يابو علي

السلام عليكم ورحمة الله وبركاته




ارجوا ان تنال على رضاكم واستحسانكم ولا تحرمونا من انتقادكم وتوجيهكم






[poem=font="arabic transparent,5,#000000,normal,normal" bkcolor="#ffffff" bkimage="backgrounds/1.gif" border="double,2,#2e8b57" type=2 line=0 align=center use=ex num="0,"]
يابو علي بكره علي خيـر ماشـي=النفس عيت تنسمح مـن طفشهـا
معـاد بالممشـــــــا جـدال ونقاشـي=سكر مواضيعـن كثيـرن بلشـهـا
اركب علي بنزن شرينـاه كاشـي=تفـز لا مـن الدريـــــــــــول لكشـهـا
ماسجلو فـي كرتهـا اللقراشـي=ولا وقفوهـا والمهنـدس فتشهـا
ولا شغلـو طبلونهـا والفـلاشـي=عروس شيخن والمزيـن نقشهـا
ماجابه الـي عايشـن بالمعاشـي=لضايقـه وجـه المديـن قرشهـا
سواقها من سرعة الميل شاشـي=صك القزاز وهاتفه عـن دوشهـا
بينه ومابين الطريـق اهتواشـي=عقب الصلاه وجاهمن مع اغبشها
من شان محبوبٍ علي العز عاشـي=روحي لياجابـوا مجالـه نعشهـا
اسرف بقلـبٍ بالمـوده هشاشـي=جدد جروحـن مرمسـات ونبشهـا
بين المحاني والعروق العطاشـي=حبه سطا بين الضلـوع وخرشهـا
ماهوب حب اهل القلوب الغشاشي=ناسٍ لها غاية وتخفـي غششهـا
اللـي يبيعـون الصداقـه بلاشـي=يومين والثالث يحوشـك طششهـا
جيته وزادت لهفتـي واندهاشـي=لهفة وفا والكبـد فيهـا عطشهـا
من الزعل كثـر عتابـه وطاشـي=اباأتعـذر والمشـاعـر ربشـهـا
أغضى ودمعه فوق الاوجان غاشي=قالت غيابك عن عيونـي وحشهـا
قلت انت اللي فيك ملح وبشاشـي=سعادتن للحـب ساعـه وعشهـا
لا تستمع لكـل مبغـض وواشـي=اذني عن العذال مبطـي طرشهـا
بنيتلـك بيـت المـوده بجـاشـي=وسمحتلك تمشى علي كيف يشهـا[/poem]






اخوكم ضاوي الهذلي

صح لسانك أخوي ضاوي

قصيده فيها من الجمال الكثير

استخدمت قوافي جميله برغم ندرة مفرداتها

ابدعت لله درك

,
,

شكرا لك

والله انك ابدعك



شكرا لك

صح لسانك يا ضاوي

ابدعت فعلا

لا هنت والله

الله الله


صح لسانك أخوي ضاوي الهذلي


قصيدة جميلة


وقوافي أستطعت أنت تطوعها لقصيدتك


سجل أعجابي

ملاحظة أراها مهمة دامك طلبت النقد يابن الحلال

اركب علي بنزن شرينـاه كاشـي
تفـز لا مـن الدريـول لكشـهـا

شريناه جعلت الضمير للمذكر
بينما تفز مؤنث
واستمرت باقي الابيات على هذا المنحى (وصف)

ماهوب حب اهل القلوب الغشاشـي
نـاسٍ لـهـا غـايـة وتخـفـي غششـهـا
الـلـي يبيـعـون الـصـداقـه بـلاشــي
يوميـن والثالـث يحـوشـك طششـهـا




الله الله

صح لسانك يا ضاوي

أعجبتني جدا

	المشاركة الأصلية كتبت بواسطة عز الرفيق

	صح لسانك أخوي ضاوي قصيده فيها من الجمال الكثير استخدمت قوافي جميله برغم ندرة مفرداتها ابدعت لله درك , , شكرا لك

صح بدنك

شكرا لتشريفك مشاركتي والف شكر على هالاطراء من شخص بحجم عز الرفيق

	المشاركة الأصلية كتبت بواسطة مازن البقيلي

	والله انك ابدعك شكرا لك

يسلمك ربي اتمنى ان اكون عند حسن الظن
شكرا لتشريفك لمشاركتي

	المشاركة الأصلية كتبت بواسطة هذلي والفخر لي

	صح لسانك يا ضاوي ابدعت فعلا لا هنت والله

صح بدنك

الابداع هو تشريفك لمشاركتي الله لا يهينك

	المشاركة الأصلية كتبت بواسطة هشام الهذلي

	الله الله صح لسانك أخوي ضاوي الهذلي قصيدة جميلة وقوافي أستطعت أنت تطوعها لقصيدتك سجل أعجابي

صح بدنك

اول وسام على صدر قصيدتي حصولها اعجاب شاعر بحجمك الله لا يهينك

الف شكر لتشريفك واطرائك العذب

	المشاركة الأصلية كتبت بواسطة أبو المثلّم

	ملاحظة أراها مهمة دامك طلبت النقد يابن الحلال اركب علي بنزن شرينـاه كاشـي تفـز لا مـن الدريـول لكشـهـا شريناه جعلت الضمير للمذكر بينما تفز مؤنث واستمرت باقي الابيات على هذا المنحى (وصف)

اذا لم استفد من هذيل الشعر والفصاحه فمن الصعب ان احصل على لقب شاعر . وانا ما زلت في بداياتي ومن مثلك وشرواك نستفيد

اسعدني جدا مرورك وملاحظتك الله لا يهينك

	المشاركة الأصلية كتبت بواسطة بيرق لحيان

	ماهوب حب اهل القلوب الغشاشـي نـاسٍ لـهـا غـايـة وتخـفـي غششـهـا الـلـي يبيـعـون الـصـداقـه بـلاشــي يوميـن والثالـث يحـوشـك طششـهـا الله الله صح لسانك يا ضاوي أعجبتني جدا

صح بدنك
الوسام الثاني للقصيدة باعجاب شخصك بابياتها

الله لا يهينك والف شكر لمرورك العذب