النجم الهذلي على ساحه الجنوب

[سالم السعيدي]

مساء وصباح الخير لمجالس هذيل

في ليله من ليالي الشعر جمعت مابين القلطه والشقر في قصر الغمير بالطائف وكان في هذه اليله متميزه جداً

وكانت جماهير غفيره وشعراء عمالقه وكان (لشبل هذيل) نصيب الاسد في القلطه والشقر

ومن ضمن المحاوره تفوق شاعرنا المبدع .. عبدالله السعيدي وكان هو نجم المحاوره تلك اليله

وطلب منه الشاعر / عبدالهادي الغفيري المالكي ابن اخ عيضه بن طويرامام الجماهير بان ينازله على لعب الزير

وكان له بصمه قويه

اترككم مع الابداع


عبدالهادي الغفيري

المعرفه يالسعيدي ماهي بروح وتعال
تبغى لها فكرتن حتى ياجي بيتٍ تلا بيت
وانا معي معرفه واجيد قلطه وشقراء
ونته من هذيل والهذلان اهل شعرن وفريس
ونحن كماكم في الثنتين وقوى شويه

(شبل هذيل)

الشعر ماهو مرض للقلب وروح وتعال
ماني بتالي وانا ابن هذيل ابيت التلا بيت
ونتم وحنا سوات العود من دون شقراء
لكن حنا ذيابه فالغداري وفريس
ونقالب الصيد فوق النار وقوى شويه

المالكي

رجال ينقص وجوب الضيف ماهو برجال
ماهو بحاتم ولو يسمع بحاتم يابالفيت
وليامشينا يمن الدرب عنا تيسرا
مايمشي الا على درب الغوا والدهاليس
مدور الذاهبه بين الهداء والحويه

شبل هذيل

اللي ركب فوق ضهر الخيل ماهو برجال
واللي يبا القرب منا نيته ما يبا الفيت
والضيف ماله علينا شرط ضيفته يسرا
لو منت راغب توديها رضى ودها ليس
ياكم عميلن كسرنا قلته والحويه

المالكي

فالتهم ماعندنا حنطه ولا حب سيال
ماعندنا الا شجر ضامي وبعد الدنا ميت
وبعض الابار ماجفت ولا عدها اجر
ولكان اللي راي فالابار ناوي بها قيس
وبعض الابيار مكشوفه ولا هي غبيه

شبل هذيل

يازين تضحك وانا دمعي من الحب سيال
الله ياكم على شانك من الود ناميت
ماني بناوي على بعدك ولا عد هجرا
مدام بنت الهوى ليلى وناويبها قيس
وقيس فارس وليلى بنت ماهي غبيه



الحقيه كان هناك الكثير من هذه المحاوره ولكن ماحصلت الا على هاذي وان شاء الله راح انزلها كامله فديو في مجالسنا الغاليه

اخوكم / سالم السعيدي