ردي على ياســر الصماني

[poem=font="simplified arabic,5,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
يامرحبا ترحيبة الذيب بالذيب=ذيبٍ عوى كل العرب يسمعونه
صوته وصل مافيه شكٍ ولاريب=لو دونه الضلع الزبين وحصونه
مهما تحدته السنين الشلاهيب=ماهوب مغرق في جنوبه سنونه
يامرحبا حييت واثني التراحيب=يابادعٍ قافك ومبدع فنونه
معنى ومبنى يبن عمي وتركيب=وانتم مقر العرف وتميزونه
للماس ناس وينضمونه بترتيب=وفي السوق له تجار ويثمنونه
والمعرفه لو تنوخذ بالمشاعيب=كان إستلمها كل عايل بشونه
لاشك تاتي بالحكم والتجاريب=وصبرٍ على هم الزمان وغبونه
والعاقل اللي لو يشوف العذاريب=في صاحبه يضفى هليها ردونه
لايظهر الزله ولايطري العيب=والعلم له ثمار ويفقدونه
وحنا تدربنا من الوقت تدريب=حتى عرفنا الوقت شكله ولونه
حنا هذيل وقولنا حق ومصيب=تاريخنا كل العرب يعرفونه
عاداتنا نكوي على الجرح ويطيب=طب الجروح وطبنا يدرسونه[/poem]