مــثــل الــنـخــل واقــــف

مــثــل الــنــخل واقــف

أبسألك من هوله العيد قلّي = أبسألك هل في عيوني فرح عيد

أبسألك وش شفت في زول ظلّي = لاتلتفت في مظهري ناظر بعيد

صحيح مهتمه ولاني من اللّي = يبدو كأنه كامل الفرح وسعيد

ما يفضح صمود الخفا ما يدلّي = نفسٍ تألم حزن وجروح تنهيد

لو يمتلكني ينخل الحزن كلّي = ما ينثني شموخي ولو جود القيد

مثل النخل واقف وعالي محلّي = ومثل الجبال الشامخات الصواميد

ياصاحبي كل الحكي ما يحلّي = طعم المراره لو على سمعي تزيد

وحيد بالدنيا ولالي مهلّي = غير الجروح وحرف شعرٍ نواضيد

لا العيد عيدي ولا الفرح ليّ مسلّي = لو صارت الايام عيدٍ ورى عيد

يالله عسى فرح الهنا مايملّي =عمرك ويصبح لك على كيف ماتريد

وعساك من عيدٍ لعيدٍ يطلّي = وكل عام عيدك بالفرح دون تنكيد

شعر / الملتاعة