ناريه

طاروق ناري بين عملاقين من عمالقة الشعر وهم

الشاعر سلطان الهاجري والشاعر مستور العصيمي

اتمنى ان يحوز على إعجابكم


سلطان


مستور له فتره وهو نصاب = طبيعتـه عيـا يخليـهـا
لكن جاك الداب جاك الداب = لا ترفع ارجولك وترخيهـا




مستور


كذاب ياسلطـان ياكـذاب = النار تحرق رجل واطيها
إن كان ما قفل عليك الباب = يا لحيتي والله مـا خليهـا




سلطان


إن كان ما نوخك بالمشعاب = الطيبـه مانـي براعيـهـا
غط البحر واسبح بدون ثياب = ولا تفكـر فـي تواليـهـا




مستور


اثرك صرت منضم الأرهاب = والـي تسرحهـا تضويهـا
ماني بلعبه في يـد العـاب = اسمع علومي كان توحيهـا




سلطان


تراك بين الضرس والأنياب = يا بو الحصاة الي تدربيهـا
يوم الحصاني ترفع الاذناب = وانته مع الضلمى تباريهـا




مستور




أعرفك ياخيمه بدون أطناب = أهدها مـن فـوق بانيهـا
يا بنقلادش حط لك شراب = ولا عتيبـه لا تناحيـهـا




سلطان


الطايره لا تعدم الركـاب = وأنت السبايب في بلاويها
راحت عتيبه تفتل الأشناب = والسيف الأملح في علابيها




مستور


عطنا علومك واحضر الغياب = حاضر علومك مثل ماضيها
تبى الحقيقه ما عليك أعتاب = ألي خلـق خلقـه يسويهـا




سلطان


مسيلمه يا صحابنا ما تـاب = والله يولعـهـا و يطفيـهـا
ما عاد لك عن وجهها مجناب = لو كنـت حاميـه حراميهـا





مستور


حنا المناكب وانتم الأذنـاب = خلى النفوس بحكم باريهـا
خذ ما سمعته ثم سف أتراب = والمحكمه يرضيك قاضيهـا




سلطان


حنا الذيابه والكلاب كلاب = والي جرح كبدك يداويها





وسلامتكم

ِ

الله الله الله انا اشهد انها محاوره ناريه مابقي الا التلازم بالحلوق ويعتبر هذا القاف ضمن سلسلة المحاورات

الناريه بين شعار قحطان وشعار عتيبه والذي نلاحظ فيها منافسه قويه جدا....

مشكور يابو محماس على النقل تقبل تحياتي,,

ول ول

والله ماباقي إلا المماسك بالحلوق
ولكن أنا شخصياً أنتقد شاعرين كبيرين بحجم الهاجري والعصيمي
تصل بينهم إلى هذا الحد

	المشاركة الأصلية كتبت بواسطة أبو حمدان

	ولكن أنا شخصياً أنتقد شاعرين كبيرين بحجم الهاجري والعصيمي تصل بينهم إلى هذا الحد

ليس أنت وحدك يابو حمدان جميع من يعرفون قيمة الشعر ينتقدون ماقاله الشاعرين بينهما

هولاء عمالقة الشعر

على قولة النقاد ,,, وهذا شعرهم





لاحول ولاقوة الا بالله


كل الشكر يابو محماس

يابومحماس
ويش المحاورة هذي
هذي محاورة ولامصارعة
عزالله ماهي محاورة مادام فيها
انتم الأذناب وسف أتراب و الكلاب اكلاب
مير الاعوض افلح من القطيعة
وكل الشكر لك يابومحماس

لا ناريه ولا شي انما قمت السفاله وانا اخوك الله يرحمك يالمسعودي مت وخليت الشعر للخبلان

تصل العصبيه آحيانا ذروتهـآ بين الشعراء ونطلع بشعر جزل ومحاك قوي فيه من المعاني الشي الكثير

محمد الجبرتي رحمه الله

[poem=font="simplified arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مرحبا في حلة اللي مكرمين لحاهـا=ردة تقصر عن اللي لحيته محلوقـه
كدها بالموس والصابون لين احفاهـا=لين صارت مثل ركبة عمتي مرزوقه[/poem]


مطلق الثبيتي رحمه الله


[poem=font="simplified arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
السحيمي ينفض اللحية ويطوي في معمه=طار عقله من شليويح المطيري والزلامي
البعير اللي يشيل الحمل عود يرضع أمه=بعد قالوا شامخ النيبان مردوم السنامي[/poem]



والإستشهاد بأبيات الشاعر عبد الله المسعودي كثيرررره ولا يسعني آن احصيهااااااااااااااااا


ولكن ما قرئته في هذه الصفحه هو لآ يمت للشعر بأي حال من الأحول هو مجرد هوشه وآكبر دليل آن المحاوره لم تطول ..


سلمت آخوي آبو محماس لاعدمنا تواجدك في هذا المجلس

ابن مغبش
ابو حمدان
بن عادي
مطرفي الدلم
سهم هذيل
ابو عمار
صافي الروح
مشكورين على تفاعلكم والمقصد ياخوي صافي الروح من العنوان هو جذب الانتباه لا نقصد اي شي اخر
ولا نحن نعلم انهم تجاوزوا بالحدود ولكن هولاء الاثنين هم اللذان تكون بينهم المحاورات الحاميه ويكون المعنى ايضا بينهم واضح غير مدفون
للتوضيح

عارفينك يابومحماس وانا اقصد اننا في اخر الزمان عندما تسود الرويبضه ويكون امثال هؤلاء من يشار اليهم بالبنان للأسف.