من فوق حمرٍ

بسم الله الرحمن الرحيم [poem=font="times new roman,6,black,normal,italic" bkcolor="darkblue" bkimage="http://www.hothle.com/vb/mwaextraedit2/backgrounds/29.gif" border="none,4,orange" type=2 line=1 align=center use=ex num="0,black""]
من فوق حمرٍ لامشت تقطع البيد=
دليلها يم المشاريف ناوي
تمشي طويل الدرب ماتعرف الحيد=
تاصل ديارٍ للرياجيل تاوي
اهل الشجاعه في لقاهم صناديد=
واصغرهم اللي للمواجيب حاوي
وقت الشدايد كلبوهم مواجيد=
زبن الضعيف اللي له الضيم طاوي
ثم قل لبو حامد طغى سيد الغيد=
وزاد الجفا والقلب به شوق كاوي
صبرت مير الصبر ماجاب لي فيد=
وجروح قلبي مالقنَ المداوي
واليوم حالي مايسر الاجاويد =
ولا يسر اللي خصيمٍ عداوي
باسبابه اللي مايصون المواعيد=
الباير اللي جر كل البلاوي
كنا على نبع المحبه مواريد=
مانستمع فالحب من كل غاوي
لكن جردَ سيف فرقاه تجريد=
ثم صاب قلبٍ بين الاضلاع ذاوي
كم قلت بسلى عن هوى باهي الجيد=
وارتاح ياقلبٍ سقيمٍ شقاوي
لقيت نفسي أطوي الهم واعيد=
هم طويته في زمانٍ خلاوي
وصلاة ربي عد ماعاد من عيد=
على شفيع الناس يوم التساوي


[/poem]