( اول مصافحه )

السلام عيكم ورحمة الله وبركاته مساء الخير جميعا
احب اهدي لكم هذه القصيده واتمنى ان تنال اعجابكم

[poem=font="arabic transparent,5,#8b0000,normal,normal" bkcolor="" bkimage="" border="none,2," type=1 line=0 align=center use=ex num="0,"]
انا ادعي الله بالقريب انه لقانا ينكتب=واجلس بقربك واستمع منك السواليف العذاب
ياماذرف دمعي وبعدك عن عيوني هو السبب=وياما تصنعت الصبروالعقل فاقد للصواب
عجب عجب يامعذبي الوقت سوابي العجب=الهم لا صكيت باب يفتح علي مليون باب
عايش ولكن للاسف احس في جوفي لهب=نار لو ان بقربها جلمودصخركان ذاب
في داخلي حتى السوالف عن شفاهي تحتجب=والطفل لو يدري بها في لحظته هذرى وشاب
في داخلي للأسئله مسرح صراعات وشغب=وحتى العيون الي علي تمر مافيها جواب
اتذكر اني في صغر سني الفرح مني سلب=من يومها طير الفرح غادر وجا طير الغراب
مستقبلي شيخ على وجهه علامات التعب=ماله ونيس ودمعته تذرف على ايام الشباب
من كثر مادمعه على الماضي ذرف وجهه شحب=ساعه يحس بحالته وشهور من ضمن الغياب
اناعليل احتار فيه الطب وعلاجه صعب =وانا الغصون الي اشتكت اوراقها شح السحاب
حضي غريق في بحر دوامة الحزن انجذب=لاكن راسي بالسما عالي ويتحدى الصعاب[/poem]

اخوكم :سعد القثامي العتيبي

صح لسانك ياسعد

أبيات جميلة المعنى والمبنى للأمانه

وحياك الله في محلك

قيدة جميلة

بيض الله وجهك ياسعد

وحياك الله

شامان
صح بدنك
والله يبيقك
وماجينا عند اجناب انتم ربعنا ورفقتنا

صح لسانك يا ابن عتيبة
و حياك بين ربعك من هذيل

السلام عليكم ورحمة الله وبركاته


حياك الله ،،أخي بداية أخي سعد،،وكما تفظلت أنت بين أخوانك ورفاقتك.


أما القصيدة،، فصح لسانك ،، قصيدة جميلة،، خصوصا في جزءها الأخير،،

لاهنت،،،مبدع


ننتظر ،، جديدك


تحية طيبة

سيف هذيل
ووجهك ابيض
والله يبيقك يا بعدي

ماتهاب

صح بدنك

والله يبيقك

عمادالهذلي

الله يبيقك

وشهادتك شرف لي

اناعليل احتار فيـه الطـب وعلاجـه صعـب
وانا الغصون الي اشتكت اوراقها شح السحـاب


مايكتبه الا شاعر هلا بك ياسعد وهلا والله بابياتك الجزله

الله يبيقك

وشهادتك فخر لي

صح لسانك
وللأمانه شاعر جزل
ننتظر جديدك
تقبل مروري وإعجابي

وعليكم السلام ورحمة الله وبركاته

حياك الله أخوي الشاعر الرائع سعد القثامي لاهنت ..
قصيدة مميزة ..
لي ملاحظات فقط إن كنت تسمح ..
في قولك مثلا وبعد عن عيوني هو السبب ..
لو قلت وبعدك يالحبيب أكبر سبب ..
ولو سبقت كلمة الوقت بحرف الواو ..
وقولك :
الهم لا صكيت باب يفتـح علـي مليـون بـاب

مجاراة : والهم لو صكيت بابه ينفتح مليون باب .

لاشك أني مجرد متذوق فتقبل ملاحظاتي بصدر رحب ..

صح لسانك أخوي سعد ..
في داخلي حتى السوالف عن شفاهـي تحتجـب
والطفل لو يدري بها في لحظته هذرى وشـاب
في داخلي للأسئله مسرح صراعـات وشغـب
وحتى العيون الي علـي تمـر مافيهـا جـواب
اتذكر اني في صغر سني الفـرح منـي سلـب
من يومها طير الفرح غادر وجا طيـر الغـراب
مستقبلي شيخ علـى وجهـه علامـات التعـب
ماله ونيس ودمعته تذرف علـى ايـام الشبـاب

وننتظر جديدك ..
وفقك الله ..

بث تجريبي

صح بدنك

وشهادتك فخر لي

مشعل الهذلي

على العين والراس

وشاكر لك انتقاداتك البناه

وكثر الله من امثالك