محاورة الشاعر ابراهيم السفياني وضيف الله مسلم ( ابو حاتم )

أبو حاتم

الليلــة الملعبــة غُبـّة بَـحَر ، والفـكر غطّـــاس ،،،، واللــي معـي طيـب الهقــوات ، وانتــم عارفيــنــه

قالـوا لنا قاس لـه غبــة ، لكنـه ما بعد قـاس ،،،، بس انغمـس في البَحَر غـمسة وعوَّد في السفـينـة

طيب الهقوات

الليلة الملعبة كلمة وفاء ..وعيون عساس .... واللي يبى الوافيه يأخذ ويعطي بيمينه

يا راعي ( النيّه ) اللي حدّدت مابين الأقواس .... كلاً على نيّته وليّ كتب له في جبينه

أبو حاتم

المجد للي بنا و اسس حجر واحد من الساس ،،،،، واللي تعب في السقوف وصبغها ربي يعينه

لا تبخس الناس يا ابراهيم حتى تكسب الناس ،،،، واسمع لقول المثل كلاًيشوف بطبع عينه

طيب الهقوات

المجد دونه سهوم المهلكات وقطع الأنفاس ... تاريخ يشهد لنا بين الرجال مثبتينه

وش يأخذالريح من بيت الخراب وبنك الإفلاس ... وأنته توصي وحنّا ماتقوله دارسينه

أبو حاتم

أهل القلوب الرهاف الخايفة عشش بها الياس ،،،، والخوف ياصحابي يطرد من القلب السكينة

والقهوجي كم معه دلة وكم في الدرج محماس ،،،، يشرب من البن الاشقروالشقى لمعزبينه

طيب الهقوات

من لايخوض الوغى يصبر على تقليع الأضراس .... واللي توّسد فراش الذل ماتغنم يمينه

العين ياكم تشوف من العرب صادق وبلاّش ... واحنا لنا سلم وافي بعد وافي وارثينه

أبو حاتم

قالوا : ومن ضمن ما قلوا : ضعيف الخيل ينداس ،،،، والذيب فوق الجبل ، والليث يزأر في عرينه

والصدق باب النجاة وكلمة العاقل ، من الراس ،،،، تشفي وتكفي عن اللي هرجهم متناقلينه

طيب الهقوات

قالو :- ومن جزل ماقالوا ( قليل الرشد ) حوّاس ... والوقت غدار وأصحابك نواياهم لعينه

قالت جهينه :- مثل ماأخبلك ياللي تطبخ الفاس ... واللي يدوّر حقيقه للخبر ينصى جهينه

أبو حاتم

اللحم ما يظهره والقدر يطبخ غير ملاس ،،،، واللي يحاول بدينـَه يظهره ، يحرق يدينه

واللي يصلي صلاته كلها عند إبن عباس ،،،، مثل الذي طول عمره بين مكة والمدينة ؟؟

طيب الهقوات

اللي نقش في ( صفا ) واللي كتب حبراً ( بقرطاس ) ... دايم قصير النظر من جهل زاد البل طينه

ترى الذهب يافتى يبقى ذهب مايرجع نحاس ... واحنا صرفنا ذهب ومن المتاجر وازنينه