قـدر ماتشــرب من الحـــوض ][ الحمــــامة ][

السلام عليكم ورحمة الله وبركاته

تقبل الله منا ومنكم الصيام والقيام وجعلنا من عتقائه من النار

قصيده تحكي عن نفسها اطرحها بين يدي ذائقتكم ونقدكم

[poem=font=",6,red,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
في عيوني برق وبقلبي غمامه=والسما فيها من اللي صار غيمه
كان مافيها مطر مع السلامه=وكانها ديمه خذ من القلب ديمه
انفتح للشعر باب من كلامه=كل ماجيت أردعه ذعذع نسيمه
وش يبي غير المعزه والكرامه=وإن ذبحه الجوع يبشر بالغنيمه
له علي إني ما أقلل من مقامه=لا وقفت بموقفه قدر وحشيمه
كل رجل له ميوله واهتمامه=وإن بغيت تعرف رجل....اعرف نديمه
والكلام سهوم لاتطلق سهامه=لين يستوفي غريمن من غريمه
شعرة بين الميانه والندامه=ماتعذرك قولة ...النيه سليمه
والعرب تقول للشرهه علامه=وأنا لاجتني لها بالقلب قيمه
والغلا لا حل فالرجال ظامه=ومن كثر ماظامني حبيت ظيمه
في عيونن كن داخلها رخامه=كل ماسلهم ترشفت الهزيمه
ماهقيت الموت من تحت اللثامه=لين بانت حبة الخال اليتيمه
ليت لي في جالها حزة منامه=وكل عين غمضت حتى الكريمه
قدر ماتشرب من الحوض الحمامه=سرقة ترد للروح السقيمه
آتصفح في كتالوج الطخامه=كل وصف قد خذيتي من عديمه
والسعوديه من الجوف لتهامه=والأمن فيها عسى ربي يديمه
وأنت مثلك فالبلد يخلف نظامه=يرتفع معدل أسباب الجريمه
القرامه معك ماتحسب قرامه=والمدايح فيك نوع من الشتيمه
وضحكة الرجال ياظبي العدامه=ماتجي في كل مره من صميمه
أصدق الحزن المغلف بابتسامه=وأقشره لاجاك من ربعك ظليمه
علمو راجح ولد راع العمامه=جعل من جابه يخلد في نعيمه
يلتفت للقول لين أحكم ختامه=خلنا نبدا بالأوراق القديمه
عام جينا الدار جعل يعود عامه=في سبايب لقمة العيش الكريمه
ماخذينا من البعير ألا سنامه=ولاتتبعنا متبعة النميمه
حافظين لكل رجال احترامه=شيمة تدفع لها فالنفس شيمه
وأنتم أهل الأوله وأهل الشهامه=تنحرون الضيم للعليا تميمه
ياولد شباب عدتك الملامه=كان لك حق تبشر بالعزيمه
مايضيع الحق لو ضاعو خصامه=والحظيظ اللي يجي عقله خصيمه[/poem]

وسلامتكم ..

اولا . تقبل الله منا ومنك وشهرك مبارك

ثانيا . بيض الله وجهك كلام جميل وانتظر جديدك بلهفة


اشكرك والله يعطيك العافية

	المشاركة الأصلية كتبت بواسطة ماجد دخيل الزيداني

	اولا . تقبل الله منا ومنك وشهرك مبارك ثانيا . بيض الله وجهك كلام جميل وانتظر جديدك بلهفة اشكرك والله يعطيك العافية

أخوي ماجد شرفني مرورك كثيرا

ووجهك أبيض ياطويل العمر

صح لسانك

قصيده معبرة من اجمل ماقرات

يعطيك العافيه

دمت بخير

كل عام وانت بخير اخي بندر


وحياك الله وحي ماجئتنا به


قصيده رائعه احتوت على ابعاد فنيه


كل تضاريسها صور شعريه بليغه


.... قصيده تترجم جمود الاطراف في صحراء العطش


صح لسانك مدد بلا عدد


اطيب التحايا يأبن حجي

صح لسانك يابن حجي

وافيه من راس وافي



صور شعريه ... قصيده جزله

نترقب جديدك

تقبل مروري

صح لسانك وبيض الله وجهك

بندر بن حجي
وعليكم السلام ورحمة الله وبركاته
بيض الله وجهك وصح لسانك على هذه القصيده
ابداع رااااائع

تقبل مروري

صح السانك يابندر
عز الله انها وافيه من راس وافي
جميله كروحك
لك تحياااتي وودي

	المشاركة الأصلية كتبت بواسطة جمعان الطلحي

	صح لسانك قصيده معبرة من اجمل ماقرات يعطيك العافيه دمت بخير

الله يجملك بالطاعه ياخوي جمعان ..

ومرورك الأجمل

الأخ العزيز ............ ابن عادي

الله يبقيك يالغالي ......... مرورك هو اللي يروي العطش

بس أشوى المره هذي مافيه ملاحظات .... هههههه

اشكرك جدا على هذا المرووووووووووووووووووور العطر

القصيدة رائعة جدا

	المشاركة الأصلية كتبت بواسطة قرناس بني ياس

	صح لسانك يابن حجي وافيه من راس وافي صور شعريه ... قصيده جزله نترقب جديدك تقبل مروري

صح بدنك يا قرناس

ولاهنت يالغالي

الله يابندر الله


رائعة بكل ماتحملة الكلمة من معنى


ماشاء الله تبارك الله

صح لسانك لين ترضى



للتــــــــــــثبيت



تحية طيبة

الأخ ابو صقر ..............................

صح بدنك يالغالي

ووجهك أبيض ....