][البــاز والصيـف ][

المكان : صالة المغـادره للرحلات الدوليه السعوديه

الزمان : التاسعه مساء من ليلة صيف ساخن وملهلب .

جلست اشرب شاي في البوفيه بعد ما قصيت كرت صعود

الطائره

وباقي حوالي ساعه وربع على الاقلاع .

جلست افكر وش اسوي في هالوقت . امممممممممم

قلت مالي الا هوايتي المفضله << مراقبة الناس

واشكالهم .. لقافه .

المهم ....

جلستُ ارمق الصفوف الطويله بنظرة تأمل فاحصه !!

الطوابير واصله لبوابة الصاله الخارجيه !!

اكداس من الحقائب الكبيره , تتبختر فوق عربات يدفعها

آسيويون !!

عالم كاشخه . جينزات . طيحيي ولا تفضحني ..

تي شيرتات ضيقه<< يعني اني رياضي .

والشعور كدش والا قصة رونالدو >> زلبطه .

والموضه طبعا ساعات سواتش والنظارات عدّ واغلط

فيها !!

والا السحالي واشكالهم ...

عبايات مخصره تربش .. وبراقع دالعه والخدود تبرق << من

فازلين صديق العائله وحبة الخال بقلم الكحل .واللي

مسشوره قصتها من

يومـين ماتروشت !!

وبينما انا منهمك في المراقبه .. لفت انتباهي منظر من نوع آخر !!

هاك الهامور اللي متكشخ بذيك البدله اللي وش زينها !!

ورابط هاك الكرفته اللي كأنها قوس قزح في كبد السماء بعد المطر .

وجنبه خويه لابس ثوب وشماغ << متعرفط >> يمكن من الظهر في

ذا !!

الاثنين محلقين لحاهم وصابغين اشنابهم العبثيه << كل شعره في

ديره .

وبينما انا في بحلقتي المعتاده ..

اذا بتلك العجوز المتوسطة الحـجم << مربوعه .

ووراها 3 بنات ماتشوف منهن شي . والكعوب واطيه مررره .

منتاز .

والا هي تنادي الهندي : هات الكرتون اللي بشطرطون .من

العربيه وود الشناط للجهاز !!

المووووهيم .

احس رقبتي تعورني من كثر التلفت >> الله لايشغلنا الا في

طاعته .

يلا ..

يزهمون علينا

اخليكم .

ولي عوده لمتابعة سلسلة البـاز والصيف .

سلملم

يسلم غاليك والشر ما يجيك ، سرد شيق ، وننتظر الأحداث الصيفية.

تقبل مروري وتقديري ،،،

المووووهيم

انك مبدع وشوقتنا

وتراني عرفت وجهة السفر المووووهيم

ههههههه

الفارس بهي الطلعه


ابو المثلم

أدري وش تنتظرون

لكن الموووهيم

تابعوا الجزء التالي بعد قليل

عدنـــا اليـكم من جـديـد ...

في الجزءالأول شفتوني وانـا أمارس هوايتي المحببه الى قلبي في

صالة المطار !!

وطلعت وخليتكم منشان الحق الطياره

الحاصل ...

اخوكم البـاز ختّم الجواز ودخل مع البـوابـه ولا كابتن الطياره زات

نفسه .

يوم وصلت عند البوابه الأخيره اللي نستقل منها الباص الا والعالم

للحين واقفين !!

افااا ..

في لحظتها تسللت الى وجهي ابتسامة غرور خفيفه !!

قلت يمكن حالفين اكون اول من يركب الباص . ههههههههه

وسرعان ماتلاشت ابتسامتي يوم شفت ذيك البنيـه اللي ماشا الله

يبي لها باص بروحها .

طاقه ذاك الاستريتش << يادووب

وصابغه الشعر بلياج .. مادري وش اسمه

وياويل اللي يسبقها علـى البوابه .

وبعد البحث والتحري ..

طلعت سحليّه من دولة تئبرني الشقيقه !!

المووهيم

استمر تكدس البشر امام البوابه حوالي نص ساعه تقريبا<< بتوقيت

الباز الصيفي .

وكان السبب ان سواق الطياره راح يعبّي بنزين ولقى خويه منسم

وغير له اللستك

وبحفظ الله ورعايته ركبنا الباص

وطبعا من سبق اكل النبق .. على راي المثل .

سويت فيها اخلاق وكل ماجا شخص او شخصه قلت له تفضل

وفي الآخر طلعت وتشعبطت في سلك يتدلى من الفضاء << سقف

الباص

وبينما انا كذلك .. اذا بسيده عربيه تحمل علـى كتفها طفلا رضيعا

يبكي, وبجوارها طفلتان لا تتجاوز اعمارهما الخمس سنوات .

