أنا بدوي وبعيشتي ما تنعمت ...

السلام عليكم ورحمة الله وبركاته
قصيدة للشاعر:محمد فياض الحويطي

الصمت حكمه في مواقف تبي صمت
والصمت في بعض المواقف مذله
وانا بعـد ياصاحبي يوم ساهمت
ماأقول شي الا يكون بمحله
أمشي على وضح النقا ما توهمت
والتايه اللي ما لقى من يدله
البادي اظلم وانت بادي وهاجـمت
ودك تغير مسلك الناس كله
انا بدوي وبعيشتي ما تنعمت
رمز الرجوله سيف والكيف دله
أعيش في صحرى الضما ما تألمت
وأقنص سباع البر في كل تله
محبوبتي صحراي في حبها همت
أعشــق سهلها والرجوم المطله
يكفي إني من البداوه تعلمت
إن الخضوع لغير ربي مذله
وان شانت الديره على النوق حملت
وانزل بروض من اول امزان عله
تلقى الخزاما والنفل فيه لاحمت
والقحويان يفيض حسنه ودله"
حنا البدو ياللي علينا تهجمت
حنا هل التاريخ والمجد كله
حنا البدو، حنا عرب مابنا شمت
أصل ونسـب محنا فروع وقله
نضل اعظم منك مهما تعاظمت
أنت الذنب والراس حنا هلـن له
وان كان لك يمنى طويله بها اقدمت
يمنـــاك واليسـرى ترانا نشله
وللعلم خذها كانك ما تعلمت
اللغز حنا لك بغينا نحله
سيـــف لنا انت بحقه تكلمت
في مامضـى جدك ركع تحت ظله

صح السانك وبيض الله وجهك
لاهنت وقصيده جزله
وجميله كرووحك

صح الله بدنك وبيض الله وجهك اشكرك على المرور

اناء اشهد انه شاعر اللي قال هذا الكلام وعشت وسلمت على النقل 0 بدون تكليف واذا شئت انت من وين والحويطات معروفين من جماعه عوده ابو تايه والسلام 0

اشكر على المرور , وانا من قبيلة المطارفه

	المشاركة الأصلية كتبت بواسطة حفيد الشيخ

	, وانا من قبيلة المطارفه

ونعم يآبن عمي

قصيده وآفيه وشآمخه

فيض ودي~

ما عليك زود والشرف لي واشكرك على مرورك.

روعه هذي القصيده ...........
\صح اللسان من قالها ويسلم من نقله النا
الف شكر

الله يسلمك اخوي واشكرك على المرور

صح لسانك

صح بدنك اخوي ولد هذيل واشكرك على المرور