المسلسل....فصله الثاني

بسم الله الرحمن الرحيم
السلام عليكم ورحمة الله وبركاته
بعد غيبة ليست بالقصيره اتمنى ان تكون خلالها جسور الموده ممدوده


[poem=font="arial,5,darkblue,bold,normal" bkcolor="sandybrown" bkimage="" border="groove,3,red" type=1 line=1 align=center use=sp]متى على الله نيمم دار اخو نوره=الديرة اللي توسع صدر دلهاني
مليت يابو سعد والنفس مقهوره=في ديرة للخنا والفجر عنواني
والفكره اللي بها الترحال محذوره=حتى ولو هو مجرد بعد وجداني
طال المدى واستهل الدمع طابوره=والعين من جودها فاضت ب بركاني
قمت اتخيل واقبل باهت الصوره=واقول ياهل ترا يازين شفقاني
والله لولا الحيا والرجل مجبوره=والنفس ماترتضي بالعيش من داني
لأغادر الطايره واشق باسبوره=واعيش عمري مابين اهلي وخلاني
لاصار قاسي زمانك زاد في جوره=وش حيلة اللي بعيد الدار وحداني
ودعت صبحي وليل الهم جا دوره=مع هاجس الغربة اللي دوم صحاني
الليل مدد على الاصباح ديجوره=ياطول صبري على ليل العنا الجاني
والصبح وجهه عبس واستأثر بنوره=يابخل صبحي ويامكرمك يالعاني
مشكور يالصبح قل للشمس مشكوره=لوني ذبل والضيا ماينبت اغصاني
وردي نضج واستمال العين باكوره=والدمع يروي ظما وردي من اعياني
لكن لون الخريف ادلج على دوره=واقسى على صاحبه واسرف ب بستاني
فليت وقت(ن)مضى واراجع سطوره=يعلي القى فرح وابدد احزاني
لقيت اثر للفرح نقشه بطبشوره=مطمور بالرمل مزوي بين الاركاني
والحزن عتم على الصفحات بحضوره=احتل في القلب مانال اقرب اخواني
ياهل ترا الروح تهجر نفس مسروره=ولا المسلسل ب يعرض فصله الثاني[/poem]