الشاعر عبد المعين المطرفي

سلام الله عليكم ياهذيل
هل هناك ديوان للشاعر عبد المعين المطرفي
وهل البيت التالي له
الا واعذابي كل عام وأنا دوار ألا وعنايه والنضا وعناهنه
وماهي بقية القصيدة
ودمتم سالمين وغانمين

اخي الغالي

ابن شالي


الله يحييك ويحيي الشلاوى كلهم

يامرحبا طيب وايدامه التراحيب

اما باالنسبه للشاعر الكبير / عبدالمعين المطرفي

فهو شاعر من شعراء هذيل البارزين

وله قصائد تكتب بماء الذهب عن حياة الباديه وعن البل وعن المقانيص

اما سؤالك عن هذا البيت

وانا من عنايه كل يومِ وانا دوار
........................... ولا واعنايه والنضاء واعناهنه
ادور ذهيب عنه نايستٍ الاذكار
...........................هذه الشتاء وهوه غدا العام فالكنه
وانا كيف اريح وغاديلي ثلاث ابكار
............................ خمارِ تقارب فالحلا كلهن سنه
..

..

وطيته غياب الشمس فوق النضاء مرار
................................. وقفنبي العيرات واقفن ولاجنه
انا وسق ريمه وانت وسق اشقرِ زعار
................................يفزن من لمس العصي مايداننه
وقلت السلام وقال الا مار ياخطار
.............................علاكم عزيمه والعرب في سنعهنه
وقلت للخويي ويش عندك من الاشوار
.............................. تباها تمر النزل والا اتعدنه
وقال العشاء يمديك والدرب عنه ايسار
................................وحنا على اللي رقرق الحزم يطونه
وعيا يطاوعني لعله طعام النار
............................. وعسى ابوه مايعرض على بارد الجنه


الى اخره

هاذي القصيده

للمرحوم بأذن الله الشاعر الكبير / عبدالمعين بن ثعلي الروقي العتيبي
من اشهر شعراء النظم في الجزيره العربيه

وعلم على راسه نار

الله يرحمه ويسكنه فسيح جناته

وتقبل تحياتي

والله يسامح ثورت علي احزاني

لاني اليا ذكرت الشاعر عبدالله المسعودي الهذلي
والشاعر مسلم بن شعيل المطرفي الهذلي
والشاعر عبدالمعين بن ثعلي الروقي
ضاقت على الارض وحزنت لهم

الله يرحمهم ويسكنهم فسيح جناته همه ومن سار مسيرهم

الله يرحمهم جميع والله يبيض وجهك يافارس الصحراء على إفادة الرجل بماعندك .

تحياتي .

أخي فارس الصحراء الله يبقيك ومن عذاب النار ينجيك وجميع المسلمين أسعدني أن أجد ردا على سؤالي وتصحيح معلوماتي وأسعدني أكثر أنها من فارس من فرسان هذيل أهل الشعر واللغة فشكرا لك شاعر الصحراء وشكرا للإفادة

أفدت الرجال واستفدنا


الله يعطيك العافية يالنشمي