تقف محتارة في أمرها !!

لاتجد مكانـا تجلس فيه وبدت عليها علامات الاحراج , فكل من

حواليها رجال !!

فشعرتُ انه يجب القيام بمغامره مهما سالت فيها من دماء .

فتقدمتُ الهوينا من احد المسافرين من جنسيه عربيه احتل مقعدين هو

ومرافقيه

من الاكياس المليئه بأشياء بدت لي ان لامنطق يجمع بينها !!

متكي صاحبنا وجنبه شنطه يدويه سحابها مفروط , من كثر ماهو

حاشرها !!

وكيسين فيهم نواشف ومعلبات .

والمصيبه لمحت بينهم شبشب ( زنوبه ) ابو ريالين .هههههههههه

فردت عضلاتي بكل ثقه وقلت له : لو سمحت .

قال : تفضل حضرتك .

قلت : انت اللي لو سمحت تفضل قووم . خل المدام تجلس .

واردفتُ قائلا : الا ترى ماكُتب علـى اللوحه ؟!!

المقاعد لكبار السن والنساء فقط .

فقام الرجل من مكانه وعينها مليئة بغيظ لو تحول الى نار<< شوينا

عليها تيس .

المووووهيم .

انطلق الباص يتهادى في طريقه الي حيثٌ تقف

طائرتنا <<ياحليلها .

وكان المنظر مألوفا لي << سندباد هذيل

لكن لمحت وجيها كثيره وافواها فاغره من الدهشه .

وهذا شي طبيعي حصل لي اكثر منه زمااااان .

وصلنا عند سلم الطائره وبدت الاجساد تغادر اماكنها

استعداد لتسلق السُلّم

وما ادراكم مالسٌلّم !!

الذي سوف يكون مبدأ حديثنا القادم من عليه .

دمتم بألف خير

متابعون لهذا الأدب الاجتماعي الساخر

لكن متى الحلقة الجاية هههههه

	في لحظتها تسللت الى وجهي ابتسامة غرور خفيفه !! قلت يمكن حالفين اكون اول من يركب الباص . ههههههههه

لا يا شيخ وما بسطوا لك السجادة الحمراء ونثروا الورود .. وواحد عشرين طلقة استقبال > أمزح هههههه

فاطس ضحك هههههههه

متابعين يالغالي

لك كل الود ،،،

الله يعدي رحلتك هذي على خير >> يدندن فسلم الطايرة بكيت غصبا بكيييت

هههههههههههههه

كان ماسك خفاره وقتها ومتابع اخونا الباز هههههههه

	وهذا شي طبيعي حصل لي اكثر منه زمااااان . وصلنا عند سلم الطائره وبدت الاجساد تغادر اماكنها استعداد لتسلق السُلّم وما ادراكم مالسٌلّم !! الذي سوف يكون مبدأ حديثنا القادم من عليه .

هيا عاد انتبه لا اوصيك لا تطيح هههههه



رحله سعيده ونتمنى لك التوفيق

	طلعت سحليّه من دولة تئبرني الشقيقه !!

ههههههههههههههههه
روعـــهـ آخوي البـــآز بارك الله فيكـ ...

ننتظر مغامراتك آخوي الباز ..


يقييم الموضوع ...

توقفنا في الجزء الثاني عند وصول المسافرين( وانا احدهم) الى

سلم الطائره والكل مستعد لصعود درجاته واحده واحده .

قبل مايتوقف الباص نهض اغلب المسافرين من اماكنهم وكل واحد

عينه علـى الباب !!

المهم ان خوينا الفلبيني ( سواق الباص ) شكله مانام زين او ان

راتبه مخصوم او مدري وش علته !!

قرب من سلم الطائره وفجأه يضغط علـى المكابح ( الفرامل ) بشده

الا واغلب الواقفين تصافقوا في بعض !!

والعجوز اللي كانت في الصاله(الجزءالأول) من زود لقافتها كانت

واقفه وتشرب مياه معدنيه << تحسبها زمزم , وفي لحظتها طارت

منها القاروره

وزين ماطارت هي بعد , الا بناتها مسكوها ولسانها والسنتهم تلهج

بالدعاء على الفلبيني >> تعرفون طبعا دعاء العجائز وذويهم .

الحمدلله ماصار اصابات الا بعض الشنط تناثرت محتوياتها في

الانحاء القريبه<< تحت الكراسي

المووهيم

الخضه خلت المسافرين يسمون بالرحمن وينزلون في منتهى الهدوء

وبدأنا في التسلق رويدا رويدا ..

