محاورة بين الشاعرين صياف بن عواد الحربي والشاعر لاحق ابراهيم الزويهري

محاورة بين الشاعرين صياف بن عواد الحربي والشاعر لاحق ابراهيم الزويهري






يقول لاحق الزويهري :

تحيرت ياصياف مدري وش ابطـــــاك ******* تحيرت ياصيـــاف وش ذا المغيبــــــه
انا ربي أعطاني كما ما الله اعطــــاك ******* ومن هو يجيه الخــير يعطي صحيبـــه


فرد عليه صياف الحربي وقال :

انا ما تحـير يابن الاجــواد لــــــولاك ******* وشهــوات الأنفس يالهذيـلي صعيبـــــه
إليـا أعطاك ربك عـز دينـك ودنيــاك ******* وطــالـــع بعينـك للديـــــــار القريبـــــه


لاحــــق الزويهري:

أنا عارف إنــك تبدي للخـير يمنــاك ******* وهـذي على الأجـــواد ماهــي غريبـــه
نزلت البحر والله من المـوت ناجاك ******* ولا زم تصــدق من عروض المصيبــه

صيــاف الحربي :

أنا أشوف في جيبك ثلاثين مسـواك ******* وهــذي مع العــربـان قصـه عجيبـــــه
نزلـت البحــر قـدام دورات الأفــلاك ******* وجهـــزت للمخطــي سهــومٍ عطيبـــــه


لاحــق الزويهري :

أبعطي ذاك المسواك والحظ يبــراك ******* ومــــدت صحيــب لصاحبـــه ما تعيبــــه
أنا شفت مسراح وأنا شفت مضواك ******* ولا أدري ويـش شفت من ذا الكسيبــــه


صيــاف الحربي :

عليــك الله اكــبر كلهــا ما تعــــداك ******* ولكن إنـك الليــله قـاضبــلك قضيبـــــــه
عدوك رماك برمح صابك ولاأخطاك ******* ولـكــن دور لــك طـبـيــب وطبـيـبــــــه







تحياتي لكم

بيض الله وجهك محاورة جميله والله يرحمهم جميع .

تحياتي .

[الطود]

الله الله


رحمهم الله جميعااا



شكرا لك ....

مطرفي الدلم
وجهك ابيض والف شكرلك على المرور الجميل



الطود

تشكر اخوي على المرور


تحياتي لكم

الله يرحم الشاعر لاحق فقد كان من كبار الشعراء وكذلك والده الشاعر ابراهيم الزويهري .
ونشكر ابو ياسر على هذه المشاركة القيمة

وعليكم السلام ورحمة الله وبركاته

محاوره رائعه

رحم الله الشعراء وادخلهم فسيح جناته

مشكور اخي خضر على النقل الرائع