شيء مايصدقه العقــــل

شيء مايصدقه العقــــل

--------------------------------------------------------------------------------

بســـــــم الله الرحمن الرحيـم

السلام عليكم ورحمة الله وبركاته

الصراحة ماادري كيف ابدا لكن موضوع محيرني لدرجة الجنون تبدا الحكاية اني امس قاعد اسمع في الراديو في احد
المحطات موضوع كانوا يتناقش فيه الضيف والمضيف بخصوص تطليق الزوجه من زوجها بطلب من اهل الزوجة بسبب عدم
توافق النسب بالعربي انه اهل الزوجة يرفعوا دعوى على الزوج في المحكمة بأنه يطلق زوجته لانهم ماتوافقوا في
النسب !!!!!

وبعدين جايبين شخص صايرله الحاله هذي ومن ضمن الكلام اللي قاله انه القاضي في المحكمه قاله انت عار على هذه
العائلة (يقصد عائلة الزوجة) وانت مثل البهيمه ::::::!!!!!

شيء الصراحة ما عمري توقعت انه يوم من الايام اني اشوف او اسمع مثل هذا الكلام او مثل هذي القصص .
ويكمل المسكين ويقول انه لما صدر الحكم حاول يتابع في الموضوع ولما راح المحكمه سأل عن القاضي قالوا له انه
ماصار يشتغل هنا ، فلما تحرى عنه وجد انه وزارة العدل أحالة على التقاعد وبس .

يعني معقوله انه بعد اللي سواه ولما وصل الكلام لوزارة العدل هذا اقصى شيء فعلوه ؟؟!!! والله مشكله

طيب الرجال يسأل : يقول انا وش اسوي في عيالي ، طبعاً هو عنده ولد وبنت ولسه صغار ، يقول انا ماأقدر ابعدهم عن
أمهم ولا أقدر ابعد أمهم عنهم ، ونسيت اني اقولكم انه اهل الزوجة سجنوا بنتهم لانها مارضت بالحكم او بالقرار اللي
اتخذه القاضي .

يعني إجرام ماشافته عيني الصراحة شيء مايصدقه العقل انه يكون في بلدنا مثل هالأشياء .

يعني شفتها في مسلسل طاش قلت يمكن انه استهبال بس لما سمعته امس في الإذاعة الصراحة صرت مذهوول

واستفهامات كثيرة في عقلي ، ليش كذا ، وليش صار هذا ، وليش صار هذاك

شيء محيــــــــــــــــر جداً .

افيدوني جزيتم خيرا هل خو معقول