 |
 |
 |
08-04-2009, 01:09 PM
|
رقم المشاركة : 1 | |||||||
|
.gif){kind=icon}
مراسلة
هذه مراسلة بين الشاعر / علي بن ماطر الفضلي الهذلي والشاعر / عابد بن عايد الفضلي الهذلي
أرسلت لي عشرة بيوت منظمه ومسجلات ورد لي خمسة عشر من البيوت المعجزات وراعي الوفا معروف دايم مشيته مشية ثبات قال المثل راعي الوفا دايم يغلّق كل باب والثانية ياعابد أكملت المسيرة بامتياز وانا معك ماحيد أبا اشبك في النتر مليون فاز وأسقي العدو بنزين وأضفله على البنزين قاز قال المثل راعي الوفا دايم يغلّق كل باب والي يبي يمشي معانا في احترام وفي نظام أقولها واكفل بها عني وعنك مايظام واللي يبي مشي الرذيلة بيننا لا لايظام قال المثل راعي الوفا دايم يغلّق كل باب ترى النصيحة في قديم الوقت تشرى بالفلوس واليوم ملها لاثمن بين البشر تنداس دوس من عاش في هذي الحياه اتعلمه كل الدروس قال المثل راعي الوفا دايم يغلّق كل باب واللي قبل من النصيحة امن اليمن والا ف( شام ) انعلمه كيف العشر غطا على نبت البشام واليا عرفها ماتبع نقاشة الحنا وشام قال المثل راعي الوفا دايم يغلّق كل باب واللي يخالف في طريق الحق يمشي في الشمال نبغى نمده يااجودي مابيننا مد الشمال ونبغي نحط له ملابس من ملابسة الشمال قال المثل راعي الوفا دايم يغلّق كل باب ونبغي نبلغ شيخنا ونقول ذا مومنّنا هذا منافق هذا نقال النميمة بيننا نخلعه عنا مثل مانخلع مخالف سننا قال المثل راعي الوفا دايم يغلّق كل باب والحية الرقطا لها وسط الجما عدة ضروس متملية متسممه تقتل بها عدة نفوس واليا قتلناها تعيش الناس في فرحة عورس قال المثل راعي الوفا دايم يغلّق كل باب والعقرب الصفرا ضعيفه والسبب في سمها من ضعفها ماتنسب لبوها نسبها لامها تكفى ياعابد يارفيقي تحترص لاتظمها قال المثل راعي الوفا دايم يغلّق كل باب والسبعة السبعة يغطيها الخيال امع السحاب واليا غطت نادى الجدي اسهيل ثم اسهيل جاب والمشتري فارس ماضيع لاحقوق ولا حساب قال المثل راعي الوفا دايم يغلّق كل باب نبغى نسير ف( صف ) واحد يااجودي وسط المسار والملح والبارود من عاداتنا يشتب نار احننا آل فضل أهل الشرف واهل الكرم والاعتبار قال المثل راعي الوفا دايم يغلّق كل باب واصغر مافينا يابو نايف يعتزى به في الحروب يقدر يحارب لي جهينة مع عتيبة والحروب يعرف يحل المشكلة يعرف لها حل ودروب قال المثل راعي الوفا دايم يغلّق كل باب لاكن جا مابيننا في الوقت هذا حلحلة وحد(ن) يحل ابراي والآخر يقوم يخلخله واضعوف الأنفس بيننا مثل الهلل له جلجله قال المثل راعي الوفا دايم يغلّق كل باب وختامها جاهد ياعابد في كلامي واعرفه وانته وانا شعار والشعار دايم معرفه واللي ضعيف النفس لانته لا ولاني بعرفه قال المثل راعي الوفا دايم يغلّق كل باب الرد من الشاعر / عابد بن عايد الفضلي الهذلي سر ياقلم واكتب بيوتاً حبرها سكر نبات من عند ابو نايق لابو وضاح فوق المسرجات توضي علي خد الورق مثل النجوم الساريات قال المثل راعي الوفا دايم يغلّق كل باب وانته وانا نمشي سوا في الدرب من دون انحياز الدرب واحد في طريق الحق ونفوساً عزاز لاكن ياراعي المثب ماينجبر كسر القزاز قال المثل راعي الوفا دايم يغلّق كل باب واللي يخاوينا نحطه في موازين الكرام انته وانا عز الخوي مابيننا يلقى احترام والا الردي من عندنا ماله قبول ولا اهتمام قال المثل راعي الوفا دايم يغلّق كل باب كلن علي دربه يشوفه صح والعلم تحوس حتى