شبيه الريم

[poem=font=",6,black,bold,italic" bkcolor="transparent" bkimage="http://www.hothle.com/vb/mwaextraedit2/backgrounds/17.gif" border="none,10," type=2 line=0 align=center use=ex num="0,black""]

والله لوخيًرت في البيض مااختار=
غير الذي فيها من الريم شاره=
الريح ريح الورد والشيح والشار=
والشعرمثل الليل يغشى نهاره=
وإعيونها إعيون الوحش بيد صقار=
وتاخذ من الحر النداوي شقاره=
والعنق عنق الريم والزين مابار =
يحفظ عهود الود ماديس عاره=
والقدًبستانٍ تمايل بالاثمار=
روضٍ خضر يازين شعًة خضاره=
والسبق سبق الخيل في كل مضمار=
تسبق جميع الفاتنات بجداره=
هذي هوى بالي وشفي ياالاحرار=
لولاجلها ذقت الألم والمراره=
أونس بقلبي من هواها لظى النار=
والزين وقًد فوق قلبي بناره=
حلفت لومن دونها قصف الأعمار =
لارخص لها روحي ولاهي خساره=
قنصتها قنص البواريد بعيار=
بيد اهذليٍ يتصف بالجساره=
في راس مشرافٍ غلب كل عسًار=
مايبتديه الاالفهد والنماره=
هذي عوايدنا ليا صار ماصار=
سوايرٍلهذيل قوم النعاره=
عاداتنا لطم المعادين الاشرار=
ياكم حريبٍ زاير الموت زاره=
حريبنا ماقط يهنا بالاسحار=
يهلً من مدات ربعي عباره=
يشهد لنا الثقفان وقريش الاحرار=
باكوان مشهوره وغاره بغاره=
وإختامها صلوا على سيد الابرار=
الهاشمي ختم الرسل والبشاره=
[/poem]
[/poem]
[/poem]

السلام عليكم ورحمة الله وبركاته

ماشاء الله تبارك الله

حياك الله أخي خيال الششقرا، قصيدة فاخره، وصياغة متمكن، سعدت بقراءتها.

صح لسانك لين ترضى، ومرحبابك


تقييم أعلى


تحية طيبة

[frame="10 98"]
حياك الله ياعماد وتشكر على المرور والتصفح لاخلا ولاعدم
[/frame]

صح لسانك اخي خيال الشقرا

قصيدة شاعر محترف

يعطيك العافيه

دمت بخير

[frame="15 98"]
هلا وغلا والله ياجمعان نوًر المتصفح بوجودك ومنكم نستفيد
[/frame]

صح السانك ..


اخي الغالي .. ابوزيد



نص عذب .. وابيات جزله ..


ولاغرابه عليك يامبارك




تحياتي

صح لسانك ياخيال الشقرا قصيدة شاعر ما فيه كلام

[frame="8 98"]
صح بدنك يامطر والله يعطيك العافيه على التصفح والمرور
[/frame]

[frame="11 98"]صح بدنك ياصالح والله شهاده اعتز فيها يادرع جنبي والله لايهينك تشكر على التصفح والمرور[/frame]