هذا الكلام اعجبني ونقلته بعد ما نقلني الى اجواء ربيعية

[ماطر السويدي]

هذا الكلام اعجبني ونقلته بعد ما نقلني الى اجواء ربيعية
تم تقليل : 64% من الحجم الأصلي للصورة[ 800 x 600 ] - إضغط هنا لعرض الصورة بحجمها الأصلي

دار الشمال وسرني يوم داره === بعد البطا وانا اتحرا لها دوم
عقب الرطوبه والندا والحراره === هب البراد وبشر الوسم بغيوم
في موسم نرجي بشاير اخباره === نفرح ليا جتنا مكاتيب وعلوم

في بداية مواسم الشتاء وهطول الأمطار تكثر رحلات البر وخروج عشـآق المقناص للبر للتمتع بـ أجواء الشتاء وممارسة هوايتهم من الصيد والقنص وهي من وسائل الترفيه عن النفس من همومهم ومشاكلهم ومن ضوضاء المدينه..
لكن لـكل شيء إحترمه وعليكم الإقتداء في مبادئ القنص حتى ننعم به ونستمتع بلا خسائر تذكر ...

يا مرحبا بسهيل جتنا لياليه === عسى علينا كل عام يعود

وقت نحبه والصقاقير ترجيه === ونعد له في كل يوم اعدودي

نبدأ في فوائد المقناص..
اولها تروح عن نفسك وتبعدها عن كل اللي يعكر مزاجك
تكشف من خلال رحلاتكم أخلاق اللي معاك واطباعهم
وتتعرفون بعد على اماكن جديده على كل رحلة تتطلعون فيها
هذا غير أنكم إذا صرتوا أخوان تطلعون مع بعضكم تتآلفون على بعض أكثر وهذا اهم شيء
وتكتسبون خبارات جديدة من بعضكم >>عاد هنا كل واحد بيقول الزود عندي <<شدوا همتكم
لكن الله الله بالأخلاق
وإذا صار عندكم عيال خذوهم معاكم وخلوهم يشفون شغل الرجاجيل في القنص

وبعد غير ماشاء الله بعض الرجال يصير عنده القريحة الشعرية عال العال عنده ويبدأ يتحفكم فيها هنا لا أوصكم أمدحوا قد ماتقدرون له وصح لسانك وصح بدنك والله الله ..
بس لا صاروا شياب عاد هنا مانقدر نقول شيء لـ إنها بالغالب راح تكون نصائح وتهذيب قصيده..
والشباب ماعليكم قصور بس جالسوا الشيوخ الكبار والله يا حكَـم عندهم ما تلقونها في مكان ثاني ودرايتهم الكافيه في قبائل العرب ..

هذا كان فوائدها ..
*****
نجي عند آدابها ..
أهم شيء يصيرون راعين خير ويحافظون على صلاواتهم ويدامون عليها في وقتها قبل كل شيء [إن الصلاة كانت على المؤمنين كتابا موقوتا ]

*كيف تعرفون اوقات الصلاة *
وقت صلاة الفجر :

يبدأ من طلوع الفجر الصادق وهو اول ظهور لضوء الشمس السابق لها. ثم ينشر حتى يعمّ الأفق جميعـه ويصعد الى السماء منشراً. وفيه يظهر الخيط الأبيض من الخيط الأسود ويكون اعلى قرص الشمس تحت خط الأفق بـ 18 درجه تقريباً.

وقت صلاة الظهر :
يبدأ عندما تكون الشمس عمودية على الأرض، ولا يكون لأي جسم منتصب أي ظل لا شرقه ولا غربه.
وقت صلاة العصر:
يبدأ عندما يكون ظل كل شئ مثله ( أي جسم قائم على الأرض ومتعامداً عليها يكون ظله بطول يساوي طوله).
وقت صلاة المغرب :
يبدأ بعد مغيب جميع قرص الشمس تحت الأفق.
وقت صلاة العشاء :
يبدأ بعد مغيب الشفق الأحمر واختفاء كل اشعاعات الشمس في السماء.