وجا حظي ورى واحد يمشي الهوينا << واحده واحده

مع انه شباب ومشخص بذاك الجنز الازرق والتي شيرت الازرق

كذلك بس كروهات << مقلم .

يوم ناظرت فيه الا ومشكلته في الجزمه ( وانتم بكرامه ) كل شوي

تطيح من رجله << وسيعه . وربي بلاني اكون وراه ( الحمدلله)

واخيرا لقيت فرصه واكسر يسار في يمين والقى لي درب اللين

وصلت لباب الطياره .. مابغينا

لاتستعجلون ايها الاحباب

هالنــي مارايت عند مدخل الطياره

كانت هناك مضيفه( من ديره غير ديرتنا ) تقف بالمرصاد لكل

المسافرين

لتدلهم علـى اماكنهم طبعا >> ماجبت جديد

وبجوارها يقف ذاك المضيف السعودي << مرتز ولا مدير الخطوط

السعوديه

المهم ..

جيت ابدخل من ناحية المضيفه الا مافيش طريق ابدا ابدا

واحد من ربعنا طبعا واقف يناظر المضيفه وابتسامته مخفيه

ملامحه ووده يقول لها افتحي البلوتوث وهي طبعا تمارس مهام

عملها بطريقه طبيعيه .

ولثاني مره .. كسرت يسار وجيت من عند ولد ديرتي المضيف

الكشخه .

عطيته كرت صعود الطائره ومنتظر منه ابتسامه << عادي

ولم اجد منه غير العبوس وسحب الكرت من يدي وقصه وعطاني

النصف الثاني

اشوى اني سلمت وجات علـى التكشيره وبس .

واتجهت اعبر الصفوف وسط مقاعد ممتلئه يمينا ويسارا , حتى

وصلت الى مقعدي المخصص وكان جنب النافذه ولله الحمد .

اقوول ...

تعبت من الكتابه

الجزء القادم بيكون عن احداث الرحله من الإقلاع للهبوط

تقبلووووني

	المشاركة الأصلية كتبت بواسطة الـــبـــاز

	الجزء القادم بيكون عن احداث الرحله من الإقلاع للهبوط تقبلووووني

طبعا صارت حوسه وقت دخول المسافرين للطياره

كل واحد يدور مكانه حسب كعب الكرت اللي في يده

وبعضهم مسوي فاهم ولايسأل >> اخوكم الباز

ومثل ماتوقع اخونا رايد العجوز المتصابيه سوت سالفه في كبينة الطياره

طبعا اسمعكم تقولون لاحول من هالعجيز اللي مابنخلص منها . هههههه

اللي حصل أخواني وأخواتي ...

انه كالمعتاد عند قص البوردينغ << كرت صعود الطائرة ,يفرقون شمل الأحباب

حتى الرجال وزوجته غالبا يحطون كل واحد منهم في ديره

وذلك ماحصل مع عجوزنا التحفه ..

فرقوها عن بناتها الثلاث ولم يعجبها الوضع فغضبت وارعدت وأزبدت

وكالت لهم من الشتائم ما سهُل نطقه وقبُح معناه ..

والسبب ان حظها خلى واحده من بناتها تجلس جنب شاب وسيم

تبدو عليه آثار النعمة . فقالت لمضيف الكبينه ( وااا فضحي )

انت ماعندك خوات يوم تخلي بنتي تجلس جنب رجال أجنبي !!

فابتسم المضيف قائلا : ياخاله الرحله مزحومه ومافيه تبديل أماكن

فأطرقت برأسها قليلا فكأنني أرى فوق رأسها ابليس اقشر>>

وقالت في خجل احسب أن وجنتيها إحمرت من شدته

روحي يابنت اقعدي جنب خواتك وانا بقعد في ذا << جنب بهي الطلعه

المووهيم ...

أخذ أغلب الركاب مقاعدهم وتهيئ الجميع لربط الأحزمة استعدادا للإقلاع

وشأت الأقدار أن يكون مقعدي على الممر وهو ما أكرهه جدا واتحاشاه دائما

ولكن رب ضارة نافعه , فمكاني هذا أتاح لي فرصة التلصص والتبصبص

وفي أثناء ذلك أخذت أجول بنظري في أرجاء الكبينة بحثا عن شخص

افتقدته >> الهامور اللي في الجزء الأول !!

ولكنني تذكرت أنه يستحيل وجوده بيننا نحن العامة فلاشك أن مكانه في

الفيرست كلاس >> الدرجه الأولى .

