرق الشمس وعدد ماتغيب = التراحيب لبراهيم نبدابها
انت شاعر وأنا اعرف كل شاعر لبيب = يفهم السالفه ويحلل أسبابها
ابراهيم
عدّ ما فاح ريح الورد عطراً وطيب = البقاء يارجالاً توفي اطلابها
أنا شاعر ولي في الوقت حض ونصيب = اعرف اهل العقول بفطنة البابها
ابو نايف
وش حصل فالاوادام ياعجب ياعجيب = يوم تلبس ثيابن ماهي اثيابها
والله اني لموت ولا لبست الصليب = لو لقيت النصارى تفتل أشنابها
ابراهيم
لاتغيرب ولا بالوقت شئً غريب = لو تفتش حصاة رزاح تلقى بها
جارك الله وانته رجل مافيك عيب = لكن ام القرين عليك مشعابها
ابو نايف
يابراهيم شاب الراس قبل المشيب = من قصيدة حبيب يوم غنابها
لو جمعنا الثعالب ماتجي نص ذيب = تلتوي روسها وتلامس أذنابها
ابراهيم
الزمن فيه خير وفيه شراً مصيب = لاتقوله وبن سفيان يقرا بها
كلمتك برد والميقاف يلهب لهيب = ماتعشى السباع الاّ بمخلابها
ابو نايف
مذهبي حنبلي مافيه شكن وريب = يوم بعض المذاهب تبلش اصحابها
قلت لك فيه حبه فاسده فا لركيب = لو درينا لك الله ما ذرينابها
ابراهيم
انت وشّبك تلحّقها وهي من قريب = مارضينا بها لو كنت ترضى بها
قلت لك فاسدة وتقول قرب وجيب = والنتيجة صلاةً مايصلى بها
ابونايف
ماتت الناقه اللي كان فيها الحليب = سمها جالها من كف حلابها
لوسلمنا من اللي يتبعون الغريب = كان نص البدو ما طال مشعابها
ابراهيم

انت ساكن قصر عالي وهي في شعيب = منت كفو المنايا تقفل ابوابها

لا تدّور بقايا السوس وسط الزبيب = لجل ماتبكي العذرى على بابها

ابو نايف
اعجبتنا الرصاصه واثرها ماتصيب = ثم اخذنا الرصاصه وابتلشنابها
في زمانك يجي لك من عيالك حريب = يخلف الهقوه اللي كنت تهقابها

ابراهيم
المثل قال من لا قام حظه يخيب = شرهة اهل المقاني عند جلابها

النبي نوح جاله ولدً اقشر عطيب = قالّه اركب وقاّله لست ركابها
ابونايف
سببو جرح يعجز عن دواه الطبيب = واسلكو مع دروبن مامشينابها
قالو النار وش تخر وبسأل واجيب = تكرم وجيه شرواكم من اعقابها

ابراهيم
كم جروح نداويها وعيّت تطيب = مالها الآمياسم نار تكوى بها
لوتنادي بآذان الصم مامن مجيب = تفقع القلب مشيتها وهندابها

ابو نايف
والله انك يابن سفيان شاعر رهيب = تسرى بليلة غدرى مايسرى بها
اختر من الجمال أبو سنام وعصيب = واترك الناقه اللي يقر لعابها

ابراهيم
مابكم شك ونعم فيك شاعر وأديب = ومن يقدم فعايل طيب يجزى بها
نسري من الشفاء والوعد يم الحديب = مانحسب سباع الأرض وذيابها[/frame]