والوضوء إذا صار فيه برد حييل وخفت على نفسك من البرد ولا فيه ماء ساخنه تيمم
ولا تسهرون لأخر الليل وتنسون صلاة الفجر ..

والقبلة اهم شيء تحدد بنجوم والبوصلة ..
وأذكركم ماتنسونها يجعل ربي يحفظك من كل شر والقرأن ماتخلونه ولا يلهيكم عنه شيء
ولا اوصيكم الإقتصاد بـ الماء بـلاش من التبذير ..حتى لو كان فيه كمية كبيرة

وهذي النقطة للأسف كثير اللي يغفلون عنها وهذا نشوفه كثير
لما تبي تجلس في مكان بعض الأحيان يصير فيه البقايا منهم مايهم ويرحون ويخلونها وهذا أكبر خطأ..يعني يالله من فضلك وإنت جالس في مكان تحفظ عليه وعلى نظافته >>وهذا عموم اللي يكشف حبك للترتيب او شغلكـم ماشي حالك اهم شيء جالسين ومبسوطين ..ما احد قال لا تنبسطون بس حافظوا على نظافة المكان وإنتم موجودين فيها وقبل ما تتركونه ..{والنظافة من الإيمان}..

طبعاً كيد راح يكون في رحلتكم برامج ومسابقات بس اهم شيء تكون متنوعه وفيه حماس على اساس مايملون <<
والأحترام والتقدير بينكم اهم شيء ولا يصير بينكم مزح ثقيل ودفش امزحوا على بعض بس كل واحد وعلى حسب قدرته بعضهم يزعلون >>حلوها إذا زعلوا والله فيه بعضهم من شدة زعلهم تقولهم يادهينه لا تنكتين>>ترا مو إي احد عاد اللي يعزون عليك ..وإذا جينا للحق رضاء الناس غاية لا تدرك..بس سوىاللي عليك وكل وواحد امزح على حسب قدر استحماله للمزح..

وهذا لصحتكم خلوا شعاركم إذا كان من بينكم مدخن او شيء{رحلة بلا تدخين } وكل واحد فيكم يذكر الثاني بلاش من الدخان وتتشجعون ويوم عن يوم راح يكون شيء طبيعي هاذا إذا ماكرهتوه ..بس اهم شيء تقنعون في الشيء هذا ولا تنسون اضراره عليكم اولاً واخيراً ..

........
بعدها نجي قواعد السلامه..
طبعاً اول شيء الخيام لآزم الي ينصبها يكون عارف كيف يثبتها زين علشان سلامتكم
لإن تخيلوا لو واحد مايعرف يثبتها زين وجاء هواء وريح ومطر قوى وش راح يصير لكم <<بسم الله عليكم

وقبل ما تنصبون الخيمة {ماتجون تنصبونها عـ طول اسرع يعني} شوفوا الأرض مستويه ولا لا وإذأ هي فيها شيء ولا شيء الله يستر فــ أنتبهوا ..
وأهم حاجه في بعد الخيمة أنكم تخلونها في مكان بعيد عن الأشياء اللي يخليها بسرعة تحترق ,,
وتكون تواجه مصدر الرياح ..
ايه ومولد الكهرب {الماطور} يصير بعيد بعد عن الخيام ويصير بعد 220فولت ..

