أحبـــك .كتابيه ومقطع صوتي .(متواضع )

بدون مقدمات




أحبـك يابعـد كـل الاسـامـي
وبحّة صوتك الدا فـي غرامـي
وجودك في حياتـي يـا حياتـي
......يداوي كل جـرحٍ كـان دامـي




انا الليله ملا دنــــياي قربك
بعد ربي جمـع دربـي ودربـك
حبيبي قولهـا لـي يـا حبيبـي
......ابسمع مـن فمـك كلمـة أحبـك



أحبـك قولهـا مـرّه ., ومـرّه
ورددّها ترى فـي الكبـد حـرّه
ألا يا طول ليلـي فـي غيابـك
......وألا يا مشيـن اغيابـك وأمـرّه



تعال وحـط كفّـك فـي كفوفـي
وخل اظروفك وخلّـي ظروفـي
ولا تفتح لها الموضـوع سيـره
......ابا انسى حسرتي وانسى حسوفي



وابي عطرك يجي يسكن بروحي
وابي همساتك اتـداوي جروحـي
وخـذ تالـي سواليـف المحبـه
......وشعري فيك يوم ايطول نوحـي



وانا في مرقـبٍ جيتـه لحالـي
خليٍ ميـر أنـا مانيـب خالـي
جفوه الناس ما صـاروا يجونـه
......وانا عيّـا يجافـي الهـم بالـي



نهيتـك لا يـجـي للهم سـيـره
وسقـت اوّل علومـي والأخيـره
لفت ذكرى غيابك وانـت يمـي
......وسالت دمعـةٍ تسـوى عشيـره
تركي الصخري





[rams]http://www.tntup.com/audio/view.php?play=03594d25adcafa55d623dfbe133450d2[/rams]