جمّعت لي قرشين باشري عماره

جمّعت لي قرشين باشري عماره

وزوّدتها قرشيـن حـق الدلالـه

وجيت العقاري عند مكتب عقاره

شايب شنب غتره وطارح عقالـه

متربّـعٍ ويمـز ذيـك الزقـاره

ولا مزّها ظرب بها فـي البيالـه

كنه خفيـرٍ مستلـم لـه خفـاره

في فيّة المكتـب ويتبـع ظلالـه

قِمَزْ ورحّب بي بشـوق وحـراره

تقول شايف واحـدٍ مـن عيالـه

قلت اشهد ان العود راسه نعـاره

يالله عساه يطيب ويزيـن فالـه

ياشيبة الرحمن معـي استشـاره

وانته ومثلـك شوركـم ينعنالـه

انا غشيـمٍ فـي دروب التجـاره

والحظ وقّف لـي ولا زان فالـه

وباعلمك وشهي علوم القشـاره

وانت الحكم واحكم وحكمك عداله

------------------

فكيت لي مطعم وسممـت حـاره

وتركتـه وفكيـت جنبـه بقالـه

وحطيت فيها عامليـن استعـاره

جارت علي رسوم نقـل الكفالـه

وبديت اديّن واحْسِبْ انها شطـاره

وراحت ديونـي كلبوهـا جمالـه

ودخلت في سوق الخشب والنجاره

وراحت فلوسي في يدين العمالـه

وفتحت مستوصف وحطيـت ادراه

وجبت الدكاتر دارسيـن الزمالـه

جاهم مريضٍ علّته في المـراره

شقّوا طرف كبده وشالوا طحالـه

ونسيوا ببطنه رخصةٍ واستمـاره

يامن شرا له علّةٍ مـن حلالـه

وخذيت لي ونيت دتسـن غمـاره

وركّبت فوقه شبك واربع قفالـه

وقمت اتريبح في البهم والجفـاره

السوق وقت العيد يالـك ويالـه

لين اعترضها اللي عيونه شراره

واحد عيونٍ جعل مالـه سلالـه

جاها على الما جعل تفجاه غـاره

وقضا عليها جعل موتـه لحالـه

واليوم ابي لي بيت واخذ اجـاره

لعل باقي العمر يمشـي سهالـه

قال استرح وانس التعب والمراره

وهات الدراهم واكتب الكمبيالـه

ودْلالتي والحُـر يفهـم الاشـاره

قبل الكلام وقبـل مبـدا المقالـه

------------------

اربع غرف مبنيةٍ مـن حجـاره

ومقلّط ومجلس ومطبخ وصالـه

وحوشٍ يجي للمور فيه استـداره

وبوابـةٍ تدخـل معاهـا الترالـه

ماهوب بيتٍ من بيوت الحضـاره

بيتٍ قديم مـن بيـوت الاصالـه

والموقع مميز وجنـب السفـاره

وان طعت شوري لاتـدوّر بدالـه

قلت اصبر اصلّي صلاة استخـاره

قال اعفني! لو جا زبونٍ وشاله!!

شريته وسقت الذهب والسـواره

شيكين من عندي وشيكٍ حوالـه

ورحت ولقيت البيت كنه مغـاره

مبني من ايام الجهـل والجهالـه

عينت كهفٍ فيه سبعـة جحـاره

ياما جرالي منه ويامـا جرالـه

والحوش يسكن فيه سبعين فـاره

والباب مايدخل نفر من خلالـه!!

ودوريّه يمينه والاخرى يسـاره!!

ووحدة جنوبيِه ووحده شمالـه!!

معهم تعاليـم الأمـن والـوزاره

بان السكن جنب السفير استحاله

خذيت رشّاشـي وعبّيـت نـاره

ناوي على الشايب وناوي قتالـه

حياة مثله فـي الاوادم خسـاره

والله ماخلّيـه ايتهـنّـا بمـالـه

اللي مايامن به خويّـه وجـاره

راعي النذاله ينعـن!! ام النذالـه

بصراااااااااحه ابيات في قمة الروعة

شكرا لك على الطرح الرائع

تقبل مروري

تحياتي

[frame="11 98"]
صح لسانك وتشكر على هذي القصيده الفكاهيه والله يرزقك رزق في سعه لا قاتل ولا مقتول هههههههه
[/frame]

صح لسانك

قصيده روعه

صح لساااااااانك

الحقيقه هذي معااااااانااااااااااة

صح السانك
واعتلى شانك
قصيده طريفه ومعبره في نفس الوقت
تقبل مروري

تحياتي
ابوسندالهذلي ـــ

المحياني ..
قصيدة جميلة ووممتعه
صح لسانك

شقّوا طرف كبده وشالوا طحالـه
ونسيوا ببطنه رخصةٍ واستمـاره

ههههههههههههه استماره ياسلام شكل العمليه في المعارض

صح لسانك يالمحياني قصيده فكاهيه جازت لي

تقبل مروري

صح لساااانك قصيدة رائعه
ويعطيك العافيه

الله عليك يالمحياني في كتابت القصيدة الرائعة الفكاهيه
يمكن منالي صفق فدنيا والدنيا صفقتة

وعليكم السلام ورحمة الله وبركاته

صح لســآنكـ آخوي مروآن ..

قصيده ذات طابع جميــل ..

صح لسانك

قصيدة روعه والأروع انها لك أخوي

تقبل مروري

صح لسانك ،،،

قصيده رائعه ذات طابع فكاهي ،،، ننتظر جديدك ،،
























تحياتي .

هههههههه


صح لسانك

من زمان عن القصايد الفكاهية

أتمنى لك التوفيق والرزق الحلال المبارك

صح لسانك أخي مروان المحياني
قصيدة فكاهية تحاكي واقع نعيشه
يعطيك العافية ولاهنت