ونعم بصالح المطرفي - ::{ مجالس قبيلة هذيل }:: موقع يهتم بتراث القبيلة ومفاخرها

حسآم · 03-08-2009, 12:53 AM

بسم الله الرحمن الرحيم

السلام عليكم ورحمة الله وبركاته

الشاعر المشهور صالح بن رويجح المطرفي الهذلي

ليس في حاجة للتعريف

التقيت به وكان نعم الرجل

وجدت فيه عطف الوالد ونصح الأخ وإرشاد الصديق

فكانت هذه الأبيات

أرجو من الله العلي العظيم أن تكون خالصة ً لوجهه

تبارك وتعالى وبارك الله فيكم .

.................................................. ...............

سلام تسليم الوفا ياشاعر هذيل الخبير

الشاعر اللي نعرفه ماغاب عن وقفاتها

راسي ثلاث عقود ماقفى وحاشا مايصير

مايختلف لوكان غيره تختلف عاداتها

الكل يشهد له بحبك الشعر والساير يسير

دايم هواجيسه توقد نار طول أوقاتها

مايبدع إلا شعر متميز وله معنى خطير

ماكل شاعر يفهم المكنون في كلماتها

وأخاف أبالغ لو بأقول إنه على الشعار أمير

يغرف من بحور ٍ غزيرة والبشر ماجاتها

ربي وهبه الشعر والإبداع لأجل إنه جدير

يتزعم أهل الملعبة لاحل في ساحاتها

ياصالح أهديك القصايد عطرها فايح عبير

أبيات مثل الياسمينة شادية نسماتها

فيوم صادفتك في حارتنا عسى في العلم خير

يالله عسى الصحبة تدوم وتستمر ّ صلاتها

وتصير لي في منزل الوالد أو أخوية الكبير

وتفيدني من تجربتك ونكتسب خبراتها

وتظل تنصحني وترشدني على الدرب المنير

وتحذر النفس إن سرت في غيها وهقواتها

وتصير متقاسم معاية الهم والحزن الكثير

خفف على حالي من الدنيا ومن لوعاتها

وفي حقوقي كاملة بإخلاص نابع من ضمير

والله رقيب بكل نفس ٍ عالم ٍ نياتها

وش عاد أعبر والمثايل نظمها عندي يسير

وإن طعت هاجوسي بطوّل ماأختصر فأبياتها

لكن ّ بأختمها بشكر الخالق الفرد البصير

اللي يشوف النملة ويحسب عدد خطواتها

.................................................. .....................

لا إله إلا الله وحده لاشريك له

له الملك وله الحمد وهو على كل شيء ٍ قدير

ومالنصر إلا من عند الله العزيز الحكيم

والله ولي التوفيق .

03-08-2009, 01:03 AM

صح لسانك وبارك الله فيك

ونعم بالممدوح والمادح

حسآم · 03-08-2009, 01:11 AM

صح بدنك وبارك الله فيك

والله ولي التوفيق .

03-08-2009, 04:20 AM

وعليكم السلام ورحمة الله وبركاته

صح لسانك وبيض الله وجهك
ويستاهل الشاعر الكبير صالح بن رويجح المطرفي كل خير .

لاهنت ..

الكل يشهد له بحبك الشعر والساير يسير

دايم هواجيسه توقد نار طول أوقاتها

أنا أشهد .

حسآم · 03-08-2009, 05:21 AM

أشهد أن لا إله إلا الله وأشهد أن محمدا ً عبده ورسوله

مشعل بارك الله فيك

والله ولي المؤمنين .

03-08-2009, 10:30 AM

[align=right]الله يعطيك العافية ياحسام ويستاهل شاعرنا المدح..[/align]

03-08-2009, 12:13 PM

يعطيك العافيه حسام

حسآم · 03-08-2009, 02:52 PM

أخي العزيز حامد الله يسلمك ويعطيك العافية

البقيلي بارك الله فيك

وماتوفيقي إلا بالله العلي العظيم عليه توكلت وإليه أنيب

وعلى الله فليتوكل المتوكلون

ومالنصر والعزة إلا من عند الله العزيز الحكيم

والله ولي المؤمنين .