نجوم في سماء العرب .... في حفل المعطاني

تشرفت بإلقائها في حفل زواج الأخ / فهد بن سعود المعطاني
شقيق شاعرنا / هشام الهذلي

في ليله من أجمل الليالي ... حيث جمعتني بأخوي // صالح المطرفي ( فارس الصحراء ) و عماد العبيدي

جمعني بهما أمسيه شعريه كان مديرها :: الرائع دائما أخي و حبيبي // عبد الله بن ناشي الندوي
,
,
,
,
,



نجوم في سماء العرب

,
,


[poem=font="tahoma,5,black,normal,normal" bkcolor="" bkimage="" border="solid,1," type=1 line=0 align=center use=ex]تغانم نسيــم الــود يا هاجسي و اختار = من الروض - روض الشعر- شيحه و أزاهيره
قـصيده من البــنور و الـنور و النوار = من أقصى ضمير ٍ يجمع النور و يثيره
أسجل بها في ليل فرحة فــهد تذكار = و أعبر بها عن ود قلبي و أساريره
فــهـد بن سـعـود و لا عن أهل الوفا معذار = حضرنا في ماجوبه و حقه و تقديره
و يستاهل الوقفات عــز الخوي و الجار = فــهــد بن سـعـود الجود و الطيب و الغيره
ولـد من عمر له في قلوب الرجال ديار = لأن الوفا في جوف صدره عمر ديره
ســعـود إن تسمى العز فالعز ما يختار = على اسمه لأنه يعطي العز توقيره
صدوق ٍ ليا ما قال .. سمح ٍ ليا ما شار = كثير ٍ مهماته .. قليل ٍ معاذيره
قـريـب ٍ بـماجـوده .. جواد ٍ .. بعيد أنظار = في وجهـه مصابيح السرور و تباشيره
عن اللازمه ما هو بناسي و لا محتار = سبوق ٍ على الطالات ما فيه تاخيره
دعانا على سلم الاجاويد و الاخيار = و جينا و سلمنا و كل ٍ و تعبيره
سلامي على أهل الحفل , و الحفل , و الخطار = أعده على الحضار بالاسم و اديره
سلامي على الجمهور , و أصحابي الشعار = و لعينا ( عريف الأمسيه ) حق تكريره
سلام ٍ يجي له في وجيه الرجال أنوار = و يجتاح صـدر الليل و يطق أزاريره
من الرَوح و الريحان من نادر الأزهار = من النــد بـحر ٍ مــــد زاكي تعابيره
سلامي عليكم عد ما سارت الاخبار = بتمجيد للمعطان ..و المجد تقريره
:: دواوين عـــز ٍ دونوها بكل اصرار = رجال ٍ لهم في كل صفحة فخر سيره
هل الاوله لاصار للاوله مضمار = لهم في دروب المجد روحه و تبكيره
نجوم ٍ تلالا في سماء العرب و اقمار = تنومس بهم كل اهــذلي ٍ على غيره
عسى فرحهم دايم ,, عساهم طوال أعمار = و يبقون ذخر و فخر للخير و الخيره
أقوله و أنا فيصل عباد الوفي البار = لكل اهذلي , و الناس كل ٍ و تفكيره
و لا يا سمو الفكر :: يا هاجسي و ان صار = لربعي لزوم اقطف من الشعر أزاهيره
من الرَوح و الريحان من نادر الأزهار = من أقصى ضمير ٍ يجمع النور و يثيره[/poem]


,
,
,