قصيدة القصاص

هذه قصيده محزنه عن القصاص وكان ابطالها شخص اسمه سلطان بن رباح وصديقه محمد بن عقيل جمعتهم اخوة الدنيا من هم صغار علي عز ومعزه وكبروا وتزوج سلطان وجاء له ولد سماه محمد علي اسم خويه محمدمن زود مايغليه وكانوا يحبون المقانيص والصيد فطلعوا مره اثنين مامعهم ثالث في وقت بعد صلاة الظهر محمد يصلح الغداء وسلطان يزهب السلاح فكان فيه طلقه مادرى عنها سلطان في المخزنه فضغط الزناد وثارت البندق ومات خويه محمد وراح سم نفسه وبدوا المشايخ يتوافدون علي اهل محمد انهم يتنازلون عن سلطان حتي وصلت الديه عشره مليون ورفضوا الا راس براس وصدر الحكم علي سطان وقصوا سلطان وصارت الصدفه بالموضوع ان قبر سلطان كان جنب قبر محمد فكانوا اصحاب بالدنيا جيران بالقبور :
يافلاح الهم خيم فوق قلبي يافلاح = كيف تبغاني اسولفو وانت خابرني عليل
وش قولك في علي في حياته مااستراح= تنتثر دمعة عيونه لاظلم الليل الطويل
حالتة لا ماتباعد حال سلطان الرباح = بالخطأ راحت حياته والخطأ ماله مثيل
كان ويا صاحبه اثنين في ارض براح=يطردون الصيد دايم صبح لين المقيل
اجمعتهم صحبة الدنيا علي جد ومزاح= مايهابون الليالي والحمول الي تميل
ماقتل عامد ولكن ثور ابليس السلاح= بالخطأ ثار السلاح ووين يلقى له دليل
وانعقد سجنه وربعه تنتظر فك السراح=والاكيد انه سجين ومارضوا ربع القتيل
هل دمعه يوم صلى ركعتي(ن) في الصباح= في نهار الجمعه اللي من ثقيلا في ثقيل
هلل وكبر ونفسه تذكر اللي راح راح=كان في ربعه عزيز وذله الوقت الذليل
لامحمد لاتهاني لاسعود ولا صلاح=كلهم كانوا علي باله وهمه في هديل
طفلة ماكملت عامين صايبها كساح =وانتثر دمعه وحاله من سبايبها نحيل
حان تنفيذ القصاص وغطوا الراس بوشاح=وجاك سيافه يشيل السيف ابو حد صقيل
ارتخى راسه وزاد الموقف الحامي صياح=بين نوح وبين دمع وبين صيحات وعويل
وارتفع صوت الحشود وزاده محمد وصاح = يايبه تكفى دخيلك تستمع قول الدخيل
يايبه وشلون نصبر كيف نهجع برتياح= وانت من دنيا عيالك مأخذك مر الرحيل
يامحمد هاك علمي واحفظه قبل المراح= انتبه لاخوانك وبالك عليهم لا تعيل
والله الله في الصلاة وفي الصيام وفي الصلاح = وهالله الله في امكم والله لكم بعدي كفيل
غمض عيونه ونفسه تطلب الله السماح=رافعا سبابته مظلوم والله الوكيل
وسل سياف الصفا سيفه وطقه ثم طاح =راح سلطان المراجل وانتثر دمه يسيل
وغسلوه وكفنوه وفاح طيب السدر فاح= وبالمصادف صار قبره جنب قبر ابن العقيل
يافلاح الكارثه ماهي سوالف يافلاح =خلني ساكت ودور غير هالقصه بديل
وسلامتكم مماراق لي

[align=center][table1="width:95%;"][cell="filter:;"][align=center]
الله يرحمهم جميع ..
قصه مثيره لشجون ...
الف شكر يالغلا...
[/align][/cell][/table1][/align]

مشكوره على السرد للقصة وسطور الشعر

موفق بإذن الله ... لك مني أجمل تحية .

[ماطر السويدي]

قصة وقصيدة فيها الشيء الكثير من العبر

لك الشكر على هذا الطرح والسرد الجميل ودمتي

على خيرالاخت كرستالة

	حالتة لا ماتباعد حال سلطان الرباح = بالخطأ راحت حياته والخطأ ماله مثيل

الله المستعان ، قصة مؤثرة وأبيات معبرة واختيار موفق

شكرا لك على الموعظة

الإخت كرستااله القصه مؤثره جداً سلمت يميينك

<<<<<< تقووول يالييت العقييل عفوووا عن سلطاان


تقبلي مروووري