المجنن تدعي بالعقل وتحط اللبوس ماينعدل عوداً طلع معووج واعروقه يبوس قال المثل راعي الوفا دايم يغلّق كل باب واللي سرح يضوي بما يلقاه ويعد الكلام تجره الآمال للدنيا وتحقيق المرام والناس شي ميت وشي صاحي وشي منها نيان قال المثل راعي الوفا دايم يغلّق كل باب ومخالفين الحق مانسمح لها قيلاً وقال نمشي مع اهل الطيب والدنيا نزولاً وارتحال واللي يبي ينجح في مايبغي يجيب على السوال قال المثل راعي الوفا دايم يغلّق كل باب واهل النميمة والنفاق اللي تخالف شرعنا ماتنقبل معنا ولانرضى بها في دربنا والشيخ / أبو رداد مرجعنا وهو مركازنا قال المثل راعي الوفا دايم يغلّق كل باب والحية الرقطا نحاربها سوا حرب البسوس حتى نطلها عن الغافل وتاكلها البسوس والخافية نفطن لها مافيه حب بدون سوس قال المثل راعي الوفا دايم يغلّق كل باب واهل النفوس الخاربة تبغى المطيح لعمها تمشي علي وجهين واللي تذكره ماهمها دايم وهي تحفر عن الغايب وتدفن يمها قال المثل راعي الوفا دايم يغلّق كل باب واللي تغطا بالسحاب جبال غطاها التراب الله عليم الخافيات وكل مذنب له عقاب واللي نشد ماضاع عما يطلبه يلقى جواب قال المثل راعي الوفا دايم يغلّق كل باب واليا اجتمعنا صف واحد ليلنا يصبح نهار مانقتدي بالمخطية للصايبة معنا ثمار انقدي العراف واهل العرق مرجعنا قرار قال المثل راعي الوفا دايم يغلّق كل باب صغيرنا عقله كبير اليا هرج حل الصعوب تجيله العراف تستفتي منه من كل صوب الله يديم أهل الوفا والعز لين الما يروب قال المثل راعي الوفا دايم يغلّق كل باب خذ من زمانك ياعلي واللي طريقك خل له واللي كتبته بقلم مبداك غيرك حلله واحد يبي منك النصيحة بالنصايح فلله قال المثل راعي الوفا دايم يغلّق كل باب وانا اجتهدت وجبت ماعندي عن اللي عارفه وان ماجبت الهدف لازم نعيد السالفه واللي يعرف الطيبة هاذاك حظه حالفه قال المثل راعي الوفا دايم يغلّق كل باب والارض تمشي فوقها الاحيا وفيها الميتين الله خلق خلقه وفضلهم وهم متفاوتين كلن علي رايه وعند آجالهم متلاحقين قال المثل راعي الوفا دايم يغلّق كل باب الله يثبتنا علي قول الصحيح ف(دربنا) والمخطية تقعد وقول الصايبة من حظنا طرقة ثلاث أيام لن طالت وناصل حدنا قال المثل راعي الوفا دايم يغلّق كل باب والمعذرة مني يابو وضاح لن جاكم خطا مافيه أحد معصوم دام الله جعل عسر وطا وأهل الوفا مابيننا دايم وهي فخذ وعطا قال المثل راعي الوفا دايم يغلّق كل باب والختم صلو عد ماتكتب قوافي من مديح علي نبياّ عاصمه مولاه من فعل القبيح محمد المامون قدوتنا على القول الدرب الصحيح قال المثل راعي الوفا دايم يغلّق كل باب |
|||||||
|
|
08-04-2009, 02:20 PM
|
رقم المشاركة : 2 | ||||||||||||||||||||||||||||||
|
رد: مراسلة
وصح لسانك
|
||||||||||||||||||||||||||||||
|
|
|||||||||||||||||||||||||||||||
|
08-04-2009, 04:19 PM
|
رقم المشاركة : 3 | |||||||
|
رد: مراسلة
صح لسانك ولسانه
وبيض الله وجهك ووجه شاعرين متميزين سلكت أخوي على النقل |
|||||||
|
|
|
08-05-2009, 12:08 AM
|
رقم المشاركة : 4 | |||||||||
|
رد: مراسلة
صح لسانك ولسانه اخوي عابد
ماقصرتم يعطيكم العافيه تحياتي
|
|||||||||
|
|
|
08-07-2009, 05:38 AM
|
رقم المشاركة : 5 | |||||||
|
رد: مراسلة
صح لسان الشاعرين ابو وضاح و ابو نايف
|
|||||||
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 02:34 PM
 |
 |
 |