جور الليـــــالي

[poem=font="arial,6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله علئ اللي لامشاء يشرح البال =جمس جــديد يشرح الباــل ممشــاه
يقطع من السرعه مسافات واميال =ويقرب اللـــي شوف عينـــي تمنـــاه
دارت رحئ الدنيا علينا والاحـــوال =وبعدت خــــــل (ن) نحبــه ونهـــواه
له مقدرن فالعين والقلب مــــنزال =وان غاب عني منزله كيف انا انساه
مالي جدا ياكود في بدع الامثـــال =وكتب علئ وجه الورق قــاف وقراه
الله من جور الليالي والاهــــوال =والله من حال تواتيـــــــــــه بلواه
والله من قلب حصل فيه زلـــزال =والله من دمــــع عجزت العين تدراه
والله من لهب فاالصدرشعـــــال =والله من هم علئ البــال ماعاد يقواه
متئ علئ الله عني الهم ينـــزال =وتشوف عيني منهو اللي القلب يبغاه
متا تبا تصفيلنا ايام وليــــــــال =وتجمــــع بنــا صدفه وفي يـوم نلقــاه
[/poem]

وعليكم السلام ورحمة الله وبركاته

صح لسانك وعلا شانك

اسمح لى بنقل القصيده الى قسم الشعر الشعبي

بيض الله وجهك يابن عطالله على القصيده الجميله

ومشكور أخوي أبو غلا على التنسيق

تحياتي للجميع

قصيدة جميلة
ولكن لي ملاحظات بسيطة على بعض الأبيات أخوي بن عطاالله
هناك بعض الأبيات بها كسور واضحه على سبيل المثال :

(وان غاب عني منزله كيف انـا انسـاه)

والله مـن دمـع عجـزت العـيـن تــدراه ))

والله من هم علئ البـال ماعـاد يقـواه ))

(وتشوف عيني منهو اللي القلب يبغاه ))

هذه الأبيات بها زيادة في الوزن عن بقية أبيات القصيدة سببت كسر للقصيدة


أرجو أن تتنبه لها مستقبلاً

طبعاً هذه الملاحظات لاتقلل من شاعريتك فأنت تتملك شاعرية عذبة وسيكون لك مستقبل زاهر بإذن الله

لذلك أخوي بن عطالله أسمح لي بنقل القصيدة لقسم المحاولات

اول شئ صح لسانك يالغالي

احساس عذب لا شك

وان وجدت بعض الزيادات في بعض الابيات

الا انها بسيطه وتتعدل مع الوقت ان شاء الله

طبعا اختلف مع ابو حمدان في احد الاشطر التي قال بأنه غير موزون

(وان غاب عني منزله كيف انـا انسـاه)

هذا موزون لا شك ويمكن القراءه خانت شايبنا هههه

البقيه اتفق معك فيها بالتأكيد

والشكر مره اخرى لابن عطالله على تفاعله الطيب

محاوله أكثر من رائعة أخي ابن عطا الله ..

أتمنى لك التقدم مع الايام ..

	المشاركة الأصلية كتبت بواسطة هذلي والفخر لي

	اول شئ صح لسانك يالغالي احساس عذب لا شك وان وجدت بعض الزيادات في بعض الابيات الا انها بسيطه وتتعدل مع الوقت ان شاء الله طبعا اختلف مع ابو حمدان في احد الاشطر التي قال بأنه غير موزون (وان غاب عني منزله كيف انـا انسـاه) هذا موزون لا شك ويمكن القراءه خانت شايبنا هههه البقيه اتفق معك فيها بالتأكيد والشكر مره اخرى لابن عطالله على تفاعله الطيب

الشطر هذا يابو بسام هو أقل الأبيات ملاحظة بلا شك
ولكن به ثقل في قوله ( كيف أنا انساه )
لو قال (( وإن غاب عني منزله كيف أبا أنساه )

يكون أقوم وأخف على النطق

في النهاية أنت معلم ونحن نستفيد من خبرتك الشعرية يابو بسام

وأنا قد ذكرت بأن الأخ بن عطاالله سيكون له مستقبل باهر بلاشك
وقد أعجبت بأسلوبه الشعري المميز فعلاً وغزارة معانيه التي تثبت بأن وراءها شاعر
متمكن نتمنى له التوفيق إن شاء الله

صح ابدانكم جميع
واتقبل جميع ملاحضاتكم وانتقادكم بكل فخر
وشاكــــــــــــــــــــر مروركم

	المشاركة الأصلية كتبت بواسطة ابن عطاالله

	صح ابدانكم جميع واتقبل جميع ملاحضاتكم وانتقادكم بكل فخر وشاكــــــــــــــــــــر مروركم

أحيي فيك هذه الروح الطيبة
ونحن لنا الفخر بوجود أمثالك بيننا
فأنت شاعر بلا شك ولديك كل مقومات الشاعر الجزل
ولك مستقبل زاهر بإذن الله

والذي زاد تأكيدي على أنك شاعر هو تقبلك للنقد الهادف بصدر رحب
وأكبر الشعراء الذين نعرفهم لم يصبحوا كباراً إلا بعد أن تعرضوا للنقد
وتعلموا من غيرهم

أنا على ثقة بأن قصائدك القادمة ستكون أجمل وأجمل وأنا أراهن على ذلك

تقبل كل الشكر والتقدير من أخيك الأكبر
والله يحفظك ويرعاك

ابو حمدان الله يعطيك العافيه

صح سانك وعلا شانك ابن عطاالله

كرستاله ياهلا ومرحبا فيك
اسعدني مرورك

تسلم يابن عطالله وصح لسانك

ومحاولة ممتازة واتمنى لك التوفيق

صح بدنك يا استاذي الفاضل
اسعدني مرورك