وش راس مـال ..التعــب.......!

السلام عليكم ورحمة الله وبركاتة


مساء \ صباح الرضى أحبتي.


متواضعة أتمنى تروقكم:









[poem=font=",5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
على فتات التعب جيت أنشد الراحــه=وأثرك تحسبني أنعم في ملــذاتي


لو يمسح "الْهم" يابن الناس مساحــه=ماشفت كل الهمــوم تقيّــد جهـاتي


ياغصن مثني تدلت منــه تفـــاحــه=منته بمجبــور تؤمــن في قناعــاتي


أنا تربيت صقــر يقلــه جنــاحـــه=عن كل هيّـن تعــوضني ســماواتي


مافيه مخلوق، ... سالم حرقة جراحـه=وأنا على الطيّب. تكـفيني علاقـــاتي


شاعر وحظي قفل!.. ضيعت مفتـاحـه=حاول مابين النقـط ..تملا فــراغـــاتي


ماجيتك أكتب شعوري لجل تجتــاحـه=ولارسمتك وطـن ... لعيــون راحــاتـي


شف راس مـال التعب، وأنته لك أربـاحه=أقراني سطور شعر........، وردد أبياتي
.
لاضاق صدر العشـم من قلة أفــراحـه=أوقـد شموع الحـزن فبــطون راحـاتي

أنا بحر ما أتفق موجـه مع ريـاحه..!=شف "دافع" المـوج وأفهـم وش معـاناتي

فيني الدقـايق على "الهقـوات" ذبـاحـه=الله يــا كـثر ما "كفنــت" هـــقـواتي

لا تحسب إني ظلام... أزعجــه مصبـاحـه=أنا ظلامي " هتــك حاجب خرافـاتي"

ليه العجـب ! لا هــداني ليـلي وشـاحـه=اللـيل ماصد وجـهه عن منــاجـاتي

ضايق وفيني "التعب" ماتخطي إرماحـه=ولولا "الأمل" ما فتقت حلوق شرهاتي

وإللي أنكـسر من زمانه يصعـب إصلاحـه=وأنا كسرني زماني عن طموحاتي

يسترني "الهم" وأخشى زومـة إفصاحـه=ويلبْـس متوني أكبر من مقاساتي..!

بالمختـصر كان لك عينين لمْــاحـه..!=لاشفتني ألثم حـروفي من سكاتي

كفني أطراف حلمي وألجم صياحـه=وعلم من يمر لايـاطى مسـاحاتي

علمهم إني فرشت الأرض طـراحـه=وعلمهم إني تدثرني سمـواتي

وإن كان ذنب الرضى التقصير ماباحه=على شفا الأسئلـة..هاذي إجـاباتي.؟
أنا رماني "خطأ التأويل" بسلاحـه=وأوقـد من ظلال \ غآياتي \ عداواتي

غريب كفّـن خرز وخيــوط مسبـاحه =وعلى رصيفه....تعشم..... للفرج ياتي[/poem]