روح...القصيــــــد...؟

حبيت اهديكم ذي الهديه .... على الله تعجبكم .....


اللي يهاب الغرق ماغاص جوف البحر

اكيد ما خذا الدرهـ ولا تحــــلا بها


روح القصيد ولو عاث فيها السهر

يبقى الرضا مثل عشق العين لهدابها


عريقات المدى تحب المدح والفخر

وبل المشاعر فرح والاسى ينتابها


وانا مشيت الطريق وقطفت الثمــر

اما اترك العاليه والا ارقابهــــا


يجلا سواد الليل بطلوع البـــدر

لا داعب حروفه ينزاح جلبابها


والورد لبان لعيون الهواوي صبر

والشوك ل ناش رجل القصيد اوصابها


وانا على طرقتي زف الخيال وعبر

واللي تفوق الخيال لابد احيا بها


هزيت جذع الآه واهتز كل الشجر

عبرت عن كل البحور اغرابها


ماهمني من جحد لاهمني اللي جهر

حتى اعوجاجات سفن البيد بارقابها


انا ادري كل احتكاك الحس يبقى قهر


واحد ولاعشرين يحرق اعصابها


بعض الكلام يتشابه لو طال الدهر


والمهمله ما تفيد اللي تسمابها


اللي يهاب الغرق ماغاص جوف البحر


اكيد ماخذا الدرهـ ولا تحلابهـــأ

السلام عليكم ورحمة الله وبركاته

حياك الله ياعبدالله،، وصح لســانك،،، لـــــكــن!!!!!

أنا استغرب بصراحة مثل هالقصيدة منك!، كذا نص لك كان موزون، وفيه قصيدة لك كانت رائعه،، وزنا وصياغةً، بس هالقصيدة، أنا مالقيت فيها إلا شطر مــوزون، أو شطرين:
اللي يهاب الغرق ماغاص جوف البحر

و
يبقى الرضا مثل عشق العين لهدابها،،
هذا اللي موزون.

الباقي،، كله كســور،، تشيل كلمة ، وتزيد كملة، أتمنى منك مراجعة القصيدة ، ومراعاة الأوزان، بشكل عام. والتريث قبل أن تعرض نصوصك، جميع البحور كُتب عليها، قارن ماتكتب بما يُكتب على نفس البحر، وشوف الخلل أين.

وننتظر جديدك، ياعبدالله وصح لسانك مرة أخرى،، وأتمنى تقبل وجهة نظر أخوك بصدر رحب.

تحية طيبة

والله اني ماراجعتها هي البارح كتبت على طول .....

اشكرك على مرورك وملا حظتك ..

تحياتي...