في الجزء القادم سأتابع لكم بالشرح والتحليل ماذا حصل من شخصياتنا اللي تعرفونها

وسيكون هناك شخصيات جديده ستلتحق بنا في الطائره

لاتذهبوا بعيدا >> مش اوي

سلملم

اووووس

بنااام

اتمنى من أعزائي الأعضاء تأجيل النقاش والمداخلات حتى نهاية أجزاء الموضوع

وبعدها سأكون مستعدا لإستقبال جميع ردودكم والنقاش في عدة محاور يشملها الطرح

اتمنى تقبل ذلك برحابة صدر من الجميع إدارة وأعضاء

مع خالص شكري للجميع لروعة تواصلهم

عُدت اليكم من جديد ...


ابتدأ مشوار وضع الحقائب اليدوية في أماكنها المخصصة .. وما اكثرها !!



وكل راكب طالت أعماركم معه من المتعلقات الشخصية ماتمتلئ به السطور من علامات

التعجب >> !!!!!


اللي شايله شنطة فيها حليب ورعانها وغيراتهم وكأنها مسافرة للمريخ مو كلها اقل من

ساعتين وستلامس قدماها الأرض من جديد !!


واللي شايله معها شنطة نسائيه تحوي القليل مما أعلم والكثثثثثيييير مما أجهل


والا كل بنت مايجي عمرها 3 سنوات متقلده لها شنطة ملونه ومسويه فيها ستايل


والشباب كذلك لهم من الحش نصيب ...


بعض من كان على متن الرحلة منهم لاحظت انه ماخلى طقوم اكسسورات في المطار ما

اشترى منها !!


والبعض منهم كذلك شفته يشتري عبايات من سوق المطار وملحقاتها من البراقع والطِرح !!


نرجع لموضوعنا اللي شكل حلقاته مابتخلص << دقه في المسلسلات التركيه .:Swaffff:


ابتدأت إجراءات طاقم الطائرة في الاستعداد للإقلاع


فأخذ مضيفوا الكبينة يتأكدون من ربط أحزمة الأمان وأن تكون طاولات الطعام وظهور

المقاعد في الوضع الطبيعي .


وطلبوا من جميع المسافرين اغلاق اجهزتهم المحمولة حتى لا تؤثر على الاجهزة الملاحية

للطائرة .


لكن طلع لهم بعض المستهترين المستفكهين من الركاب والراكبات .


فكان أحدهم راعي الجينز اللي عطّل حركة خويكم الباز في الجزء قبل السابق .




من يوم جلس في مقعده جنب النافذة فرد ظهر الكرسي وبدأ يوزع النظرات ويرسم البسمات

هنا وهناك


فما أن تقترب المضيفة من محيط نظراته وابتساماته الا وزاد تألقا وتنفخت أوداجه وتدفق

الدم الى وجهه


فزاد نظارةً وبانت نواجذه مما يؤثر على عينيه فتزداد لمعانا وبحلقة . ههههههههه


وبكلمة واحدة من فيها ( أي المضيفه ) : ممكن ترفع الكرسي حضرتك !!


فقال لها : ابشري طال عمرك . ههههههه



ولكنه لم يجد الى ذلك سبيلا !!


فعادت اليه مرارا وتكرارا !!


ولكن مافيش فايده !!


ولا أحدثكم عن حال ذا الجينز وكيف أن جبهته تفصدت عرقا وانقلب وجهه الى علبة

تشاكيل مائيه !!


وعلى رأي الاغنيه >> فاض بيّه ومليت .


هرعت تلك المضيفة الى مشرف الكبينه حتى يجد لها حلا في هذا الراكب الرومانسي .


فحضر في معيتها وأنوار الكبينه قد أُطفئت فلا نرى الا إشارة ربط حزام الأمان تتوهج .


فبادره المشرف قائلا : يا استاذ لو سمحت رجع ظهر الكرسي وماينفعش اللي بتعمله ده !!


فقام ولد الديرة واقفا وقال له بصوت عالي :


لي ساعة احاول ارجع هالزفت ولا هو راضي !!


فقال له المشرف : ماتقول كذا من الصبح يابني .


فخبى ذاك اللمعان وانطفأ ذاك التوهج في وجهه .


ورد عليه بإستحياء .


اول مره اركب الماخوذه ذي . ههههههه


واللي فرد لي الكرسي جاري !. ههههه


فلمحتُ مقدمات ضحك صاخب تعلو الوجيه


ولكن لم يكن بعد ذلك الا خيرا ...


وعاد الكل الى عملهم


وانطلقت الرحلة بسلام


ولكن لازال هناك كلام


فأنتظروني


الــبــاز

سجل متابعتي