بس مو لا صار فيه مطر رحتوا تخيمون عند الوديان لا خليكم من بعيد لبيعد ويادرا مادخلك شر لا تبزعون باعمركم ...ترا فيه اهل يصيرون ينتظرون رجعتكم في السلامه ربي يخليكم لعين ترجيكم ..
استنسوا وانبسطوا وفلوها بس في حدود المعقول لا تتهورون
يعني مايروح واحد فيكم يقول بدخل في الوادي ثم عاد الله يستر يمسك الوحل وبعدين وش يفيدك تهورك ..صح كل شيء مقدر ومكتوب ..بس ربي يقول بعد ,,{لا تؤدى فيس انفسكم لتهلكه}في المعنى..
ولا تمشون في سيارتكم عليه لا تقول سيارتي تتحمل دبل ودبل مافيه دبلات على اللي مايعرف الماء اللي راح يمشي عليه ..الوحل وحل إذا مسك فيك مايخليك الإ رحمةٍ من ربي..
فـ أنتبهوا الله يرضا عليكم ..

يا زين هد الطير في وسط غابه === اما طلوع الشمس والا الطفيليل

ان شاف له جول تدراج عثابه === جايع وشفقان على شوفهن حيل

اوقات اللي تكثر فيها القنص..

الصقور..
موسم الصيد في منطقة الجزيرة العربية والخليج العربي الاشهر الخمسة لإبتداء من شهر تشرين الآول (أكتوبر) وإنتهاء بشهر شباط (فبراير) من كل سنة
الصيد باستخدام الصقور هي تقربياً محدودة ويعتمدون على ظروف منها توفر طيور الحباري والكراوين والآرنب البري وعلى مدى تقبل الصقور للقنص والمهتمون برياضة الصيد بالصقور بالنظر حولهم لمعرفة أخبار الصقور البالغة القرانيص يبدون في الاستفسار عن اخبار ورود أول طيور الحبارى اللي توصل للمناطق مهاجرة من المناطق الشمالية ويبدأكل منهم تهيئة نفسه وصقوره استعدادا لبدء موسم الصيد من تهيئة للعدة اللازمة للصقور من براقع وكفوف (الدسوس) وأوكار وسبوق ومراسل واهم شيء يفحص حالتها الصحية وتأكد من سلامتها من الامراض اللتي تصيبها في الحجر المقيض . . الصقر القرناص مايحتاج وقت طويل للتدريب وخصوصا اذا كان قد صاد في العام اللي طاف
الصيد موسم عند الصقارين اللي يحبون هـ الموسم يسون إي شيء بس يرحون للصيد لدرجة توصل بعض الأحيان لتقصيره مع اهل بيته ..واهم شيءفي الصقر تسمى المطاليع (المطلاع) عن الصقور..
و بعد ان ينقض الصقر على فريسته لآزم يتدخل القناص ويشارك صقره بالصوت وينهمه و يتقرب منه ولا يفزعه وبكذا يقدر يعزل الصقر عن فريستة او يترك للصقر ذبح الصيد ويعطيه جزء منها كمكافئه لـ صيدها...

تم تقليل : 64% من الحجم الأصلي للصورة[ 800 x 153 ] - إضغط هنا لعرض الصورة بحجمها الأصلي

تم تقليل : 64% من الحجم الأصلي للصورة[ 800 x 187 ] - إضغط هنا لعرض الصورة بحجمها الأصلي

إما عن البواريد وبنادق الصيد..

أهم الرخص ياجماعة لا تتوهقون...
عند اطلاق الرصاص ...
أنتبهوا تطلقون الرصاص من غير ما تسمّون..سواء كان في الهواء وطائر او حيوان..
وبعد لا تصيدون في الليل..

تدرب قبل ماتمسك أي بندقيه على كيفية الطلق.. وأنك كيف تتقن التصويب..
والطلقة على الصيد تصير على رأس الطير مو على صدره..
واهم شيء إذا خلصتوا صيد ما تخلونها محشوّة برصاص..

كيف تطلق بدقه أكثر :

اول شغله لآزم تعرف بندقيتك (الشوزن)..

كيف تطلق منها وكيف تحافظ عليها ..

