الطيف " صوتيه " سآلم سيّـآر ..}

السلام عليكم ورحمة الله وبركاته



(~ الطـيـف ~)


تجيني طيف ياعمري على جنحان شوقي لـك
أخاف أرمش من عيوني وأبعثر صورة وصالك
حبيبي لا تجيني قول وين أنت وأنـا أجيلـك
أبيك تقول وين أنت وعلى عيوني أنا اسعى لك
وربي فوق روس الشوك لخلي القلب يمشيلـك
وأخلي ظلالي يسبقني قبل يحضنـي منزالـك
ثواني بس أبأتهندم من عيونك وأبأهديلك
في عينك ضحكة ٍ حتى تكحل عيـن عذالـك
يقولو الناس بغيابي تشب القلـب ويضويلـك
حنيني..من وهج شوقه يميل القلـب لامالـك
قضى دمعي من عيوني أبي من عينك أبكيلـك
أبنثر من ورى عيوني دموع عيون ترحالـك
وحتى الشوق من صبح الدرايش قام يهديلـك
عصافير الرضى ترفرف على بيبان مدخالك
هنا ترمي صباح الخير قبل لاتروح وأدعيلك
وهنا تضوي مساء الخير في عيني من هلالك
أنا من الليل يقطفني شعوري لـك وأغنيلـك
أنا من الصبح يليلني الحزن من لون موالـك
حرام الليل ماهو ليل أذا ماكنـت فـي ليلـك
وحرام الصبح ماهو صبح اذا ماكنت بظلالك
تروح وقلت أحط عمري على كفي وأناديلـك
نزعت العمر من شفت الغلا بالـروح نادالـك
بربك قول وش سوى الفراق بوجـه منديلـك
تسيل ألوان طيفي فيه ألا مـن البكـا سالـك
حبيبي لا يبكيـك الفـراق ولا يهـد حيلـك
أخاف الدمع من عينك يجفف صورتي بالـك
تعال أحتاج اسولف لك عـن الأيـام وأشكيلـك
وأفض غيم الحزن وأنثر حنين الشوق بقبالـك
تعال وحط في قلبي همـوم الفرقـى وأشيلـك
لأن القلب ماهو قلب أذا في نبضـه ماشالـك
قضى دمعي من عيوني أبي من عينك أبكيلك
أخاف أبكي على طيفك وأبعثر جية وصالـك



للـ شـآعر .. سـآلم سيّـآر ..}

لتحميل القصيدهـ بملف صوتي أو للإستمآع فقط ،



http://www.4shared.com/audio/hOhJhVxU/al6ef.html



{ من مكتبتي الصوتيه ::.


تحيتي

،