سريّتها ...

السلام عليكم ورحمة الله وبركاته ..

مصافحة اولى ارجوا ان تحوز ع اعجابكم...







سريّتها فـي الليلـه اللـي كمّـل الله بدرهـا
مدري افضفض للقمر والا نفضفـض للنجـوم

سريّتهـا والنفـس يابنـدر مغلّـق صبـرهـا
واخاف من قلّ الصبر لا طحت ماتقـدر تقـوم

دام اعتمـادي بالالـه اللـي يسهّـل عسرهـا
ماهمني لو صابني كبر الجبـال مـن الهمـوم

وياللـي تذوقـت الحـلا لازم تجـرّع مرّهـا
وارضى بنصيبك واقتنع باللي مقـدّر ومقسـوم

تعبت من قو الظروف اللي سبحت في بحرهـا
وفوق الظروف المجحفه ندفع لماضينا رسـوم

وان كان ودك بالمراجل اجتهـد فـي مهرهـا
ولا تلتفت في الهينه واحرص على جزل القسوم

الشمس توّنس حرهـا والنـار تاطـا جمرهـا
وهذا ضريبة كل من وده علـى القمـه يحـوم

والله يكفينـا الليـال اللـي تلـوح بغـدرهـا
وبعض الليالي لا اقبلت تقبل على دق لخشـوم

وقررت بعد التجربه ادفن جروحي فـي قبرهـا
واواجه ظروفي بشجاعه مـع قويـن العـزوم