وثاني شيء ..
إذا جيت تطلق يـا تحبس أنفاسك يا إما تأخذ نفس عميــــق او تأخذ نصه والنص الثاني برا << كذا راح يصير عندك توازن ويقلل اهتزاز الشوزن منك..
أضغط على الزناد على طول..بس لا تشد..
اول شيء راح تنتفض منها بس هذا اول الخير ، أنك بتصير دقتك في الرمي اعلى لكن اهم شيء تقنعى نفسك إنت بهذا وبتصير أحس قناص في الشرق الأوسط <<
والأهم تطلق وإنت مرتاح..
بس عاد اهتم في نظافة (الشوزن)

وخلوها دائما في مكان آمن
وبلاش من اللعب فيها يقاللـكم تمزحون ..بعدين الله يستر يصير شيء لا يحمد عقبها..
وبعد بلاش من التلقيه على بعض أنا احس منك وأنا احسن منك [ترا مافيه احد احسن من احد ]..<< الكل راح يصير ماهر مع الممارسه والتدريب..
...................

بعض المناطق اللي يكثر فيها الصيد

عرعر/حفرالباطن/الأسياح/رفح/بقعاء/شعيب الذئب/المقطر/المذنب/مليداء/إوثال/المقيطر/عقلة صقور/الإجفر/ابوخشبه

الأدوات واللوزام اللي تحتاجونها في البر والكماليات ..

الخيمة ومستلزماتها:-

تم تقليل : 73% من الحجم الأصلي للصورة[ 697 x 537 ] - إضغط هنا لعرض الصورة بحجمها الأصلي

( أعمده أطناب- اوتاد أروقه ذرا شراع - أشرعه زرقاء بلاستيك فرشة مع مراكي - حبال ماطور كهرباء مع الأسلاك واللمبات فأس منشار كريك مسحاة - مطرقة ملقاط ذراية حديد لي ماء + حنفيه- ترمس ثلج (حافظة) جراكل ماء+أباريق وضوء + حطب + فحم ـ ماء زياده عن الحاجه ــ صابون ــ ليفه تنظيف

السيارة ومستلزماتها :-

( مفتاح احتياط للسيارة - ماطور هواء + عيارهواء اشتراك كشاف واير سحب او حبل قوي- عدة كاملة - محول كهرباء من بطارية السيارة لمبة على بطاريةالسيارة صيدلية - خرائط خاصة بالرحلات البرية قارمن+كنود- دربيل سلاح شخصي كمرة فيديو+محول كهرباءــ جركل بانزين احتياطي

التأكدمن وضع السيارة :-

الزيت + الماء + هواء الكفرات + ليات الماء(الخراطيش)+ البطارية+البنزين ) .

عدة القهوة والشاي :-

( دله قهوة + ملقمة قهوة + ليفة دله أباريق شاي أحجام إبريق تفويح - إبريق حليب بيزه (جمع بيز) وهو الواقي من الحار كبريت + مكعبات مركب محماس + نجر_ طاسة أوسطل- قز وبرميل غاز ولي ومحول- ترامس شاي وقهوة ـ بيالات وفناجيل ـ كيسان ورق ) .

طلبات القهوة والشاي :-

( قهوة هيل زعفران مسمار تمر شاي سكر نعناع وحبق زنجبيل حليب + شابوره ) .

عدة الطبخ :-

( قدر كبير + ثلاث قدور صغيرة ثلاثة صحون مقلاة - ملاسة - سكاكين مسن - ملاعق مفتاح علب صابون لغسيل الصحون - صابون يد ليفه مواعين + أسفنجه صحون بلاستيك + أكواب + سفره قصدير-اكياس نفايات )

طلبات الطبخ :-

( رز مكرونة بهارات زيت لحم أو دجاج أو سمك بصل طماطم علب طماطم طازج ملح ليمون أسود فلفل أسود- بهارات مشكله طحين عسل - سمن زبده ثلج+ ماء بارد فاكهه معلبات + خبز )

وآخر الأسعافات الأوليه..

الكل يعرف الأماكن اللي تبع الصيد او إي مكان بر عموما يصير فيه قرصات ولدغ واو لاسمح الله حرق ونزيف..

