شي ماينحكابه

[poem=font="arail,5,#ff6347,bold,normal" bkcolor="" bkimage="backgrounds/8.gif" border="solid,1,#f2b7f0" type=2 line=0 align=center use=sp num="0,"]
حبيبتي يا مهجت القلب والروح
لك في خفوقي شي ماينحكابه

أنتي حياتي والأمل وين ما روح
لا من ذكرت اسمك تزيل الكآبه

باب الأمل ما بيننا دوم مفتوح
يصعب على الحساد تسكير بابه

إن جيت أبا وصفك كامل ومملوح
الفكر عيا يوصفك با ي جابه

اليا طرى طا ريك سجيت بنوح
وهلت دموعي مثل وابل السحابه

هيمان في حبك متيم ومطروح
يرخصلك الغالي ولوكان لابه

ابيع روحي لك واسجل على الوح
إنك وارثتيني بليا طلابه

حبيبتي يامهجت القلب والروح
لك في خفوقي شي ماينحكابه[/poem]

علي ماطر عطا الله الفضلي الهذلي

صح لسانك اخي علي ماطر الفضلي مبدع كعادتك طال عمرك ودائما ننظر ابداعك فلا تبخل علينا .......................................وتقبل مروري

صح لسانك ياعلي

قصيدة جميلة جدا....لاهنت على هذا التواصل الرائع..........


كلمة نوح ــ أعتقد تقصد النــوح....اليا طرى طا ريك سجيت بنوح


ننتظر جديدك دائما

تحية طيبة

اليا طرى طا ريك سجيت بنوح
وهلت دموعي مثل وابل السحابه

هيمان في حبك متيم ومطروح
يرخصلك الغالي ولوكان لابه

ابيع روحي لك واسجل على الوح
إنك وارثتيني بليا طلابه


نص جميل جدا

يترجم احساس كاتبه

صح لسانك يا ابن ماطر

وفالك الطيب

صح لسانك أخوي علي


وأبيات عاطفية جميلة


وتحمل أسلوبك المميز


تقبل مروري

صح لسانك أخوي

و بارك فيك

قصيده عاطفيه جميله

لكن لي ملاحظه شخصيه أتمنى تقبلها بسعة صدر :::


تقول في البدايه ...


أنتي حياتي والأمل وين ما روح
لا من ذكرت اسمك تزيل الكآبه

باب الأمل ما بيننا دوم مفتوح
يصعب على الحساد تسكير بابه


,
,

و في أخر القصيده تقول :::

اليا طرى طا ريك سجيت بنوح
وهلت دموعي مثل وابل السحابه


.

في الأول الذكرى راحه لك لأن باب الوصل مفتوح

و في الاخير الذكرى حزن و بكى

أشوف ان فيه تناقض

,
,

بالعموم القصيده أعجبتني

شكرا لك