..(( الألفيـه )) للشاعـر محسن الهزانـي ....

السلام عليكم ورحمة الله وبركاته


في البدايه اتوجه بالشكر والتقدير لكل من شارك في هذا الصرح الراقي

وادعو الله عزوجل ان يوفقنا جميعاً....

.. اخواني واخواتي الافاضل ...

هناك بعض القصائد لاتحتاج الى مقدمه لما تحويه من الجزاله

والابدااع وقصيدة الالفيه لمحسن الهزاني ارآها قدفاقت الابداع ...

إليكم القصيده واتمنى ان اكون وفقت في مشاركتي


[frame="10 80"]الف وليف الروح قبل امس زرناه
غرو ٍ يسلي عن جميع المعاني

والبا بقلبي شيد القصر مبناه
وادعي مباني غيرهم مرمهاني

والتا تراني كلما اوحيت طرياه
افز لو حلو الكرى قد غشاني

والثا ثلوم القلب ماحد ٍ بـ يرفاه
الا ان خلي من عذابه سقاني

والجيم جيته ماتردّى لمن جاه
يقول : حي اللي عنالي وجاني

والحا حليّه يم نجران مرباه
ريم ٍ على نبت الدعث والمجاني

والخاء خليلي ماتجارح سطاياه
بضامري علـّــق سطير العراني

والدال دوك القلب من حرّ مسطاه
جرح ٍ فلو جبت الدوا ماشفاني

والذال ذهب الحواجر بيمناه
اصابعه تزهي الخواتم ثماني

والرا روايح ريحة المسك وياه
ريحة زباد ٍ فاح اوزعفراني

والزا زبر جمعه ولااحرز ملاقاه
مال اجنبيّ يقول راعي المجاني

والسين سمّ الحال والعقل بصباه
باربع محاحيل ٍ تجرّ السواني

والشين شبّهته طليع ٍ بحرياه
مايشرب الا درّ عرب ٍ سماني

والصاد صاب القلب بالدرج مااخطاه
قلت :آآه واعزآه دمي كساني

والضا ظبيان المها كلها فداه
ويلاه من ربي بحبه بلاني

والطا طويت الياس منّـه ورجواه
لو كان ساعفني فـ باكر جفاني

والظاء ضنيت حالي ولافاه
قلت الوداع وقال هذا مكاني

والعين عامين وانا ادور لاماه
اجيه حذر ٍ الى غاب القمر والهداني

والغين غاب وفسّد الترف بعداه
اجيه حذر ٍ بالغبا والبياني

والفاء فكّر ويش رايه وطرياه
هو حبّ قـلب ٍ لومودّة لساني

والقاف قـلت اقـلط واخذ ماتمناه
ماشاف غطروف ٍ صخيف الثماني

والكاف كيفي طاب والحمدلله
الى حصل قصدي ترى العمر فاني

واللام لايمني عسى الويل يفجاه
ماشاف الذي ربي بحبه بلاني

والميم ماوالله لقينا حلاياه
لافي البدو يذكر ولافي المباني

والنون نوره من سرى الليل جدّاه
مثل الفنر والا القمر يوم باني

والواو يوم ٍ على السطح وياه
اشرب من مبيسم رهيف الثماني

والهاء هيـّـضني بها زين شقــّـاه
كنه لطرّاه الهوى معشراني

ولام الف لايمنى صفعته وقال آآه
لايابعد من لي قريب ٍ وداني

والياء يسقــّـيني معسّـل شفاياه
ولو جفيته عايفه ماجفاني[/frame]

صح الله لسان الشاعر

وصح الله لسانك على اختيارك الموفق

[align=center]صح الله لسانك

وصح الله لسان الشاعر

محسن الهزانـي[/align]

[align=center]يعطيك العافية

وصح الله السانك والسان شاعرها

أختك شموسة[/align]

[align=center]صح لسانك وصح لسان قايلها

تسلم على القصيده

تحيتي لك[/align]

صح لسااان الشاااعر


ومشكووووووووووور علي القصيده