وصية وضاح

[poem=font="ms dialog,5,#696969,bold,normal" bkcolor="" bkimage="" border="none,1," type=2 line=0 align=center use=ex num="0,"]
وضاح,, فز,, وقوم,, واسمع وأنا أبوك=وركز على ماقول يانسل الأحرار
جيب القلم وأكتب على صفحة البوك=وصيتي تبقى معك رمز وشعار
قال المثل إليا كبر إبنك أخوك=وانته كبرت وصرت فارس وبيطار
أوصيك في دينك وفي أثنين ربوك= وأخوانك الغالين شبابة النار
وديع مع عساف لاجو ونادوك=ارفق بهم ثم دلهم درب الأخيار
وبشير خله مزبن اللي يضدوك=وجواد لا تنساه حفاظ الأسرار
صفوا سوا على العدو مثل الأملوك=ولا تماشون المناقل للأشرار
هذاك أذاك وفي الزمن دوم صعلوك=معروف عنه راعي الشر سمسار
شي ناس تضحك لك تراهم يغروك=ورسومهم في اوجيههم مثل الأسفار
وشي ناس لي شافتك غلطان زادوك=يجيك لامنه هرج مثل الإعصار
وشي ناس لي شافتك غلطان دلوك=دلوك يم الخير في كل مقطار
باقي وصيه واحده وإحفظ البوك=آخر وصيه أحسن تعاملك للجار
وأختامها يحفظك ربي وأنا أبوك=يافارس الفرسان يانسل الأحرار[/poem]

[poem=font="arial,5,,normal,normal" bkcolor="" bkimage="" border="none,1," type=0 line=0 align=center use=ex num="0,"]
شعر / علي ماطر عطا الله الفضلي الهذلي[/poem]

صح لسانك اخوي علي

نصيحة حكيم

الله يخلي لك وضاح

تحياتي

الله يحفظهم جميعا لك

والله لايحرمنا من ابداعاتك

صح لسانك ..


شاعر متمكن وقصيده جزله

الله يحفضلك وضاح .. وجميع عيالك

صح لسانك
والله يحفظ لك أنجالك

السلام عليكم ورحمة الله وبركاته


صح لسانك ،، يابن ماطر

وحفظ الله لك ،، وضاح وعساف ووديع وبشير وجواد

لاهنت،،،


تحية طيبة

اشكر الجميع على المرور والكلام الطيب الله لايحرمني منكم دايماً