الله اكبر

اسم الله اكبر على اللحظات شاهبها
والله حاكم على الإنسان والجاني
اثنينهم يبدي الطاعة ويقربها
الكل مخلوق ومدبر على شاني
واللي عرف غاية الخلق ومآربها
يسلك طريق السلام ونور الإيماني
يدي صلاته مع الساعة وعقربها
مربوط قلبه مع الإخلاص ومعاني
مايلتفت للركايب لو يسحبها
كبير معشر يغلفها بمرجاني
عنده قصور الذهب تسوى ترايبها
والكون ذرة فلا في حساب الأكواني
لوجاته جمال بدو ٍ مع مشاربها
فوق المواتر ولاسلكي ورعياني
ويسوقها عصبة ٍ تفتل شواربها
الكل منهم يسد الباب من داني
رفع مقامه عن الويلات جنبها
ساعة توطى برجله كل شيطاني
قلبي قوي والتجسس من متاعبها
صابر على مالفاه مقدر وكاني
بأفعاله أعمى العيون وطاح حاجبها
سدح هقاوي مضت وفلان خواني
وأصابعك ماتساوى في ترتبها
والأوسط أرد به جني وإنساني
أنا طموحي هنوف ٍ محد غاصبها
المسلمة الطاهرة هي نور الأعياني
عريبة الساس والطيب يعربها
مرحومة جدود بعد الورد ريحاني
تشعفني إن جيت أسرح في ذوايبها
ماهو بشلال هذا نور رباني
مقصورة الطرف تبطي ماتقربها
ماهي فدنيا الفنا في قصر وجناني
أذود عنها وأدوس جباه وأرهبها
وأركب خيول الفكر مادور حصاني
وأسر لي ناس وأخرى جيت أأدبها
وأعقل فطرقتي صاحي وسكراني
متى حياة السنع تصفي شوايبها
حتى يصح الصحيح ونطرد جباني
كله بأمر الله مقدر نوايبها
العالم بكل ذرة خير وإحساني
وحقوقنا ماتضيع إن حل طالبها
والظلم يدحم بعدل ولانبي الثاني
الأول اللي خلق خلقه وأدبها
سبحانه الله مميت فلان وفلاني
وإن شاء يحييك تبعث من ترايبها
منت بمعجز ويوم حسابكم داني
في الآخرة فايزين ومن مكاسبها
إنك تحصل تعب مجهود الأزماني
ماضاع شي والملائك مير تكتبها
تحصي سجلات للكوري وياباني
مثل المشعوذ ومن يسكن مضاربها
ماهو بمنحاش عن روغات الأذهاني
ياللي تجازف بغمراتك وتعطبها
وش غرك العلم بين بينة باني
اليا تماديت ماثارت زهايبها
يصبح بفضل الله الكبريت دخاني
تلقى الخسارات تتبع رأس مغضبها
اللي تكبر على الله والعمر فاني
الأرض أرض البشر تنصب ملاعبها
والعرش مرفوع سقفه فوق الأعياني
بكرة نميز فصايبها وخايبها
ونبارك لكل طيب ربح من ثاني
يالله تحسن خواتم قوم شايبها
أبو الرسل عابد الله طول الأزماني

صح لسانك يا بو عبدالعزيز

ما شاء الله تبارك الله

على هذه القريحة الشعرية الرائعة

وعليكم السلام ورحمة الله وبركاته

صح لسانك وعلا شانك

شاعريه متدفقه

ننتظر المزيد منك اخي العزيز...

اخوي ايو عبد العزيز صح لسانك ونولك الله مرادك يا كاسب الطيب قصيدتك هذي تذكرني بالقصيدة اللي يقول فيها الشاعر , يالله وانا طالبك حمر هوى بالي |+ لا روح الجيش سفاحاً جوانبها, ولاهي غريبة عليك الطيب يجيب مثله

أخي أبو أسامة بارك الله فيك

أخي خالد الياسي بارك الله فيك

أخي اللحياني بارك الله فيك لكن لا أقرا لأي أحد

صح لسانك يابو عبدالعزيز


قصيدة جميلة جداً


ننتظر المزيد

أخي أبورديد صح بدنك

إن شاء الله أقدم المفيد

صح لسانك مدد بلا عدد

شاعر مميز ننتظر جديدك لاتحرمنا من جديدك

تقبل مرووري

ودمت بود

أخي أحمد صح بدنك مدد بلا عدد

لاأحبذ كلمة شاعر بارك الله فيك

صح لسانك ياعبدالعزيز
قصيدة جميلة رغم وجود ثقل في بعض أبيات القصيدة
وغموض في بعض تراكيب الألفاظ
ولكن بصفة عامة قصيدة جميلة ورائعة

صح بدنك ياأبو حمدان

شكرا ً على النصيحة والنقد الهادف اللذي سيترك أثر ايجابي إن شاء الله

رغم أني لا أتفق معك في بعض ماذهبت إليه

عموما ً بارك الله فيك ويشرفني مرورك أيها الدعدي النبيل الأصيل