سلااااااااااام

السلام عليكم ورحمة الله

أولا / أعتذر عن الانقطاع الا إرادي في الفتره الماضيه..................واسمحوا لي بتمرير هذه المتواضعه على مسامعكم وقد تشرفت بإلقائها عندما زارنا مجموعه من ربعنا الهذلان في محلاتنا في الخرمه ..


[poem=font="electron,4,teal,bold,normal" bkcolor="silver" bkimage="http://www.hothle.com/vb/mwaextraedit4/backgrounds/62.gif" border="double,6,black" type=1 line=0 align=center use=ex num="0,black""]
سلام مافيها من الشك مطعوم=سلامن أصفى من غدير المسايل
من زارنا لو كان من نايد القوم=يستاهل وحنا نطول الفعايل
خل عاد لاجانا عزيز ومحشوم=تقول مقيولن لنا :السيل سايل
في دارنا والقيظ باقي به نجوم=وماطاح منها ابرد لمس القوايل
بين القصور اللي جعل عزها دوم=النايفات الشامخات الظلايل
قيظية تجلا غثا كل مهموم=الغرس شارب وامهات الشمايل
ترعى نبات القفر وتباعد السوم=ماعاد ينفع فالشريطي محايل
والامن والايمان والشمل ملموم=على مداويرن تهول الهوايل
الضين فوق مكور الصين مردوم=ودلال بن وهيل والجو هايل
وش يمنع الشاعر والاوزان بالكوم=والقاف راهي والمعاني دلايل
افرد جناحك ياخيالي على الحوم=لاتقضب ألا نادرات المثايل
شيباننا ذويقة اشعار وعلوم= خطرن لاأقول البيت ويقال مايل
وأنا أتونس وألا مانيب ملزوم=والقلب يجمح مثل جمح الاصايل
وليا اجتمع خضره ورجعان (ياقوووم)=ماباقي ألا..وألا مانيب قايل
اخاف اقول ولايعديني اللوم= وش جاب طاري منقضات الجدايل ؟
والبحر موجه موج من يقدر يعوم= اللول والمرجان ياهل الصمايل
والذيب منزاله على ضلع ورجوم=وأبا الحصيني عند جحره نثايل
والمقفزي دونه ثلاثة عشر يوم=ومعزب الضيفان يبغى الجمايل
الله يحييهم على كل مقسوم=والدار فيها خير والشك زايل
لوإن مقياس الغلا عندنا شحوم= ماسدنا فيهم ثمانين حايل
مير إنها وقفة مواجيب وسلوم=ومعارف رجال وتلاقي سلايل
وألا الحياه أحلام في لذة النوم=بيت على جرف الزمان متهايل[/poem]

	المشاركة الأصلية كتبت بواسطة بندر بن حجي

	السلام عليكم ورحمة الله أولا / أعتذر عن الانقطاع الا إرادي في الفتره الماضيه..................واسمحوا لي بتمرير هذه المتواضعه على مسامعكم وقد تشرفت بإلقائها عندما زارنا مجموعه من ربعنا الهذلان في محلاتنا في الخرمه ..

ما أدري هالقصيدة تعتبر تكفير عن ذنب الغياب !

ولا ّ نعتب عليك عدم قراءتنا لها و لغيرها من قصائدك باستمرار ..

صح لسانك

شاعر رائع بكل ما تحمله الكلمة من معنى

قصائدك متوهجة جدا بالإبداع

و هذه الفاتنة دليل على هذا

صح لسانك و علا شانك

بيض الله وجهك يا ولد العم وافية من راس وافي

تقبل مروري وتقديري ،،،

[ماطر السويدي]

بيض الله وجهك وصح لسانك

يا الحجي على هذة القصيدة الرائعة

من شاعر رائع الله يعطيك العافية

وتقبل مروري وتقديري

أخوي العزيز /بيرق لحيان

أشكرك جدا على هذه الكلمات الغاليه على قلبي لإنها صدرت من إنسان عزيز

وأما الغياب فوالله مالنا عذر مع هذه الجهود الجباره من الاخوان القائمين على هذا المنتدى ......
لاهنت يالغالي ..

	المشاركة الأصلية كتبت بواسطة الفارس حزين الطلعة

	بيض الله وجهك يا ولد العم وافية من راس وافي تقبل مروري وتقديري ،،،

ووجهك أبيض ياالفارس والله لايهينك على المروك الكريم

	المشاركة الأصلية كتبت بواسطة ماطر السويدي

	بيض الله وجهك وصح لسانك يا الحجي على هذة القصيدة الرائعة من شاعر رائع الله يعطيك العافية وتقبل مروري وتقديري

والاروع مرورك يالغالي

صح لسانك يابندر على هذه القصيدة التي اعتبرها من العيار الثقيل .


تقبل مروري

صح السانك وعلى شانك ولا هنت يابندر الحجي

وتقبل إحترآمي وتقديري

الله يبيض وجهك اخوي بندر على القصيد الجزل تقبل خالص تقديري

الله الله يأبن حجي


ابدعت في هذا القصيده التي اعادتنا الى مجالس الماضي

التي كانت مدارس للقيم والاخلاق تخرج منها اسلاف تركو اطيب الاثر واجمل الذكر

قصيده اشبه ماتكون بغيمة شعريه تهطل وعطر يفوح منه اصالة التاريخ

وصح لسانك يأبن العم ... سجل اعجابي الدائم

بيض الله وجهك يابندر
وصح لسانك

حيالله شاعرنا الرائع بندر

عدت والعود أحمد، صح لسانك يابندر، شاعر أنيق، وتكتب بوعي وجمال

نتمنى نراك دائما، ونرى نصوص بندر بن حجي،

ومبروك اللافي، وجعله من مواليد السعد


تحية طيبة

	المشاركة الأصلية كتبت بواسطة صعيب الندوي

	صح لسانك يابندر على هذه القصيدة التي اعتبرها من العيار الثقيل . تقبل مروري

مرحبا أخوي ولاهنت على المرور الكريم

واعتبارك محل التقدير

	المشاركة الأصلية كتبت بواسطة بن عادي

	الله الله يأبن حجي ابدعت في هذا القصيده التي اعادتنا الى مجالس الماضي التي كانت مدارس للقيم والاخلاق تخرج منها اسلاف تركو اطيب الاثر واجمل الذكر قصيده اشبه ماتكون بغيمة شعريه تهطل وعطر يفوح منه اصالة التاريخ وصح لسانك يأبن العم ... سجل اعجابي الدائم

ياهلا وغلا يابن عادي
اشكرك جدا على هذا على هذا الاطراء ولا يستغرب الطيب من أهله
ورسالتك وصلت وملاحظتك قويه تدل إن تقرأ الشعر بتمعن ......... عموما انا اتفق معك لكن اعتقد ان هذا الامر يندرج غالبا في ميدان المحاوره اما النظم فالامر فيه سعه شوي ..
على مانستغني عن هذه الملاحظات واشكرك مره ثانيه ولاهنت ..