لا باس

السلام عليكم جميعا
هذي قصيده حبيت انكم تقرونها وتعطوني رايكم

[poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"]
تزعل وتتغلى وأراضيك لا باس=وترد تزعل وأرجع أرد اراضيك
لين أختنق صدري وضاقت بي أنفاس=الله على ظلم المحبه يجازيك
أحيان أحس أنك بلا قلب وإحساس=وأحيان أقول إن الغلا منخلق فيك
أجيك ضامي حب وتصب لي كاس=ويلمني صدرك وتطعني إيديك
احترت كيف أوصّفك بين الأجناس=وأشك إن الاختلافات تعنيك
في خارجك طيّب ووافي وحساس=وفي داخلك غدار ما أغرب مباديك
أسمع بقلك شي في غفلة الناس=ودي أجي يمك وودي أخليك
وما نلت لا قربك ولا عافك الراس=خليتني ما بين هذي وهذيك
أبحر على حبك والأمواج يباس=وعروق قلبي ما بها شي يرويك
ويش أخرت هذا التعب والتنعّاس=غفيت وعيون المتيّم بطاريك
والصدق مهما صار بقول لا باس=قلبي تعود كل ما ضقت يرضيك[/poem]