لآزم نتعود الأسعافاتالأوليه لها لأنها بإذن الله بتخفف حجم الخطورة على بال مايصل المصاب للمستشفى..

لسعة العقرب

أعراضها:

أ?) ألم وحرقان في مكان اللدغة

ب?) الشعور بالصداع والدوخة

ت?) الشعور بالرغبة في القيء

ث?) جفاف الحلق

طريقة اسعافها..

اقتباس:من الأفكار الشائعة لدى الكثير كإسعافات أولية عند قرص أو عض أحدهم من عقرب أو حية استعمال البنزين أو زيت الفرامل بوضعه في إناء ووضع الجزء الملسوع فيه أو طريقه وضح المغناطيس عل مكان اللسعة ويشعر الملسوع براحة وانسحاب السم من الأعلى إلى جهة المغناطيس والبعض يضع عملة معدنية نقدية أو تمره أو قطعة من لستك السيارة أو يؤمر الملسوع بأكل ما يستطيع من حبات البصل أو الليمون بقشرة أو وضع الجزء الملدوغ في ماء وملح أو استخدام معدة - كرش خروف صغير يذبح في الحال ويدخل الجزء الملسوع في الكرش مع ملاحظة عدم تنظيف الكرش مما فيها. والبعض يقتل العقرب ثم يشق بطنها ويضعها على مكان اللسعة . أو قطع حبة ثوم من المنتصف ثم حكها بمكان اللسعة والمثل يقول "دواك الثوم يا عقرب".

عموماً العقرب متلسع الإ أن كانت جوعانه او ادفاع عن نفسها وتلسعك كـا رد أعتبار..

عض الثعبان..

ويضغط بشدة على الجرح في حالة عض الثعبان علشان يسيل الدم المتلوث.

- يطهر مكان العضة وعـ طول أقرب مستشفى.

- ضروي يدفىء ويشرب سوائل علشان بإذن الله يساعد على أن السم يطلع..

الرعاف :

يمسك الأنف مدة 10 دقائق مع يحني رأسه على قدام شوي و يخلي كمادة ماء بارد على رأسه.

الحروق:

هو تلف يصير في الجلد و الأنسجة نتيجة للحرارةالشديدةأو البرودة الشديدة أو مادة حارقة .

وحنا نصرف وقتها : برد الحرق و يغطى بضماد رطب ووعـ طول ينقل المصاب إلى أقرب مركز طبي.

إصابات العين :

يغسل العين المصابة لـ 20 دقيقة في الماء من جهة الأنف إلى برّا حتى لاماتروح للعين الثانيه ..
...................

يا زين جمعتنا على شبة النار === نارٍ سناها لدلال المباهير

امكرمات وسطهن بن وبهار === وسوالفٍ تطرب سموع المناعير

ناخذ لنا فالوقت سجة ومشوار === بين الفياض اللي زهتها النواوير

أرضٍ خلا ما داجها كل دوار === غير الحباري واشقح الريم ماذير

تلقى جرايرهن مع الروض عبار === زرق الغلب برق الظهور المخامير

هي منوة الي بالصقارة لهم كار === تشفق ضمايرهم على تلة السير

لا حولوا في فيضة كنها الطار === وتكافخن بيض الدواغر مياسير

ردوا على كن وجه ليا دار === وجه الغضيب اللي على علم وصغير

ليا انطلق ما كنه الى يبي ثار === يسوق في سوق الخصيم التباشير

أفحج سراويله على الكف نشار === عينه كما وصف الشمالي سناكير

يهوي عليهن مثل قصاف الاعمار === دابان ما عنده مراود وتأخير

إلى انطلق ما كنه ألا يبي ثار === يسوق في شوف الخصيم التباشير

شقر الحرار اللي لها أفعال واذكار === من ساس فارس وافياتٍ مغاتير

تم تقليل : 89% من الحجم الأصلي للصورة[ 575 x 431 ] - إضغط هنا لعرض الصورة بحجمها الأصلي

