( الوصيــــــّــــــه )

السلام عليكم ورحمة الله وبركاته

قصيده لها الفخر أني ألفتها لتوي .. على متصفح مجالس هذيل مباشرة .. وليعذرني الشاعر حمدي .. التسرع لا بد منه و إلا حتما سيضيع القاف .. و أبدأ بالغوص فيه ومن ثم تكسيره .. أعرف نفسي جيدا ..يصعب علي الانتظار للتنقيح لأني أخربها فخلها طازة أزين ..
ههههههه ..الله الله بالنقد تراه يفيدني حيل .. منك ومن الجميع

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="0,"]

المحبه ظلم ما فيها عداله=و المحاكم حلت حبال القضيه
يا القضاة الأمر ما عنه محاله=هذا موتي و البقا في راس حيه
والحكم جاير بمنعي من وصاله=هات نوت القاف بكتب له وصيه
ملهمي بالشعر و أبيات الجزاله=سارق الدمعة من العين الشقيه
يا الهذيلي الله الله في الجماله=في قوافي هاجسي عقب المنيه
و ادع لي ببروق رحمه من خياله=و المطر ينثر على قبري ابرديه
فرقت أرواح الولايف استحاله=في القلوب اللي على الشيمة وفيه
احفظ دموعك ولا تحسب لياله=غيبتي يا نور عيني سرمديه
يا الله انك تسعده بشوفة عياله=و ترزقه يارب من زين العطيه
و في ختام القاف يا رزة عقاله=لا يشيلك صاحبك حزن ٍ عليه
واذكري عطر ٍ تعتق وسط جاله=ريح عود وريح عنبر من يديه
يا القضاة ... نفذوا حكم العداله=و اقتلوني و البقا في راس حيه[/poem]