امي يا غلا الدنيا

يمه ياليت العمر يعطي وانا اعطيهـ

لعطيك عمري مرخصه لجل تشفينـ

يمه مرضك انتي مرضنا ونشكيهـ

حنا الجسد وانتي لنا الروح تحيينـ

يمه ترى انتي نورنا والامل فيهـ

نمسي ونصبح في وجودك سعيدينـ

حقك عظيم ونعجز انا نوفيهـ

مهما فعلنا والله انا مقلينـ

من قام في برك الله يجازيهـ

تصفا له الدنيا وخاتمه تزينـ

ادري لو اعطيك العمر كله واهديهـ

مالحق جزاك ولو غدا العمر عمرينـ


ارحب بنقدكم ورايكم يهمني

السلام عليكم ورحمة الله وبركاته

حياك الله أخي زياد، منورنا في هذا المجلس وسعداء بما تطرح، لاهنت.

قصيدة جميلة في مضمونها، وفي موضوعها، ولي عليها بعض الملاحظات البسيطة، أتمنى أن تعدلها.....

تقول:

من قام في برك الله يجازيهـ

تصفا له الدنيا وخاتمه تزينـ

وهنا نقص في كلا الشطرين:...والأصل..
من قام في برد عسى الله يجازيه.......تصفا له الدنيا وخاتمته تزيـن

وتقـول:

ادري لو اعطيك العمر كله واهديهـ

هنا زيادة،، ولو قلت مثلا...والله لو العمر يُهدى ونهـديه


وهي أعتقد أخطاء كيبورد ، وسهو منك في الكتابه، لا أكثر ....

وفقك الله وصح لسانك مرة أخرى


تحية طيبة

مالحق جزاك ولو غدا العمر عمرينـ


يا سلام عليك

صح لسانك و كلك

أبدعت

الله الله

نسأل الله أن يمتن على والدتك بالشفاء العاجل

قصيدة ابداعيه

و شاعرية عذبه

صح لسانك لين ترضى

تحياتي

و شكرا لك

صح بدنكم طال عمركم
مشكور اخي عماد على الملاحظه الجيده

صح السانك
قصيده في احسن واحده على وجهه البسيطه الله اما اشف والدتك والرحم والدتي ومهات جميع المسلمين
من ناحيت المظمون رايعه وموثره في نفس الوقت وراقت لي كثير
اما من ناحيت التركيب يوجد اخطاء بسيطه وهياالتي ذكرها لاخ عماد الهذلي ويمكن من الكتابه او كتبت القصيده في عجل حاول اذا كتبت اي قصيده ان تلحنها وذا تتطابق الحن في جميع البيوت فهيا قصيده سليمه لايكفي كتابت القصيده بل لابد ان تلحنها عند الانتها منها ويبديلك الخلل اذا كان فيها شئ ولاكن انا احس من ناحيت تناولك لهذا الموضوع وطرح هذه القصيده ان لديك القدره على كتابت اشعر وامامك مستقبل كبير فلا تتردد كلنا اخطانا في البدايات ولازلنا نخطي 0 تقبل مروري وتحياتي

اخوي زياد..

اولا اللهم اشف مرضانا ومرضىاكم ومرضى المسلمين..

وان شاء الله تقوم امكـ بالسلامه..

اما القصيده..
اعتقد ماقصر اخواني عماد وجميل وملاحظاتهم لابد ان تؤخذ فعين الاعتبار..

شعر سهل ورائع في نفس الوقت..

الى الامام وبالتوفيق..

لكـ احترامي