واهم شيء في البر التغريز

صح متعب بس ممتع ولا نحس في الطلعه اللي فيه

تم تقليل : 80% من الحجم الأصلي للصورة[ 640 x 480 ] - إضغط هنا لعرض الصورة بحجمها الأصلي

اليوم قل الصيد من كل الاوطان === زود على قل الطيور وغلاها

آخر زمان ناقل الطير تعبان === يبحث خفايا صيدة ما لقاها

والى هنا أكون خلصت رحلتنا مع القنص

كُل رجاء أن ينال على القليل من رضاكم ولأن القليل منكم كثير ..

دمتم في رعاية الله وحفظه ..واعذروني اذا كان مكرر

أعذروني إذا فيه خطأ او تقصير

يعطيك ألف عافيه يا ماطر السويدي

وحقيقةً كلام وشعر وصور وكلها روووووعه ما بعدها رووووعه

واسمح لي بنقله للقسم المناسب 00

[ماطر السويدي]

	المشاركة الأصلية كتبت بواسطة أمير بكلمتي

	يعطيك ألف عافيه يا ماطر السويدي وحقيقةً كلام وشعر وصور وكلها روووووعه ما بعدها رووووعه واسمح لي بنقله للقسم المناسب 00

لك الشكر يا امير مجالسنا على مرورك بالموضوع
وتقبل تحياتي وتقديري

وعليكم السلام ورحمة الله وبركاته

موضوع متكامل يعطيك العافيه اخوي ماطر .. سلمت ودمت ماتجيب الا المفيد

تقديري لك

[ماطر السويدي]

	المشاركة الأصلية كتبت بواسطة صالح الكعبي

	وعليكم السلام ورحمة الله وبركاته موضوع متكامل يعطيك العافيه اخوي ماطر .. سلمت ودمت ماتجيب الا المفيد تقديري لك

عليكم السلام ورحمة الله وبركاته
شكراً لك أخي صالح على أطرائك للموضوع
وتسلم يالغالي وتقبل تحياتي وجزيل الاحترام

كل متطلبات الرحلة تجدها في هذا الموضوع


وفقت في نقله اخي ماطر

شكرا لك

ويستحق التقييم

شكرآ لك ياأخ ماطر على الموضوع المشوق

وتقبل مروري

الله على شبة النار في البر وذيك الدلال الصفر والتمر ومن عقبها براد الشاهي

[ماطر السويدي]

	المشاركة الأصلية كتبت بواسطة فارس الطلحي

	كل متطلبات الرحلة تجدها في هذا الموضوع وفقت في نقله اخي ماطر شكرا لك ويستحق التقييم

عليكم السلام ورحمة الله وبركاته
لك الشكر أخي فارس الطلحي على مرورك
بالموضوع ولك جزيل الشكر والاحترام

[ماطر السويدي]

	المشاركة الأصلية كتبت بواسطة الطلحي تركي

	شكرآ لك ياأخ ماطر على الموضوع المشوق وتقبل مروري

عليكم السلام ورحمة الله وبركاته
لك الشكر والتقدير على مرورك
الوهاج أخي تركي .
وتقبل تحياتي وتقديري

أخوي: ماطر
موضوع رائع بروعة حضورك
الله يعطيك العافية
و ننتظر جديدك الراقي

[ماطر السويدي]

	المشاركة الأصلية كتبت بواسطة عناد طفلة

	أخوي: ماطر موضوع رائع بروعة حضورك الله يعطيك العافية و ننتظر جديدك الراقي

شكراً على مرورك بالموضوع الله يعطيك العافية
مع أطيب التحايا

موضوع راااااااااائع ننتظر الجديد

الله يعطيك العافيه ياماطر على هذا الموضوع المتكامل والرائع اللي شوقنا للبر والمقناص لاكن زهب نفسك بعد الحج نبا نقنص

تحياتي وتقديري لك