فـواز بن سلمان العازمي و عبيدالله المجيريشي حصري - ::{ مجالس قبيلة هذيل }:: موقع يهتم بتراث القبيلة ومفاخرها

08-31-2010, 08:05 AM

محاوره مباشره بين الشاعرين

فواز سلمان العازمي و عبيدالله بن عالي المجيريشي

10 / 4 / 2010 م

10 / 4 /2010م

عبيدالله بن عالي المجيريشي

من مهبط الوحي والبيت المعظم سلام= يهبط كما مهبط الطيار في الاحمـدي

دار الوفاء والكرم والطيب والاحترام= تبجل المحترف وتساعـد العايـدي

فواز سلمان العازمي

انته موجّه سلامك( شرق) ماهو (بشام)= وانا شمالي وحايل موطنـي وابلـدي

يامرحبا واكرب احزامك ياراع الحزام= ليا لبست الحزام اعرفك مانتـه ردي

عبيدالله بن عالي المجيريشي

اللي عليها هموم اعيونها ماتنام= احلامها تنتهي من حيث ماتبتدي

ماكل بيضاء من الايام شحمة سنام= ياكم بيضاء تقفاها ظلام اسـودي

فواز سلمان العازمي

احيان اجامل لو ان الوضع ماهو تمام= واحيان صفقة بيوتي مثل صفقة يدي

كلمتك علّم بها اللي ماتعرف الكلام= اللي على غرة العالم تحب اتعـدي

عبيدالله بن عالي المجيريشي

انكان اشارة اليك اصابع الاتهام= والله مجامل بحق الله لوكان اولدي

لكن ماضرب بها بين اللحم والعظـام= من شان جنبي على شاني نقل ساعدي

فواز سلمان العازمي

يالوالد اللي عطوك الناس(ربع) المقام= هو ليه مازوّدوك (بنص) ولاّ ازّودي

لكن خلك سنافي والهمـام الهمـام= شارون يذبح مجاهد وانت تذبح فدي

عبيدالله بن عالي المجيريشي

اللي لقيته ذبحته كان مسك الختام= لاتنحرين الفيافي عودي عودي

مااتعب عيال الحلال الاعيال الحرام= من طبعها ماتنام ابليلها السرمـدي

فواز سلمان العازمي

الناس صاموا شهرهم والهذيلي ماصام= يالربع لااحدن يلوم المسلم المهتـدي

انجز بيومين ماتنجز بتسعين عـام= ومع ذلك الكلمه العوجاء تكلّ اجهدي

عبيدالله بن عالي المجيريشي

يانجم ياللي تبا نورك يشق الظلام= مدري نقول لك زحل والا نقول الجدي

يازين بعض الجمال وروسها في الخطام= ويقودها قود احمـر عيـن وبـواردي

منقوووووول

10-03-2010, 02:10 AM

صح السنتكم ولكن الشاعر عبيدالله كلامه من ذهب
الله يقوي الشاعر عبيدالله وبيض وجهه

10-04-2010, 08:41 AM

///

//

الشاعـر عبيـد الله المجيريشي

[poem=font="mateen,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
انكان اشارة اليك اصابع الاتهام= والله مجامل بحق الله لوكان اولدي
لكن ماضرب بها بين اللحم والعظـام= من شان جنبي على شاني نقل ساعدي[/poem]

الشـآعر فواز العازمي ..

[poem=font="mateen,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يالوالد اللي عطوك الناس(ربع) المقام= هو ليه مازوّدوك (بنص) ولاّ ازّودي
لكن خلك سنافي والهمـام الهمـام= شارون يذبح مجاهد وانت تذبح فدي[/poem]

محاوره قوية من شعراء كبار ..

صح لسان الشاعر عبيد الله المجيريشي
وصح لسان الشاعر فواز العازمي ..

وشكرآآ لك آخوي على النقـل ...

10-04-2010, 10:00 AM

صح السنتهم جميع
ومشكور على الطرح
الرائع