قصيدة الصلح

قصيدة قيلت في حفل صلح قبيلة العبدة وقبيلة الحساسنة
"قلادة"
[poem=font="ms sans serif,5,#4169e1,normal,normal" bkcolor="" bkimage="backgrounds/40.gif" border="solid,1,#808080" type=1 line=1 align=center use=sp num="0,"]
يا مرحبا شاعر على نهج الاجداد=شاعر من اجداده يحب الريادة
شاعر يحسب للعوارف والانقاد=ويصحح الفاضه بقدر اجتهاده
شاعر ولد شاعر ورد كل ميراد=والشعر بانيله في صدري عماده
بيتي يجي دايم ثلاثي الابعاد=في الراس يغلى لين احقق مراده
ماكنه الا شاي يغلي في براد=يطلع خفيف اللون سكر زياده
بيني وبين الشعر موعد وميعاد=في كل يوم اشبك في نحره قلادة
قلادت(ن) حلوه عمى عين حساد=ومرصعه بالماس ماهي بسادة
ماقول انا شاعر تليمت الامجاد= كم غيرنا للشعر سادة وقادة
عابر سبيل ان مرني اشعيل في واد=اقضب خطامه واتعلى شداده
يامرحبا ترحيب للضيف ينقاد=رحب المطر عقب الدهر والشدادة
مبطين مانوحي مخبر في الارصاد=والدهر يالله رحمتك في زياده
مدري مناخ المملكة جاف لاعاد=والا السبايب من معاصي عباده
والحمد لله لاح بارق ورعاد=دوب الفتى يهناه شربه وزاده
والليله الهاجوس بندق ومرواد=ابشحن البارود وافهق زناده
من بعد جونا ربعنا قوم الامجاد=بعد الجفا سيفه رجع في غماده
الله يحييهم ملايمهم اعياد=فرصة سعيدة بعد شهر العبادة
واثني الترحيب بيكل رواد=لان الكرم مذهب لربعي وعادة
ابوي درسنيه قدام الاستاد=درساً حفضته واستلمت الشهادة
وانا وربعي نثني الرحب عداد=عداد ممشى ضيفنا من بلاده
ياضيفنا في اصدورنا لك مقعاد=وقلوبنا ياضيفنا لك وساده
طاح الحطب ياربعنا طاح ويش عاد=ماعاد باقي غير دفن الحقادة
استغفر الله ماتصل حد الاحقاد=هاذي كما قالو مناقش حداده
ترى العرب لاراحوا آحاد وآحاد=لاينهضون ولا وراهم فيادة
شوف الجرادة خير تعبير واسناد=لولا القوايم ماتطير الجرادة
ياماحلا المعروف مابين الاجواد=واليا اجتمع شمل الجماعه سعاده
والواحد الله جاعله بين الاعداد=عنصر محايد مايفيده حياده
واحنا هذيل اهل الوغى يوم الاحشاد=كم من معاند مانتفع من عناده
لنا في بيت العز مركاز واشداد=والنا في جيش الدين صف وقيادة
يقولها شاعر على نهج الاجداد=شاعر من اجداده يحب الرياده
لاجاه ضيفه حول الصدر مقعاد=والقلب مصخيبه لضيفه وسادة [/poem]

قصيده جميله

بارك الله فيك اخي بن مذيخر على النقل

والله يصلح احوال جميع المسلمين

السلام عليكم ورحمة الله وبركاته

الشاعر \ خلف بن مذيخر الحساني

ونعم والله ، شاعر لاتحتاج شهادة ، وشاعر مطبوع ،جميل جدا ،

صح لسانك يابو مذيخر لين ترضى ، قصيدة تطرب...لافض فوك.

نريد قصائد خلف هنا، نريد حضور خلف معنا كشاعر هذلي أصيل ، فلا تبخل علينا يابو مذيخر.


أرق التحايا

صح لسانك بابن مذيخير..


قصيده جزله من راس جزل

صح لسانك أخوي بن مذيخر


قصيدة راقت لي


لما تحمل من معاني سامية


وروح نبيلة محبة للخير


أدام الله الوفاق والألفه بين الجميع


وأنعم وأكرم بأبناء عمومتنا


الحساسنه والعبده

قصيدة جزله من شاعر جزل
والله يصلح الجميع ويبعد الخلافات
صح لسانك وعلا شانك

أشكركم يالغالين على التفاعل وأقول يابو معتوق هذا بعض ماعندكم
ويعلم الله اني احبك في الله

قصيده جميله

الشاعر بن مذيخر ونعم والله

شاعر ابن شاعر معروف

وقصيده جزله تبيض وجهك

صح لسانك واعتلا شانك

الله الله

ماشاء الله


" " قلادة " "

أكثر من قصيدة

معاني سامية و تخلص من معنى لآخر بأسلوب الكبار

قصيدة في قمة الروعة بكل أمانة

أعجبتين جدا


,
,

بن مذيخر

شرف لي أن أقرأ هذا الإبداع

و فرحة من القلب بإكتشاف شاعر بهذا الجمال

شكرا لك

قصيدة جميلة بجمال كلماتها وغرضها النبيل.

جزاك الله خيرا ،،،

أشكر الاخوان الغالين على التفاعل

قصيده جميله

بارك الله فيك اخي بن مذيخر على النقل

والله يصلح احوال جميع المسلمين