فلاش رااااااااائع بعنوان يبه شلونك

يبا شلونك .. ملل هالكون من دونك؟

يبه شلونك ... ملل هالكون من دونك ... يبه شلونك ؟؟

وتمضي رحلة الدنيا.. بليا طلة عيونك..
يبه شلونك ؟؟

وشلون المرض وياك ؟؟ بعد ماهدك بدنياك..
عساها تغمض جفونك ؟؟

تبي تدري عن احبابك ؟؟ عن عيون تغنا بك
عن قلوب دفنها الشوق.. واذا جاها الغفا جابك

يبه امي تخيلك دوم.. تغني لك مع القمرا..

يبه حنا غدينا كبار.. توفقنا وتخرجنا.. يبه ماعاد فينا صغار..
يموج بهالزمن كل شي.. وحنا ماتموجنا..
على ذاك العهد نسري.. نبيع العمر والدنيا.. ولا تخلف بنا ظنونك
يبه شلونك ؟؟

تبي تدري عن اخباري ؟؟ عن افكاري وتذكاري ؟؟
اشيلك داخلي جمره .. وبعيون الحزن عبره.. تغرقني .. وتحرقني..
واحلم من معاني الحلم.. احسك مقبل بكرا.. وياليته يجي بكرا!! ..

يبه تذكر زمان مر ؟؟ هو احلى ما بهذا العمر ..
يبه تذكر مجالسنا ؟ مآتمنا ومسجدنا؟
يبه تذكر هدايا العيد ؟ صلاة العيد؟ ولبس العيد؟
يبه تذكر سوالفنا ؟

يبه اتذكر اللعبة..وليلة الجُمعة والجمعة

يبه تذكر وناستنا وبسمة وجهي والفرحة

يبه شلون انسى كل هذا وتجيني اللوعة والحسرة

لاجل هذا .. وكل هذا .. اقول اليوم ييه ..
ملل هالكون من دونك

[FLASH="http://www.lakii.net/images/Apr06/shamal_yoba1.swf"]http://www.lakii.net/images/Apr06/shamal_yoba1.swf[/FLASH]

رحم الله والدي وجميع موتى المسلمين وغفر لهم .. وأسكنهم الفردوس الأعلى ..

وأسكننا معهم في جنات النعيم .. اللهم آمين ..

اذا أعجبك موضوع من موضوعاتى ..فلا تشكرنى ولكن أدع لي (في ظهر الغيب) بالآتي

"اللهم اغفر لها ولوالديها والمسلمين والمسلمات ووفقها في دينه ودنياه "

وسترد عليك الملائكة "ولك مثلها"