اخر منتوج

يا حبيبـي لا تجيـب و لا تـوديّ......من عنا التفكير خلِّـك مستريـح
إنت من قدك و من يسواك عنـدي......و إنت ما غيرك على الدنيا مليـح
لو يعاندني الزمن و يكون ضـدي......لا و ربك ما يهـز القلـب ريـح
من عرفتك ما جرى دمعي ع خدي......و لا في ليلة بات خفاقـي جريـح
رغم دورات الليالـي و التحـدي......جيتك و قلبي قبل نطقـي صريـح
لا تحاول تختبـر فـي يـوم ودي......ما لقى قلبي مثل حبـك صحيـح
همت بك في عالم العشاق وحـدي......يسلم إسلوبك و هالطبـع الفليـح
أنا لك و أنا حبيبي عنـد وعـدي......عيش في قلبي و خلـك مستريـح



مع تحياااااااااااااااااااااا ااااااااااااااااااااات الذيب

	لو يعاندني الزمن و يكون ضـدي......لا و ربك ما يهـز القلـب ريـح

صح لسانك

قصيدة جميلة

ننتظر جديدك

صح السانك والله يالذيب مبدع لاهنت

بس فيه ملاحظه بسيطه ماتنتقص من شاعريتك ابد:


البيت الرابع:

من عرفتك ما جرى دمعي ع خدي


لو بس تعيد تركيب البيت وتستبعد (ع)لكان الشطر اكثر جزاله

وانا اعرف انك تقصد بها (على )ولكن حدك الوزن

لك احترامي يالذيب

صح لسانك يالذيب

صح لسانك طال عمرك

لو يعاندني الزمن و يكون ضـدي......لا و ربك ما يهـز القلـب ريـح

لله درك قصيدة جميلة

اشكر لكل من اطلع على الموضوع ومروركم شرف لي
وصحيح ماقلته يابن قاسي لاكن الجيات احسن انشالله


الذيب

السلام عليكم ورحمة الله وبركاته

الصدق وانا اخوك اطربتي القصيدة فوق ما تتصور ....أسلوب ولا أروع في التعبير عن الحب والوفاء ..اسلوب سهل ممتنع ...أسلوب الكبار .

لا تحاول تختبـر فـي يـوم ودي......ما لقى قلبي مثل حبـك صحيـح

صحيت وصح لسانك ..
الجديد وانا اخوك ..